1 Co 10:7 - Chuj San Sebastian Bible

⁷ Yuj cha, matz tac' calnec qui b'a 'a jun tzo'n̈ tzalx 'och diosal, 'icha yutjnac sb'a jun tzo'n̈ eb' 'a scal eb' cha. A Ch'an̈ Un̈ tz'ib'b'il cani, a Ch'an̈ tzaln yuj eb' 'ixtic: 'Ix laj 'em wocn eb' swa'i, 'ix laj yu'nc eb' tas tzyuq'uej. Xlajw cha, 'ix q'ue b'uynjoc eb' sb'on maysch'olnil, xlaj ya'n eb' chan̈al, xchi 'a Ch'an̈.

Chuj San Mateo Bible

⁷ Yuj chi', max yal calan co b'a d'a juntzan̈ comon dios, icha yutejnac sb'a juntzan̈ eb' d'a scal eb' chi'. A Slolonel Dios Tz'ib'ab'ilcani, a tz'alan yuj eb' icha tic: Ix em c'ojjab' eb' chon̈ab' smasanil, ix va eb', ix yuc'an a' eb'. Ix lajvi chi', ix q'ue b'ulnaj eb' schan̈alvi yed' sc'ulan chucal d'a yichan̈ sdiosal chi', xchicani.

1 Co 10:7 ပူးပေါင်းရင်းမြစ်များ

Ex 32:17

Ax yic wan yemxwul eb' 'a sla'nil eb' chon̈b' cha, xyab'n Josué yel yaw eb' 'anma cha, 'ix yaln 'a Moisés 'ixtic: —Coyn wal to owl 'aych yuj eb' 'anma chi 'a yol camplamento, xchi.

Ex 32:19

Ax yic 'ix 'eml Moisés 'a sla'nil camplamento cha, 'ix yiln 'och jun yechl quelm wacx cha. Ax eb' 'anma', wan laj schan̈lwi eb', yuj cha, caw 'ix cot yowal, sjuln 'ejm eb' q'uen q'uen mec'b'il yuj cha, 'ix sma'n can poj 'a lum yich witz cha.

Ex 32:4

Schan 'ec' jun tzo'n̈ q'uen cha, xya'n 'ulb'xoc 'a scal c'ac'. Syamn 'och stenn tojlb'oc, masnto 'ix b'o 'icha yechl junc quelm wacax. Xyiln eb' 'anma cha to xb'o 'el'chi, xyaln eb' 'ixtic: Ex quit israelal, atn jun qui diosalec tic on̈ 'i'nec 'elt 'a Egipto, xchi eb'.

A Tas Sc'ulejnac Eb' Schecab' Jesús Hechos 15:20

Cojn cab' tzca'c 'at qui carta 'a eb', tzcalnec 'at 'a eb', to man̈xtzac sc'ux eb' jun tzo'n̈ tas tz'ajx xajmb'al-l 'a jun tzo'n̈ tzalx 'och diosal. Man̈xtzac sb'o eb' 'ajmulal, man̈xtzac schi eb' schic'l no noc', man̈xtzac schi eb' no noc' tzjalx tup yic' yujto 'ayt 'och schic'l no'.

1 Co 10:14

Yuj cha, ex chamc'ojlb'il wu'uj, caw man̈ eyal e b'a 'a jun tzo'n̈ tzalx 'och diosal.

1 Co 5:11

Palta a jun waljnacx 'at 'ayex, tzyal 'el'chi, toto 'ay eb' tzalni, to creyente eb', palta maysch'olnil sb'eyb'al eb', man̈xtzac stac' jun tzon̈ 'e'c yet' eb'. Atn eb' tic tzwala: Eb' 'ajmul, eb' tznib'n 'och tas 'ay 'a junc xo mach, eb' tzyal sb'a 'a jun tzo'n̈ tzalx 'och diosal, eb' b'ajwjum, eb' 'u'm 'an̈, yet' pax eb' 'elc'um. A eb' 'ixta sb'eyb'al cha, toto tzyal eb', to creyente eb', wach'xam ton̈j tzon̈ wac jac yet' eb', caw wal matz tac'a.

1 Co 6:9

¿Tom mant eyojcoc, to a eb' man̈ tojloc tzyutj sb'a, may yaln eb' yic sc'och 'a yol sc'ab' Dios? Caw man̈ e cha 'ixtxoc paxti e b'a. Yujto a eb' 'oj wal tic, may xon jac yaln eb' yic sc'och 'a yol sc'ab' Dios. A eb' mant 'a yistzil tzcomn b'on 'ajmulal, yet' eb' tzyal sb'a 'a jun tzo'n̈ tzalx 'och diosal, eb' 'ayx yistzil tzb'on 'ajmulal, eb' tzyixtj sb'a yet' eb' yit wincal.

1 Co 8:7

Palta man̈ smasnilc eb' creyente tznachj 'el jun tzo'n̈ tic yu'uj. 'Ay eb' caw ya'jnac 'och sc'ojl 'a jun tzo'n̈ tzalx 'och diosal cha. Yuj cha, a jun tzo'n̈ tas tz'ajx xajmb'al-l cha, yicn̈ej jun tzo'n̈ tzalx 'och diosal chi snan eb'. A jun snab'en eb' tz'a'n cuenta cha, mant 'a ste'nal. Yuj cha, tzjuw 'el snab'en eb' yic tzchin eb' jun tzo'n̈ xajmb'al cha.

Dt 9:12

'Ix yaln 'ayn 'ixtic: 'Ixic, paxn̈ 'ejm muc'uc, yujto a jun chon̈b'al eb' 'anma 'ix ej 'elt 'a Egipto, caw wal 'ix juw 'el eb'. Ma'ix syiclj eb' in checnb'il alb'il can wu'uj, yajn̈ej sb'on eb' jun sdiosal to nab'a oro.

1 Jn 5:21

Ex chamc'ojlb'il wu'uj, caw man̈ eya'ch e nab'en 'a jun tzo'n̈ tzalx 'och diosal. [Ya' cab'i'.]