1 Co 10:13 - Chuj San Sebastian Bible

¹³ Jantcn̈ej jun tzo'n̈ prowal tzjaw 'a quib'n̈ec, lajnn̈ej yet' jun tzo'n̈ tzjaw 'a yib'n̈ eb' 'anma smasnil. Palta a Dios tz'a'n 'el'choc tas tzyala. Matz on̈ schaj 'ajxoc prowal yuj junc tas matz techj cujec. A yic tzjaw junjn prowal cha, a tz'a'n qui na'ec, tas tzcutjec qui coln qui b'a 'a 'a, sec wach' tztechj cujec.

Chuj San Mateo Bible

¹³ Jantacn̈ej juntzan̈ proval sja d'a quib'an̈, lajann̈ej yed' juntzan̈ sja d'a yib'an̈ eb' anima smasanil. Palta a Dios tz'eln̈ejc'och tas syala'. Max scha on̈ yac' proval junoc tas max techaj cuuj. Ayic sja junjun proval chi', a tz'ac'an tas scutej co colan co b'a d'ay, yic vach' stechaj cuuj.

1 Co 10:13 ပူးပေါင်းရင်းမြစ်များ

Salmos 124:7

Ma'on̈ ya'c ganar eb' qui canc 'a sya'al. On̈ colchjec 'el 'a yol sc'ab' eb', 'icha tzyac' junc no ch'ic tz'el 'a junc ya'al, 'ixta 'on̈ 'ajec.

Salmos 125:3

A eb' rey maysch'olnil snab'en, man̈ comnoc 'oj yac' eb' yajlil 'a sat lum lum 'ac'b'il yuj Dios 'a eb' schon̈b' to tojl snab'en; toto ma'ay, a eb' 'anma tojl snab'en, 'oj scuy sb'a eb' a tas man̈ wach'oc.

Salmos 36:5

Ach xo Mamin Jehová, caw tzc'och a chamc'ojlal 'a satcha'an̈; ax a wach'il, may slajub'.

Salmos 89:33

Palta man̈ yujoc cha, ax wactn in chamc'ojlan David, caw yel 'aynn̈ej 'ec' yet'oc.

Ex 3:17

'Ix wala to 'oj ex in col-l 'a yaln̈ jun eyailal tic, ax ex wi'n 'at 'a jun lum lum caw wal wach', caw 'ay syaxil sat, atn 'a 'aj cajn 'ec' eb' cananeo, eb' hitita, eb' amorreo, eb' ferezeo, eb' heveo yet' eb' jebuseo, xchi Dios, xa chi 'a eb'.

Is 11:5

A tas tojol yet' tas yel, a chi 'oj niwtjoc yalx 'a spatic, 'icha to spichl 'oj 'ajch jun tzo'n̈ cha.

Is 25:1

Mamin Jehová in Diosal ach; 'oj ach in b'itnoc yet' in wach' paxti', yujto caw xac' 'el'choc tas nab'il o'oj, caw satjub'tac yilxi, to wach' yajcn xon oj 'a yictax pecti'.

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Jeremías 12:5

'Ix yaln Jehová 'ixtc 'ayin: Ach Jeremías, toto matz ach techj a'n carela yet' eb' tzb'ey 'a yoc, ¿tasto wal 'oj otc 'a lajb'tzan a b'ey yet' eb' 'ay q'ue 'a yib'n̈ chej? Toto tzach telw 'a lum 'a'lic caw wach' yec' sat, ¿tasto wal 'oj otc ec' 'a scal te c'ultc caw chitc 'a sti a Jordán?

Jeremías 29:11

Wojtac tas nab'il wuj 'a eyib'an̈. An Jehová in, an tzwala to a tas nab'il wuj cha, man̈ yujoc eyab'n syail, palta yuj e wach'loc, sec ax 'a slajub' ax wa'n tas 'aych yipc e c'ojol.

Lm 3:23

'A junjn sq'uin̈b'ial, tzquilnec to tz'o'ch sc'ojl 'ayn̈ec.

