1 Co 11:3 - Chuj San Sebastian Bible

³ Palta tzin nib'j tzeyojquej 'eli, to a Cristo, a Yajl yaj 'a junjn winac, 'icha to sjolm yaji. Ax yichmil junjn eb' 'ix 'ix, a yajl yaj 'a eb', 'icha Dios, Yajl yaj 'a Cristo.

Chuj San Mateo Bible

³ Palta in gana tzeyojtaquejeli to a Cristo Yajal yaj d'a junjun eb' vin̈ vinac, ichato sjolomal yaj d'a eb' vin̈. Axo vin̈ yetb'eyum junjun eb' ix ix, a vin̈ yajal yaj d'a eb' ix, icha yaj Dios, yujto A' Yajal yaj d'a Cristo.

1 Co 11:3 ပူးပေါင်းရင်းမြစ်များ

Gn 3:16

Xyaln pax 'a 'ix 'ix cha: —'Oj wac' ab' syail yic et'x one', ax wa'n niwtjoc a yailal yic 'oj 'aljoc one'. Toxn̈ej 'ay yailal 'oj ela', palta 'oj a nib'cn̈ej echmil. A win winc 'oj 'och ajliloc, xchi 'a 'ix.

Is 52:13

Yuj cha, xyaln Jehová 'ixtic: A jun in checb' tic, 'oj sta'n̈j yu'uj, yel xo wal niwn yel'ch 'oj 'ajoc, 'oj b'inaxc 'a scal 'anma', ax yijx chan̈ sb'i.

Is 55:4

An wa'jnac 'och David chi testigoal 'a sat jun tzo'n̈ nacion̈, yic tzjucb'tzani mto yic tzya'n yajlil 'a jun tzo'n̈ xo chon̈ab'.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Jn 14:28

Tox 'ix wal eyab'i', to 'oj in paxi, palta 'oj in japxi, ax in can eyet'oc. Toto yel tzin e chamc'ojlej, toto 'ixta', tzex tzalji, yic 'oj eyab'ni, to 'oj in pax 'a qui Mam Dios. Yujto caw 'ec'b'al xo yel'ch 'a wib'an̈.

1 Co 3:23

Ax tic, yic ex xo Cristo quet' on̈. Ax Cristo, yic Dios yaji.

Ef 4:15

Palta an̈ec tic, yowlal an̈j jun tzo'n̈ yel tzcalec, qui ch'oxc qui chamc'ojlal. Yowlal tzon̈ wach' te'nb'iec, sec caw lajnn̈ej tzon̈ 'ajc yet' Cristo. Yujto 'icha qui jolom, 'ixta yaj 'ayn̈ec.

A Scarta San Pablo D'a Eb' Aj Colosas 1:18

Caw sjolm yaj 'a yiglesia. An̈ec yiglesia on̈c tic, 'icha to sniwnal cajec. A tz'a'n qui q'uinlec. A b'ab'l pitzwnac pax 'a scal eb' chamnac, yic wach' yel xo wal niwn yel'ch 'a yib'n̈ smasnil.

A Scarta San Pablo D'a Eb' Aj Colosas 2:10

Yuj cha, caw tz'acn on̈c xo ticnec, yujto junn̈j cajc yet'oc. A yajl yaj 'a yib'n̈ jantcn̈ej jun tzo'n̈ eb' 'aych yajlil, atn jun tzo'n̈ 'ay spoder ya'n mandar.

A Scarta San Pablo D'a Eb' Aj Colosas 2:19

Yuj cha, man̈xtzac ya'ch eb' snab'en 'a Cristo. Palta 'icha qui jolom, 'ixta yaj Cristo 'ayn̈ec. Yujto a tz'a'n quipec, tzon̈ wach' te'nb'iec yu'uj. Yu'uj, caw junn̈j tzon̈ 'ajc qui masnil 'icha tznib'j Dios.

A Scarta San Pablo D'a Eb' Aj Colosas 3:18

Ax xo ex 'istlab'il, yicljec tas tzyal eyichmil 'ayex, smoj tzeyiclej, yujto 'aych e c'ojl 'a Cajlilec.

A Sb'ab'el Carta San Pedro 3:1

Ax 'istlab'il ex, caw yiclum tzeyutj e b'a 'a eyichmil. Yujto 'ayx matz ya'ch eyichmil sc'ojl 'a spaxti Dios. Wach'xam may tas 'oj eyal 'a eb', palta tecn 'oj montchjoc 'och eb' eyu'uj.