1 Co 12:12 - Chuj San Sebastian Bible

¹² A qui niwnalec tic, wach'xam niwn tas 'ay 'a 'a, palta junn̈j yaji. 'Icha jun tzo'n̈ tas 'a qui niwnalec tic, 'ixta cajc 'och 'a Cristo. 'Icha to sniwnal Cristo cajc qui masnil.

Chuj San Mateo Bible

¹² A jun co nivanil tic, vach'chom tzijtum macan̈il yaji, palta junn̈ej. Icha juntzan̈ tas ayoch d'a co nivanil tic, icha chi' cajoch d'a Cristo. Ichato snivanil Cristo caj co masanil.

1 Co 12:12 ပူးပေါင်းရင်းမြစ်များ

1 Co 10:17

Wach'xam niwn on̈ec, junn̈j jun pan chi tzqui wajec qui masnil. Yuj cha, 'icha junc pan junn̈ej, 'ixta 'on̈ec. Yujto 'icha to sniwnal Cristo cajc qui masnil.

1 Co 12:20

Cojquec, niwn tas 'ay 'a qui niwnalec tic, palta junn̈j yaji.

1 Co 12:27

Yuj cha, an̈ec tic, 'icha to sniwnal Cristo cajec. Junjn on̈ec, 'icha to stz'acb' sniwnal chi cajec, 'ixta cajc 'och qui masnil 'a 'a.

1 Co 12:7

A Dios tzch'oxn 'ayn̈ junjn on̈ec, chajtlto 'aych Yespíritu quet'ec, sec caw wach' quic qui masnil.

Gl 3:16

Ax Dios, ya'jnac can sti 'a Abraham yet' 'a yin̈til. Ma'ix yal 'a Ch'an̈ U'un̈: A jun tzo'n̈ eb' en̈til, man̈ xchioc. Yujto man̈ niwnoc eb' yin̈tl 'aj xyala. Palta xyal 'ixtic: A en̈til, xchi. Yujto jun wal yin̈tl Abraham chi 'aj xyala, atn Cristo.

Ef 1:23

Ax yiglesia tic, 'icha to sniwnal yaji, tz'acn tzch'oxl swach'il. A Cristo tic, tz'acn yaj pax smasnil tas yu'uj.

Ef 4:12

'Ixta tzyutj ya'n copiso junjn on̈ an̈ yic on̈c xo, yic tzca'nec servil, sec 'oj wach' te'nb'oc qui nab'enec, yujto an̈ec tic, 'icha to sniwnal Cristo cajec.

Ef 4:4

Yujto an̈ec tic, 'icha to junn̈j 'anmal cajec. Junn̈j Espíritu 'aych 'ayn̈ec. Junn̈j tas tzca'c 'och yipc qui c'ojol, atn jun 'aj 'awtb'iln̈ec 'ochi.

Ef 5:23

Yujto a eyichmil, 'icha to e jolm yaji. 'Icha Cristo, sjolm yaj 'a yiglesia. An̈jtona', qui Colmalec paxi, 'icha to sniwnal cajec.

Ef 5:30

yujto 'icha to caw sniwnal cajec.

A Scarta San Pablo D'a Eb' Aj Colosas 1:18

Caw sjolm yaj 'a yiglesia. An̈ec yiglesia on̈c tic, 'icha to sniwnal cajec. A tz'a'n qui q'uinlec. A b'ab'l pitzwnac pax 'a scal eb' chamnac, yic wach' yel xo wal niwn yel'ch 'a yib'n̈ smasnil.

A Scarta San Pablo D'a Eb' Aj Colosas 1:24

A ticnec, 'ayn 'och 'a yailal e mul eyujoc. Palta tzin tzaljn̈ej paxi. Yujto a yic tzwab'n syal yet' in niwnal tic, 'icha to tzin tz'acb'tzej syailal Cristo jac xo. A 'ix 'ab'n syal cuj an̈ yiglesia on̈c tic, yujto 'icha to sniwnal cajec.

A Scarta San Pablo D'a Eb' Aj Colosas 2:19

Yuj cha, man̈xtzac ya'ch eb' snab'en 'a Cristo. Palta 'icha qui jolom, 'ixta yaj Cristo 'ayn̈ec. Yujto a tz'a'n quipec, tzon̈ wach' te'nb'iec yu'uj. Yu'uj, caw junn̈j tzon̈ 'ajc qui masnil 'icha tznib'j Dios.

A Scarta San Pablo D'a Eb' Aj Colosas 3:15

A Dios a 'awtjnacn̈ec 'och yico'oc, sec junc'ojlal tzon̈ 'ajc qui masnil, yujto junxn̈ej cajc 'a yol sc'ab' Cristo. Yuj cha, caw wach' tzlaj cutquec qui b'a 'a qui cal, sec tzyac' Cristo sjunc'ojlal 'a qui pixnec. An̈jtona', tzca'nec yuj diosal 'a 'a.