1 Co 12:18 - Chuj San Sebastian Bible

¹⁸ Palta a Dios 'ix laj b'on junjn tas 'a qui niwnalec tic 'icha tznib'ej.

Chuj San Mateo Bible

¹⁸ Palta a Dios ix b'oan junjun tas d'a co nivanil tic icha sgana.

1 Co 12:18 ပူးပေါင်းရင်းမြစ်များ

Salmos 110:3

A yic 'oj a'nc owal, mun xoj 'oj wul ya'ch sb'a eb' a chon̈b' et'oc. 'Icha wal tz'aj 'ejm chicb'chan̈ 'a yic sq'uin̈b'ial, 'ixta wal 'oj 'aj sjaw ewin quelmtac 'a a tz'ey 'a lum tzaln yic emmquilal.

Salmos 135:6

Smasnil tas tznib'j sb'o 'a satcha'an̈, 'a sat lum tic, 'a yol a mar yet' 'a xab'l yich a', tzb'on̈j yu'uj.

Is 46:10

A 'a yictax pecti', waln cani tas 'oj ujc 'a slajb' c'ual. Waln cani to 'oj ujc tas nab'il wu'uj, 'oj in b'o smasnil tas tzin nib'ej.

Jonás 1:14

Yuj cha, 'ix tew eb' 'a Jehová, 'ix yaln eb' 'ixtic: Mamin Jehová, man̈ on̈ a satl yuj schamlil jun winc tic, 'icha tz'aj scham eb' milm cham 'anma', yujto ach tic Jehová, wan a b'on 'icha tas nab'il o'oj, xchi eb'.

Lc 10:21

A 'a yic jun rato cha, caw tzalj Jesús yuj Yespíritu Dios. 'Ix yaln 'ixtic: Mamin, yajl ach 'a satcha'an̈, yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, yet' 'a eb' caw 'ay snab'en 'a sat eb' yit 'anma'il. Ax eb' 'icha 'unin, a eb' 'ix ac' 'ojcanc 'eli. 'Ixta x'aj Mamin, yujto 'ixta tza nib'ej, xchi 'a Dios.

Lc 12:32

Ax tic, 'icha in calnelu, 'ixta 'ex, man̈ ex xiwoc. Jaywn̈n̈ej ex toni, palta a qui Mam Dios tzex 'i'n 'och 'a yol sc'ab', yujto 'ixta x'el 'a sc'ojol.

Ro 12:3

A Dios, 'a'jnac wopiso tic yuj swach'c'ojlal. Yuj cha, tzwaln 'at jun tzo'n̈ tic 'ayx e masnil. Matz tac' qui nan junjn on̈ec, to caw jeln on̈. Yowlal 'emmquilal tzcutjec qui nan qui b'a, a tzyala tas 'opiso tzyac' Dios 'ayn̈ junjn on̈ec, yujto 'aych qui c'ojlec 'a 'a.

Ro 12:6

Chucchc copiso junjn on̈ec, a tzyala tastc tz'el 'a sc'ojl Dios tzyac' 'ayn̈ junjn on̈. Yuj cha, yowlal caw tzon̈ munlj junjn on̈ 'a copiso. A mach 'ac'b'il yopiso yaln 'el spaxti Dios, yowlal tzyal-li, a tzyala jantc tzyutj ya'n 'och sc'ojl 'a 'a.

1 Co 12:11

Til wal jun tzo'n̈ tas tz'ajx qui b'o'ec, palta junn̈j Espíritu tz'a'n qui b'oc jun cha. Chucchc tas tzyac' qui b'o junjn on̈ec, a tzyala tas tznib'j yac' qui b'o'ec.

1 Co 12:17

Q'uinloc a jun in niwnal tic, nab'a yol satn̈ej sb'a. To 'ixta', ¿tas wal tzwutj wab'ni? Q'uinloc nab'a schicnn̈ej sb'a. To 'ixta', ¿tas wal tzwutj in su'lni junc tas?

1 Co 12:19

Q'uinloc a jun qui niwnalec tic, junn̈j tas 'ay 'a 'a. To 'ixta', man̈ niwnaloc.

1 Co 12:24

Ax jun tzo'n̈ tas wach' yilxi, man̈ yowlalc tzca'c 'och spichul. 'Ixta xyutj Dios sb'on qui niwnalec tic, sec wach' a jun tzo'n̈ tas mayn̈ej yel'chi, atn jun tzo'n̈ chi yel xo 'ay yel'ch 'a qui satec.

1 Co 12:28

Yuj cha, 'ayn̈ec xyac' Dios copisoec 'a yiglesia. B'ab'el, 'ayn̈ec schecb' Cristo cajec. Schab'il, 'ayn̈ec tz'ajx copisoec caln 'el spaxti Dios. Yoxil, 'ayn̈ec cuywjum on̈ec. An̈jtona' 'ayn̈ec tzqui ch'oxl milagro. 'Ayn̈ec tztac' ca'n b'oxc sc'ojl eb' ya'ay. 'Ayn̈ec tztac' tzon̈ colwji. 'Ayn̈ec tzon̈ 'a'w cuenta. 'Ayn̈ec pax tztac' tzon̈ paxtinec 'a jun tzo'n̈ chucchc ti'al.

1 Co 15:38

Tzlajw cha, ax Dios, a tz'a'n snun junjn 'in̈t chi 'icha tznib'ej, a tzyala, tas yin̈tl jun jun.

1 Co 3:5

¿Tom 'ay wel'ch an Pablo in tic? An̈jtona pax Apolos cha, ¿tom 'ay yel'ch paxi? Yujto an̈ tic on̈, ton̈j ya'mal on̈ servil Dios on̈. Cuj on̈, eya'n 'och e c'ojl 'a Cajlil. Ton̈j tzon̈ munlj junjn on̈ on̈, 'icha yaj ya'n Dios copiso tic on̈.

Ef 1:5

Til wal schamc'ojlal 'ayn̈ec. Yuj cha, yictax pecti', snajnac cani, to 'oj on̈ yunnalquec yuj Jesucristo, yujto 'ixta x'el 'a sc'ojol.

Ef 1:9

'Ay wal jun tas snajnac can Dios, to tzb'o 'a yolyib'n̈q'uinl tic 'icha tznib'ej. May xon mach 'ojtnac jun tic 'a pecti'. Palta ticnec, a tz'a'n cojcoquec 'el tas tznib'j tzb'o cha.

Apoc 4:11

Ach Cajlil, ach qui Diosal on̈, smoj tzalx o'oj, to niwn a wach'il, to caw niwn el'chi, niwn a poder. Yujto ach b'ojnac smasnil tas. 'Ayc'n̈ej smasnil, yujto 'ixta tza nib'ej, yuj cha, b'ob'il o'oj, xchi eb' 'a 'a.