1 Co 10:10 - Chuj San Sebastian Bible

¹⁰ Matz tac' qui comn alnec speclal Cajlilec. Yujto 'ay eb' aljnac speclal, yuj cha, xlajw 'el eb' yuj jun ángel 'ay yopiso smiln cham 'anma'.

Chuj San Mateo Bible

¹⁰ Max yal calan specal Cajal Jesús chi'. Yujto ay eb' aljinac specal, yuj chi' lajvinac el eb' yuj jun ángel ay yopisio smilancham anima.

1 Co 10:10 ပူးပေါင်းရင်းမြစ်များ

A Ch'an̈ Schab'l Libro Samuel 24:16

Ax yic 'ix ya'n 'at jun ángel sc'ab' 'a yib'n̈ Jerusalén, yic tzya'n lajwc yalni, 'ix cus sc'ojl Jehová yuj tas 'ix yutj cha, yuj cha, 'ix yaln 'a jun ángel wan ya'n lajwc eb' 'anma cha, ¡Colb'xo cha, 'ochn̈ wa'an! xchi Jehová. A 'a ste'lab' trigo win Arauna jebuseo, ata 'ayc' jun ángel cha yic xyaln Jehová cha.

1 Cr 21:15

'Ix schecn cot jun yángel 'a Jerusalén yic tzya'n lajwoc. Palta ax yic xyilni to yelc'ojlal tzlajw 'el yu'uj, yuj cha, 'ix snan sb'a sc'ojl yuj jun yailal cha, 'ix yaln 'ixtc 'a jun yángel wan smilw cham 'anma cha: ¡Colb' cha, 'ochn̈ wa'an! xchi 'a 'a. A jun yángel Jehová cha, ata 'ayc' 'a 'aj wan ste'w trigo Ornán win jebuseo.

2 Cr 32:21

Yuj cha, 'ix schecn cot Jehová jun ángel yic tzwul satnc 'el smasnil eb' soldado caw tec'an, yet' eb' 'aych yajlil yet'oc, yet' eb' scapitan̈il scamplamento sreyl Asiria. Yuj cha, caw q'uixwc'ojlal xoj x'aj smeltzj jun rey chi 'a schon̈ab'. A yic x'och 'a yol yatut sdiosal, axta xmilx cham yet' espada yuj chawn̈ eb' yunnal.

Salmos 106:25

'Ix laj yalnc eb' tu paxti 'aych Mamin Jehová, yic 'ayc' eb' 'a yol smantiado, ma'ix schaj eb' yab' tas 'ix ala.

Ex 12:23

Yujto a yic 'oj 'ec' Jehová 'a jun 'ac'wl cha, 'oj 'ec' smil cham eb' 'anma 'a Egipto tic, ax yiln 'och chic' 'a sti smac eyatut cha, c'ax'e'l 'oj 'ec'oc, ma'oj chaxc 'och jun ángel chi smil eb' b'ab'l 'unn 'a yol eyatut.

Ex 15:24

'Ix syamn 'och eb' 'anma chi yaln tu paxti 'a Moisés, 'ix laj sc'anb'lan eb' 'ixtc 'a 'a: ¿Tas 'oj cu'c ticnec? xchi eb'.

Nm 14:2

Smasnil eb' 'anma cha, xlaj q'ue b'uynjoc eb' yaln tu paxti 'a Moisés yet' 'a Aarón, xyaln eb' 'ixtic: ¡Comnoc wal a 'a Egipto, mto a 'a lum cusltac lum tic on̈ chamc cani!

Nm 16:11

Wal yel, a cob' 'a Aarón ata tzeyal tu paxti'al e nani, palta may yel'chi. A mach 'aj wan eyaln tu paxti', atn 'a Jehová. Atn 'a 'a, ata tzex 'och 'ajc'ojlal yet' eb' ajun eyet' tic, xchi 'a eb'.

Nm 16:41

Ax 'a junx c'u, smasnil eb' 'anma', 'ix meltzj 'och eb' 'ajc'ojlal 'a Moisés yet' 'a Aarón, 'ix laj yalnc eb' 'a eb' 'ixtic: —Ax tic, 'in to 'ipn e satn 'el eb' schon̈b' Jehová, xchi eb'.

Nm 17:10

Yuj cha, xyaln Jehová 'a Moisés 'ixtic: 'A'x 'och te sc'occh Aarón chi 'a yojltac 'elt scaxail in trato, ata tza mol te', tz'ochcn te snanb'ilc cot eb' 'anma tenmtac tic, sec 'oj 'och wan eb' yaln tu paxti'al 'a wojltac, sec ma'oj cham pax eb', xchi.

Nm 17:5

'Oj wac' wolnc te sc'occh jun mach to sic'b'il 'el wu'uj, sec 'oj 'och wan yaln eb' 'anma tic e peclal 'a wojltac, xchi Dios.

A Tas Sc'ulejnac Eb' Schecab' Jesús Hechos 12:23

Yajn̈j wal cha, 'ix 'ajx can telwc win yuj jun yángel Cajlil, yujto ma'ix yala, to cojn qui Mam Dios 'ay yel'chi. 'Ix 'ocht ay winac. 'Ixta to b'i'an, 'ix chami.

A Scarta San Pablo D'a Eb' Aj Filipos 2:14

A yic tz'ajx e b'o junc tas, man̈ e b'o yet' e chichnc'ojlal. Man̈ laj eyal-l tas yuj tz'ajx e b'o'.

A Ch'an̈ Carta D'a Eb' Hebreo 11:28

A Moisés cha, yujto ya'jnac 'och Dios 'a sc'ojol, yuj cha, syiclni yi'n 'el yich jun q'uin̈ yic snanb'il cot yel eb' israel 'a libre. Yaljnac 'a eb' yit israelal, to tzlaj stzicch eb' chic' 'a spuerta, sec a jun ángel 'ay yopiso smilwji, matz 'ec' smil junjn sb'ab'l 'unnal eb'.

San Judas 1:16

A eb' 'ay 'a qui calc tic, chichnc'ojlaln̈ej yaj eb'. Ton̈j tzyal eb' maysch'olnil 'a spatc junc xo. An̈j 'a jun tzo'n̈ tas tznib'j 'och eb' yet' sniwnal, an̈jta tzya'ch eb' snab'en. Caw ton̈j jeln tzcob' yutc eb' spaxtini. Tzann̈j junc mach, tzcob' stz'ac eb' yal wach'il, yujn̈ej to tznib'j eb' tzyac' ganar tas 'a spatic.

Apoc 16:1

Xlajw cha, xwab'n yoch jun paxti 'a jun Lugar caw yicn̈ej Dios yaj sch'ocoj. Caw 'ip yaln 'ixtc 'a eb' ángel chi yucwn̈il: —'Ixquec, 'at secc 'ejm sb'al uque vaso chi 'a yolyib'n̈q'uinal. A sb'al cha, atn yowl sc'ojl Dios, xchi.