1 Co 11:2 - Chuj San Sebastian Bible

² Ex wu'tac, ex wanab', tzex wal wach'l ta', yujto smasnil tiempo tzin e na coti. Wan e b'eylb'an pax jun tzo'n̈ cuynb'il waljnac can 'ayex.

Chuj San Mateo Bible

² Ex vuc'tac ex vanab', tzex val vach'il, yujto masanil tiempo tzin e nacoti, yujto van e c'anab'ajan pax juntzan̈ c'ayb'ub'al valnaccan d'ayex.

1 Co 11:2 ပူးပေါင်းရင်းမြစ်များ

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

1 Co 11:17

'Ay jun tzo'n̈ xo tas 'oj wal't 'ayex. Palta matz tac' tzex wal wach'il, yujto 'ayx 'ayt e paltail. Yujto a yic tzeyamn e b'a ta', may jac swach'l tze cha'aj. Ton̈j tzex juw 'el yu'uj.

1 Co 11:22

¿Tom may eyatut junjn ex, 'aj tztac' tzex wacni, tzeyu'n can tas ta'? A yic tze b'on jun tzo'n̈ cha, ax eb' eyit creyenteal, tze patquilj can 'el eb', palta yiglesia Dios pax yaj eb' eyet'oc. A eb' 'ixta tzeyutj cha, may tas tzc'ux eb' eyet'oc. Yuj cha, ton̈j tzeyac' q'uixwc can 'el eb'. ¿Tasm tze na'a? ¿Tom 'oj stac' ex waln wach'l yuj jun e b'eyb'al cha? Caw matz tac'a.

1 Co 15:2

Toto an̈ja 'aych e nab'en 'a jun 'ab'x waljnac 'ayx tic, toto yel eya'jnac 'och e c'ojl 'a 'a, to 'ixta', 'ay e colnb'il yu'uj.

1 Co 4:17

Yuj wal jun tic, tzin checn 'at Timoteo tic 'ayex. A Timoteo tic, 'icha to wunnal yaj 'a sat Cajlilec. Caw chamc'ojlb'il wu'uj, caw yiclum pax tzyutj sb'a. A 'oj 'at alnoc 'ayex, ax e nan coti, tas xwutj in b'eyb'al 'a yic wa'n 'och in nab'en 'a Cristo. 'Icha tzwutj in cuyn eb' creyente 'a junjn iglesia, 'ixta 'oj yutc ex scuyn jun xo.

1 Co 7:17

Junjn on̈ec, a tas caj xon yuj Cajlilec yic on̈ yawtnec 'och Dios, tzon̈ cann̈j 'ixta'. 'Ixta tzwutj waln pax 'a eb' creyente 'a junjn iglesia.

1 Ts 1:6

Ax xo, xeyamch e b'eylb'an qui b'eyb'al on̈. Xe b'eylb'an pax sb'eyb'al Cajlilec. Wach'xam caw xeyab' syail, yic e chan spaxti Dios, palta caw tzaljc'ojlal chab'il eyu'uj. Yujto a Yespíritu Dios 'a'jnac e tzaljc'ojlal.

1 Ts 3:6

Al ticnec, 'ix xit' Timoteo tic 'ayex. 'Ix yal eyu'uj, to an̈ja 'aych e c'ojl 'a Cristo, an̈ja 'ay e chamc'ojlal ta'. 'Ix yalni, to smasnil tiempo tzon̈ e na cot on̈, tzon̈ e chamc'ojlan cot on̈. 'Ix yaln paxi, to caw tze nib'j tzon̈ eyil on̈. An̈jtona', 'ixta 'on̈ pax on̈, caw tzqui nib'j tzex quil on̈.

2 Ts 2:15

Yuj cha, ex wu'tac, ex wanab', caw te'n tzeyutj e b'a. Caw man̈ eyac' sat e c'ojl 'a jun tzo'n̈ cuynb'il 'ec' caljnac can 'ayx on̈, yet' jun tzo'n̈ xo tz'ib'b'il 'at 'ayx cuj on̈.

2 Ts 3:6

Ex wu'tac, ex wanab', a 'a sb'i Cajlil Jesucristo, tzcalb't jun tzo'n̈ xo checnb'il tic 'ayx on̈. Toto 'ay eb' creyente matz nib'j sb'o smunljel ta', toto matz b'eylb'ej eb' jun tzo'n̈ cuynb'il 'ec' caljnac can 'ayx on̈, caw matz tac' jun tzex 'ec' yet' eb'.