Dn 3:17

Wal yel, a qui Diosal 'aj tzcac' 'emmquilal on̈, a tztac' on̈ scoln a te c'ac' caw ow sn̈ilchj 'a jun jorna cha, yet' 'a smasnil tas tza nib'j tzon̈ otj on̈, a 'oj qui coln 'el 'a yol a c'ab' on̈.

Os 2:20

'Icha to wistzil 'oj aji, 'oj in b'o 'icha tas 'ix wala, 'ixta 'oj 'aj snachj 'el o'oj, to an Jehová in.

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

Lc 11:4

'Ac' lajwc qui mul on̈, yujto an̈ tic on̈ tzcac' pax niwnc'ojlal 'a jantcn̈ej eb' tzlaj 'och smul 'ayn̈ on̈. Man̈ on̈ a cha 'ejmc yuj maysch'olnil on̈, [tzon̈ a coln can pax 'el 'a yol sc'ab' win syajlil maysch'olnil on̈,] xe chi, xchi 'a eb'.

Lc 16:26

An̈jtona', 'ay wal jun niwquil xab' 'aycn 'a qui nan̈l et'oc. Yuj cha, wach'xam 'ay mach tznib'j tz'at 'a tic, tzc'och 'a 'aj 'aych cha, matz tac' sc'axw 'ec' eb'. An̈jtona 'ex, matz tac' e c'axw 'e't 'a tic, xchi Abraham cha.

Lc 22:46

Yuj cha, xyaln 'ixtc 'a eb': —¿Tas yuj tzex wayi? Q'uen̈ec wa'an. Leslwan̈ec, sec toq'ue ma'oj eyajx prowal, xchi 'a eb'.

A Tas Sc'ulejnac Eb' Schecab' Jesús Hechos 27:44

Ax jun tzo'n̈ xo eb' tza'n s'ati, 'ay eb' tz'at 'a yib'n̈ 'a'nte'. 'Ay eb' tz'at 'a yib'n̈ jun tzo'n̈ xo stel te barco cha, 'ixta xcutj qui b'a on̈. Yuj cha, on̈ colchj can 'el qui masnil on̈, on̈ 'el'ch can 'a sti a 'aj 'ay lum lu'um.

1 Co 1:9

A Dios tz'a'n 'el'choc jantcn̈ej tas tzyala. A 'on̈ 'awtnec 'och yico'oc, sec 'ay calnec quic yet' Yunnal, atn Cajlil Jesucristo.

2 Co 1:10

Jab'xoj wal man̈toc caw chamnc on̈ yuj jun niwn yailal chi 'on̈, ax Dios coljnacn̈ 'el 'a yol sc'ab' on̈. Wan on̈ scoln pax 'el ticnec on̈. 'Aych yipc qui c'ojl on̈, to an̈ja 'oj on̈ scol-l 'a jun tzo'n̈ yailal chi 'on̈.

Dt 7:9

A ticnec, tzeyojquej 'eli to a Jehová qui Diosalec, to cojni. A eb' 'ay schamc'ojlal 'a 'a, tzyac' 'el'choc strato yet' eb'. A eb' tzyiclni schecnb'il, tz'o'ch sc'ojl 'a eb', yet' 'a yin̈tl eb' b'aq'uin̈.

1 Ts 5:24

A jun si'jnacn̈ec 'eli, caw tz'el'chn̈ej tas tzyala. A 'oj 'a'n 'el'choc jun tzo'n̈ tic smasnil.

2 Ts 3:3

Palta a Cajlilec, caw tz'el'chn̈ej tas tzyala. A tz'a'n e te'nal. Tzex scoln pax 'el 'a win syajlil maysch'olnil.

2 Ti 4:18

A 'oj in coln can 'el 'a yol sc'ab' smasnil maysch'olnil. 'Oj in swach' moloc, sec wach' 'oj in c'och 'a yol sc'ab' 'a satcha'an̈. Niwn cab' yel'ch Jesucristo 'a smasnil tiempo. 'Ixta cab' tz'aji.

