1 Co 10:11 - Chuj San Sebastian Bible

¹¹ Smasnil jun tzo'n̈ tas jawnc 'a yib'n̈ eb' qui mam quichm chi 'on̈, ch'oxnb'il yaj 'ayn̈ec. Tz'ib'b'il can jun tzo'n̈ chi 'a Ch'an̈ U'un̈, sec cojquec, to 'ay smay yoch qui mulec. Yujto an̈ec tic, 'ayn̈ecx 'ec' 'a jun slajb' tiempoal.

Chuj San Mateo Bible

¹¹ Masanil juntzan̈ tas janac d'a yib'an̈ eb' co mam quicham chi', ch'oxnab'il yaj d'ayon̈. Tz'ib'ab'ilcan juntzan̈ chi' d'a Slolonel Dios yic scojtaquejeli to ay smay yoch co mul, yujto a on̈ tic, ay on̈xo ec' d'a slajvub' tiempoal.

1 Co 10:11 ပူးပေါင်းရင်းမြစ်များ

Gn 19:35

Ax 'a yic junx 'ac'wl cha, 'ix ya'n pax eb' 'ix 'u'wc 'an̈ smam jun 'ejm xo, ax 'ix tza'n 'ix chi xway yet' winac. Ax Lot cha, ma'ix yab' win sway 'ix yet'oc, ma'ix yab' pax win sq'uex wan 'ix.

Salmos 102:18

Tz'ib'x cab' can jun tzo'n̈ tic 'a ch'an̈ libro, sec a eb' 'unn tot 'oj 'aljoc, 'oj yal eb' swach' paxti 'ayach.

Ez 5:15

A yic 'oj wa'nc 'och yailal 'a eyib'n̈ yuj yowl in c'ojol, ax eb' 'anma 'a jun tzo'n̈ xo chon̈b' 'a e la'nil, caw wal 'oj ex stzetzc eb', ax ex sb'uchn eb'.

Mt 13:39

A jun 'ajc'ojl yajch 'a win 'aj lum cha, atn win diablo cha. A jun tiempoal yic 'oj polxc 'el 'ixm trigo cha, tzyal 'el'chi, atn yic 'oj lajwc 'ec' yolyib'n̈q'uinl tic. Ax eb' polm trigo cha, atn eb' ángel.

Mt 13:40

'Icha sto'x 'el jun tzo'n̈ 'ac trigo cha, tzn̈usx tz'a'oc, 'ixta 'oj 'aj eb' 'anma', yic 'oj lajwc 'ec' yolyib'n̈q'uinl tic.

Ro 13:11

Tic tzwalb't junx tic 'ayex. Nachj cab' 'el eyu'uj, tas yaj jun tiempoal 'aj 'ayn̈ec 'ec' tic. Yujto a ticnec, stiempoal xo 'icha to tzqui pitzc 'el qui wayan̈, yujto jab'xoj wal 'oj qui wach' colchjec. Man̈ 'ichaoc 'a yic yalan̈, yic qui b'ab'l 'a'nec 'och qui c'ojl 'a Cristo.

Ro 13:12

A jun tiempoal 'aj 'ayn̈ec 'ec' tic, 'icha to 'ac'wal. Ax 'a yic 'oj qui wach' colchjec, 'icha to c'ul 'oj 'ajoc. Palta 'ipn yec' tiempo ticnec, jab'xoj wal 'oj jawc jun c'ul cha. Yuj cha, caw qui wach' 'actquec can qui b'on jun tzo'n̈ tas tzlaj sb'o eb' 'anma q'uic'q'uinl to yaj spixan. 'Icha tzyutj junc soldado ya'n owl yet' jun tzo'n̈ syamc'ab', 'ixta tzcutjec ca'n 'ip 'a yic Dios, yujto sacq'uinl xo yaj qui pixnec.

Ro 15:4

Jantcn̈ej tas tz'ib'b'il can 'a Ch'an̈ Un̈ pecti', 'ay yopiso on̈ scuynec. A Ch'an̈ tz'a'n qui te'nalec, tzya'n pax sniwnal qui c'ojlec, sec wach' tzca'c 'och Dios yipc qui c'ojol.

Ro 4:23

Tz'ib'b'il can 'a Ch'an̈ U'un̈, chajtlto wach' win 'a sat Dios, yujto ya'jnac 'och win 'a sc'ojol. Palta man̈ yujocn̈ej winac tz'ib'b'il cani.

1 Co 10:6

A jun tzo'n̈ tas jawnc 'a yib'n̈ eb' cha, ch'oxnb'il yaj 'ayn̈ec, sec matz qui nib'jec 'och jun tzo'n̈ maysch'olnil, 'icha yutjnac sb'a eb' cha.

1 Co 7:29

Ex wu'tac, ex wanab', a junx 'oj wal't 'ayx tic, to jab'xoj wal tiempo. Yuj cha, a eb' 'ayx yistzil ticnec, matz tac' cojn 'a yistl eb' chi tzya'ch snab'en.

1 Co 9:10

palta cujec. A jun ley tic, tz'ib'b'il cani, sec tznachj 'el cujec. Yujto a eb' t'ocm lu'um, yet' eb' te'm trigo, a yic tzmunlj eb', tzya'ch eb' yipc sc'ojol, to 'oj sc'ux eb' yel-l jun smunljel cha. 'Icha eb' tzmunlj cha, 'ixta pax caj an̈ schecb' on̈ Cristo tic on̈.

Gl 4:24

A jun yab'xil eb' tic, ch'oxnb'il yaji. A chawn̈ 'ix tic, tzyal 'el'chi, atn chab' strato Dios. A 'ix Agar, tzyal 'el'chi, atn jun trato chab'il 'a lum witz Sinaí. A eb' yic xo jun trato cha, 'icha to yune 'ix Agar eb', yujto 'aych eb' ya'malc servil 'icha 'e'nc 'ix.

A Scarta San Pablo D'a Eb' Aj Filipos 4:5

Yowlal caw wach'n̈j tzcutjec qui nab'en yil eb' 'anma smasnil, yujto jab'xoj 'oj jawc Cajlilec.

A Ch'an̈ Carta D'a Eb' Hebreo 10:25

Matz tac' cactnec can qui yamn qui b'a, 'icha sb'eyb'al jun tzo'n̈ xo eb'. Yowlal tzlaj ca'laquec qui nab'en. Ca'c wal 'ip, yujto tzquilc jun tzo'n̈ senya tzch'oxo, to jab'xoj sjaw sc'ul sjaw Cajlilec.

A Ch'an̈ Carta D'a Eb' Hebreo 10:37

Yujto 'ixtc tzyal 'a Ch'an̈ U'un̈: Jab'xoj wali, ax sjaw jun mach to yowlal 'oj jawoc, ma'oj 'ec' tiempo sjawi.

1 Jn 2:18

Ex chamc'ojlb'il wu'uj, 'ayn̈ecx 'ec' 'a jun slajb' tiempo. 'Ix cab'ec to a jun 'ajc'ojl yajch 'a Cristo, 'oj pitzwc cha'an̈. Ax ticnec, niwn xo eb' 'ajc'ojl yajch 'a Cristo tox 'ix pitzw cha'an̈. Yuj cha, cojquec to 'ayn̈ecx 'ec' 'a jun slajb' tiempo.