1 Co 10:4 - Chuj San Sebastian Bible

⁴ An̈jtona', smasnil eb' 'u'jnac jun a 'ac'b'il yuj Dios 'a eb' 'a 'esal. A 'a sat jun q'uen q'ue'en, ata 'elnc ta a a'. A jun q'uen cha, sch'oxnb'il Cristo yaji.

Chuj San Mateo Bible

⁴ An̈ejtona', masanil eb' uc'annac pax jun a a' yac'naccot Dios, aton jun a' elnaccot d'a sat jun q'uen tenam. A jun q'uen tenam chi', sch'oxnab'il Cristo yaj q'ueen.

1 Co 10:4 ပူးပေါင်းရင်းမြစ်များ

Gn 40:12

Xyaln José 'a win 'ixtic: —'Ixtc tzyal 'el'ch a waych tic: A 'oxe sc'ab' uva xel cha, 'oxe c'u tzyala.

Gn 41:26

A tzyal 'el'ch ucwn̈ no wacx caw b'a'ch cha, uque ab'il tzyala; an̈jtona', 'ixta pax uque sjolm 'ixm trigo caw wach' cha, junn̈j tas tzyala.

Salmos 105:41

Xya'n poj snan̈l q'uen niwquil q'ue'en, axta 'ix 'elt secnjoc a a'. 'Ix b'ey a 'a lum tacn̈ lum 'icha wal sb'ey a 'elmal a',

Salmos 78:15

A 'a cusltac lu'um, 'ix poj snan̈l q'uen q'uen yu'uj, xlaj ya'noc yuc' eb' 'anma a si'mb'il.

Salmos 78:20

Yel toni, 'ix poj snan̈l q'uen q'uen yuj Dios; ax 'a q'uen x'elt jun niwn a tzb'ey yoc. Caw xc'unb' chan̈ sat lum lum yuj a', ¿palta tom wal 'oj stac' ya'n tas tzqui c'uxu? ¿tom 'oj techjoc ya'n chib'j qui chi'? xchi eb'.

Ex 17:6

'Oj ach in tan̈wc 'a sjolm q'uen tenm 'a lum tzaln Horeb. Ax yic tzach c'ochi, tza ma'n 'och te a c'occh chi 'a sat q'ue'en, ax yel-l a a chi 'a sat q'uen q'uen cha, 'ixta 'oj 'aj yu'n eb' 'anma tic a', xchi Dios. 'Ixta 'ix yutj Moisés sb'on 'a yojltac ewin yichm wincal chon̈b' Israel cha.

Is 43:20

'Oj yi' chan̈ e no calte'al noc' in b'i, atn no 'oques yet' no tucul, yujto 'oj wac' pac' a a 'a lum cusltac lu'um, ax wa'n b'ey yoctc a a chi 'a lum tacn̈ lu'um. Yuj eyu'n a ax in chon̈b' ex tic, to sic'b'ilx 'el wu'uj, yuj cha, 'ixta 'oj wutoc.

Is 48:21

Nac coti tas 'e'nc eb' e mam eyichm 'a lum cusltac lu'um, to man̈ 'ochncoc stacn̈til eb'. An 'ix wac' jat snan̈l q'uen niwc q'ue'en, axta 'ix 'elt secnjoc a niwc a 'ix b'ey yoctac.

Dn 2:38

Ach ya'n 'och yajlil 'a sat smasnil lum lum 'aj cajn eb' 'anma', 'aj 'ay no calte'al noc', yet' no ch'ic. A Dios cha, a 'a'jnacch 'och yajlil 'a yib'n̈ smasnil tas, yuj cha, ach tzach yal sjolm jun yechl to nab'a oro cha.

Dn 7:17

A chan̈wn̈ no noc' xel cha, atn chan̈e nacion̈ 'oj yac' yajlil 'a yolyib'n̈q'uinl tic tzch'oxo.

Nm 20:11

A yic xlajw yaln jun tzo'n̈ cha, 'ix yi'n chan̈ Moisés sc'ab' yet' sc'ococh, 'ix sma'n 'och cha'ejm 'a sat q'uen q'uen cha. Yajn̈j wal cha, 'ix 'elt secnjoc a a cha. 'Ix yu'n eb' 'anma chi a yet' smasnil scajb'en noc' cha.

Jn 4:10

Xlajw cha, xyaln pax Jesús 'ixtc 'a 'ix: —Tzin c'an wuc' jac a 'ayach, palta man̈ ojcoc mach in. Man̈ ojcoc pax tas tznib'j Dios tzyac'a. Comnoc ojtac. Toto 'ixta', ach xo tic, xa c'an 'ayin, an xo xwac' jun a tz'a'n a q'uinal, xchi Jesús 'a 'ix.

Jn 4:14

Palta ax eb' tz'u'n jun a tzwac'a, man̈x b'a'n̈ 'oj cot stacn̈til eb' jun 'ejm xo. Yujto a jun a tzwac' tic, 'oj 'aj sjaj a 'a eb', ax ya'n a sq'uinl eb' 'a jun 'ejmn̈ej, xchi Jesús 'a 'ix.

Jn 7:37

A wal 'a yol slajw q'uin̈, ata caw sin̈n̈i tz'aj eb' 'anma'. Yuj cha, at 'a yol slajw q'uin̈ cha, atta 'ix q'ue lin̈n Jesús 'a sat eb'. Caw 'ip 'ix yal 'elt 'a scal eb' 'ixtic: —Toto 'ayx tze nib'j tze chaj e q'uinl 'a jun 'ejmn̈ej, cotn̈ec 'ayin. 'Icha tzeyutj ey'un a yuj e tacn̈ti'al, 'ixta 'oj e yutc e chan jun e q'uinl chi 'ayin.

Gl 4:25

A 'ix Agar cha, tzyal 'el'chi, atn lum witz Sinaí 'ay 'a yol yic Arabia. A ticnec, a Jerusalén 'icha to yicto witz Sinaí, yujto a eb' 'ay 'a jun chon̈b' cha, caw 'aych eb' ya'malc servil ley.

Dt 9:21

Yuj ton wal jun yechl wacx cha, x'och e mul. Yuj cha, xin tza'n cot jun yechl wacx cha, xin ma'n pojoc, xin juln 'at 'a scal c'ac', xin tenn chojoc, xwa'n 'at 'a yol a a tzcot 'a jolm witz.

A Scarta San Pablo D'a Eb' Aj Colosas 2:17

Smasnil jun tzo'n̈ tic, mayn̈ej yel'chi. Yen̈ln̈ej jun tot 'oj jawoc, atn Cristo, yujto cojn 'ay yel'ch ticnec.

A Ch'an̈ Carta D'a Eb' Hebreo 10:1

A ley yic Moisés, 'icha to yen̈ln̈ej jun tzo'n̈ tas wach' tza'nto xjawi. Man̈toc caw yel a jun tzo'n̈ cha. Yujto a ley cha, matz tac' a tz'a'n b'o snab'en eb' tznib'j tzc'och 'a Dios yuj jun tzo'n̈ xajmb'al chi tz'ajx 'a junjn ab'il.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.