A Ch'an̈ Carta D'a Eb' Hebreo 10:23

Caw te'n tzcutjec ca'n 'och yipc qui c'ojl jun 'aj tzcalc qui b'a. Man̈ chab'c'ojlalc tzcutjec qui b'a. Yujto a Dios, caw 'oj yac' 'el'choc jun 'aj ya'jnac sti 'ayn̈ec.

A Ch'an̈ Carta D'a Eb' Hebreo 11:11

Ax 'ix Sara, caw ya'jnac pax 'och 'ix Dios 'a sc'ojol. Yuj cha, wach'xam caw chichm xo 'ix si'mb'il, palta xyac' spoder 'a 'ix, sec tz'alj yune'. Yuj cha, 'ay jun yune 'ix x'alji, yujto ya'jnac 'och 'ix 'a sc'ojol, chajtlto a Dios ya'jnac sti 'a 'a, caw tz'el'ch tas tzyala.

A Ch'an̈ Carta D'a Eb' Hebreo 12:4

Ax xo, wach'xam te'n tzeyutj e b'a eya'n owl yet' tas maysch'olnil, palta mantzac ex milx cham yu'uj.

A Ch'an̈ Carta D'a Eb' Hebreo 6:18

Caw ya'jnac Dios sti', slocjnac sb'i, yuj cha, a tas yaljnac, may b'a'n̈ 'oj jelxoc, yujto a Dios, matz tac' ya'n 'es. A tas yaljnac cha, caw tzyac' sniwnal qui c'ojlec, yujto ca'jnaquec qui b'a 'a 'a, tzon̈ scolni. Wan qui tan̈wniec tas 'oj yac' 'ayn̈ec, yujto a tzca'c 'och yipc qui c'ojol.

A Sb'ab'el Carta San Pedro 4:19

Yuj cha, a yic tzjaw junc yailal 'a quib'n̈ec 'icha tznib'j Dios, yowlal an̈ja wach' tzcutjec qui b'eyb'al. Tzca'nec qui b'a 'a yol sc'ab' jun b'ojnacn̈ec, yujto a jun cha, tz'el'chn̈ej tas tzyala.

A Schab'il Carta San Pedro 2:9

An̈jtona', 'ixta pax ticnec. Yojc Dios, tas tzyutj scoln eb' 'aych snab'en 'a 'a, yic tz'ajx prowal eb'. Yojc paxi, tas tzyutj ya'n can 'at eb' man̈ tojloc snab'en 'a yailal. Ata tzcan eb', masnto 'oj jawc jun c'ual, yic 'oj wach' b'eyc'ojlaxc eb'.

1 Jn 1:9

Toto tzcalc q'uet qui mul 'a Dios, a tz'a'n lajwc can qui mulc cha, tzyi'n can pax 'el jantcn̈ej maysch'olnil 'aych 'ayn̈ec. Yujto caw tojl snab'en. Caw tz'el'ch jantcn̈ej tas tzyala.

Apoc 19:11

Ax xwilni, jacn satcha'an̈. Ata 'ayc' jun chej caw sac. Ax jun 'ay q'ue 'a yib'an̈, Yiclum sb'i, Yel pax sb'i. Yujto caw tojl tzyutj sb'eyc'ojlwi, xya'n pax owal.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.

Apoc 3:10

Caw xeyiclj jun in checnb'il yic waln 'ayex, to caw tzeyac' techjoc. Yuj cha, 'oj ex in tan̈wc 'a yol sc'ab' jun niwn prowal 'oj 'a'nc prowal smasnil 'anma 'a yolyib'n̈q'uinal.

A Ch'an̈ B'ab'el Libro Samuel 29:10

Yuj cha, at q'ui'n 'a sq'uin̈b'il tzach meltzji, yet' ewin schecb' win ajlil ajun et' tic, cojn tzsacb'eli, tzex 'ati, xchi win 'a eb'.