1 Co 11:34 - Chuj San Sebastian Bible

³⁴ Toto 'ayx caw 'ay e wejel, yowlal tzex wacn 'a eyatut. Toto 'ixta', wach' 'oj eyutc e b'eyb'al, yic tzeyamn e b'a ta'. Ax Dios, ma'oj ya' cot yailal 'a eyib'an̈. Ax jun tzo'n̈ xo tas tzat yac' palta 'ayex, 'ojt in b'oyaji, yic 'oj in c'och 'ayx ta'.

Chuj San Mateo Bible

³⁴ Tato ayex mach ex ay e vejel, yovalil tzex cham vacan d'a e pat, yic icha chi' vach' ol eyutoc e b'a ayic tze molb'an e b'a ta'. Axo Dios, man̈ ol yac'cotlaj eyaelal. Axo juntzan̈xo tas tzato yac' palta d'ayex, ol to in b'o yaji ayic ol in c'och d'ayex ta'.

1 Co 11:34 ပူးပေါင်းရင်းမြစ်များ

1 Co 11:33

Yuj cha, ex wu'tac, ex wanab', a yic tzeyamn e b'a yuj jun cena tic, tzlaj e tan̈wc e b'a, sec moln tze waj e masnil.

1 Co 16:1

A ticnec 'oj wal't 'ayx yuj jun ofrenda 'oj q'ue wan 'a e cal, yic 'oj 'ajxc 'a eb' quit creyenteal 'ay 'a Jerusalén. A jun tzo'n̈ checnb'il tic 'oj wal't 'ayx tic, waljnacx 'a eb' creyente 'a yol yic Galacia. Yuj cha, 'ixta 'oj eyutc e b'a junx yet' eb'.

1 Co 16:2

A 'a junjn domingo tzeyila jantc tas tzeyac' ganar. Tzeyi'n can 'el eyofrenda junjn ex, tze molni. Toto 'ixta', man̈ yowlalc at tzin c'ochi, tzeya'n lista eyofrenda cha.

1 Co 16:5

A yic 'oj in 'at ex wila', yowlal 'oj wec' chab' 'oxe'oc c'u 'a yol yic Macedonia. 'Ixta to b'i'an, ax in c'och 'ayex.

1 Co 4:17

Yuj wal jun tic, tzin checn 'at Timoteo tic 'ayex. A Timoteo tic, 'icha to wunnal yaj 'a sat Cajlilec. Caw chamc'ojlb'il wu'uj, caw yiclum pax tzyutj sb'a. A 'oj 'at alnoc 'ayex, ax e nan coti, tas xwutj in b'eyb'al 'a yic wa'n 'och in nab'en 'a Cristo. 'Icha tzwutj in cuyn eb' creyente 'a junjn iglesia, 'ixta 'oj yutc ex scuyn jun xo.

1 Co 4:19

Palta tzin na'a, jab'xoj 'oj in 'at ex wila', toto 'ixta tznib'j Cajlilec. Atta 'oj wila', toto yel 'ay tas tztac' yuj eb' cha, mto ton̈j tzyal eb'.

1 Co 7:17

Junjn on̈ec, a tas caj xon yuj Cajlilec yic on̈ yawtnec 'och Dios, tzon̈ cann̈j 'ixta'. 'Ixta tzwutj waln pax 'a eb' creyente 'a junjn iglesia.

Tito 1:5

Cannc ach wuj 'a lugar Creta cha, sec tza wach' b'oj jun tzo'n̈ tas 'ayt sb'o'i. Tza si'n pax 'elt eb' tz'och ancianoal 'a eb' creyente 'a junjn chon̈ab'. Tza sic' 'elt eb' 'icha yaj waln can 'ayach.