1 Co 10:6 - Chuj San Sebastian Bible

⁶ A jun tzo'n̈ tas jawnc 'a yib'n̈ eb' cha, ch'oxnb'il yaj 'ayn̈ec, sec matz qui nib'jec 'och jun tzo'n̈ maysch'olnil, 'icha yutjnac sb'a eb' cha.

Chuj San Mateo Bible

⁶ A juntzan̈ tas janac d'a yib'an̈ eb' chi', ch'oxnab'il yaj d'ayon̈ yic max co nib'ejoch juntzan̈ chucal icha yutejnac eb' snib'anochi.

1 Co 10:6 ပူးပေါင်းရင်းမြစ်များ

Nm 11:4

Til wal eb' chuc chon̈b'al toxn ajun 'a scal eb' israel. A jun tzo'n̈ 'anma cha, a wal tas tz'aj eb' swa'i, a chi nan yuj eb'. Locn pax eb' israel tzcham yuj wejl yet' eb', yuj cha, 'ix 'oc' chan̈ eb', xyaln eb' 'ixtic: ¡Mach junc tz'a'n qui chi chib'j 'a tic!

Ro 5:14

A 'a yictax stiempoal win Adán cha, masnto 'a yic x'ajx 'elt ley yic Moisés, yowlal xcham smasnil 'anma', yujto xlaj 'och smul eb'. Wach'xam man̈ lajnoc ton smul eb' 'icha smul win Adán, yic ma'ix syiclj jun checnb'il alb'il 'a 'a, palta yowlal xlaj cham pax eb' jun xo. A win Adán cha, ch'oxnb'il yaj win yuj jun tza'nto jawnac, atn Cristo.

1 Co 10:11

Smasnil jun tzo'n̈ tas jawnc 'a yib'n̈ eb' qui mam quichm chi 'on̈, ch'oxnb'il yaj 'ayn̈ec. Tz'ib'b'il can jun tzo'n̈ chi 'a Ch'an̈ U'un̈, sec cojquec, to 'ay smay yoch qui mulec. Yujto an̈ec tic, 'ayn̈ecx 'ec' 'a jun slajb' tiempoal.

A Ch'an̈ Carta D'a Eb' Hebreo 4:11

Yuj cha, ca'c wal 'ip cochc 'iljoc yuj Dios, sec wach' may junc on̈ec tzqui b'eylb'ej sb'eyb'al eb' ma'ix ya'ch 'a sc'ojl cha.

A Ch'an̈ Carta D'a Eb' Hebreo 9:24

Yujto a Cristo, man̈ 'ochncoc 'a yojl jun scajnub' Dios b'ob'il yuj 'anma', yujto a jun cha, yechln̈ej jun caw yel scajnub' Dios. At 'a satcha'an̈, atta 'ochnac. Ax ticnec, 'ayc' 'a yojltac Dios, yic tzya'n 'och qui tic 'a 'a.

A Sb'ab'el Carta San Pedro 3:21

A jun a cha, ch'oxnb'il yaji. Yujto a jun a yic bautismo, tzon̈ colchjec yuj ticnec. A jun bautismo tic, man̈ yopisooc yi'n 'el slumal qui niwnal. Palta yu'uj, tzqui c'annec 'a Dios to tzwach' b'o qui nab'en. Tzon̈ colchjec, yujto pitzwnac pax Jesucristo,

A Schab'il Carta San Pedro 2:6

An̈jtona', ya'jnac Dios yailal 'a yib'n̈ eb' 'aj Sodoma yet' eb' 'aj Gomorra. C'uxn lajwnac 'el chab' chon̈b' chi yet' c'ac'. Nab'a tan̈ xoj 'ajnc can smasnil. A eb' lajwnac 'el cha, ch'oxnb'il yaj eb' 'a jantcn̈ej mach maysch'olnil sb'eyb'al.

San Judas 1:7

An̈jtona', tze nan cot tas 'ajnc eb' 'aj Sodoma yet' eb' 'aj Gomorra, yet' eb' 'a jun tzo'n̈ xo chon̈b' 'a sla'nil. 'Icha yutjnac sb'a eb' ángel cha, 'ixta yutjnac pax sb'a eb'. Caw ya'jnac 'at sb'a eb' 'a scal 'ajmulal. An̈jtona sb'ojnac eb' jun tzo'n̈ xo 'ajmulal yet' yit wincal. A eb' cha, ch'oxnb'il yaj eb' 'a smasnil 'anma ticnec, yujto wan yab'n eb' syal 'a scal c'ac' 'a jun 'ejmn̈ej.