1 Co 1:29 - Chuj San Sebastian Bible

²⁹ Yuj cha, may junc mach tztac' sb'an̈n sb'a 'a sat Dios.

Chuj San Mateo Bible

²⁹ Yuj chi' malaj junoc mach syal yic'anchaan̈ sb'a d'a yichan̈ Dios.

1 Co 1:29 ပူးပေါင်းရင်းမြစ်များ

Salmos 49:6

A eb' tzya'ch sricoal yipc sc'ojol, caw tzyij chan̈ sb'a eb' yet'oc, yujto niwn tas 'ay 'a eb'.

Is 10:15

'Iltec nab'an, ¿tom a junc ch'acb' 'ec'b'al yel'ch 'a yib'n̈ mach tzc'anlb'ani? ¿Tom a junc serrucho 'ec'b'al yel'ch 'a yib'n̈ mach tzmunlj yet'oc? A junc c'ococh, nab'a ten̈ej, ¿tom a te tz'a'n 'ib'xc junc 'anma tzc'anlb'an cha?

Jeremías 9:23

'Ix yaln pax Jehová 'ixtic: A eb' jelan, man̈ cab' yac' eb' tzaljoc sc'ojl yet' sjelnal. An̈jtona eb' 'ay yip, man̈ cab' yac' eb' tzaljoc sc'ojl yet' yip, an̈jtona eb' rico, man̈ cab' yac' eb' tzaljoc sc'ojl yet' sricoal cha.

Ro 15:17

Yujto 'ayx 'och in c'ojl a Cristo Jesús, yuj cha, tztac' walni, chajtlto caw 'ay yel'ch jun munljel tic tzin b'o 'a Dios.

Ro 3:19

Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.

Ro 3:27

A ticnec, ¿tom tztac' qui b'an̈nec qui b'a tze na'a? Toxn matz tac'a. Yujto man̈ yujoc qui yiclniec ley yic Moisés, tzon̈ colchjec, palta yujn̈ej to tzca'c 'och qui c'ojl 'a Jesús. Yuj cha, matz tac' qui b'an̈nec qui b'a.

Ro 4:2

Caw wach' 'a sat Dios, palta man̈ yujoc tas wach' sb'ojnac. Q'uinloc yuj tas sb'ojnac wach' 'a sat Dios, toto 'ixta', tecn am tztac' yijnac chan̈ sb'a. Palta 'a sat Dios, ma'ix stac' sb'an̈n sb'a,

1 Co 1:31

Tz'ib'b'il can 'ixtc 'a Ch'an̈ U'un̈: Toto 'ay mach tznib'j tzyij chan̈ sb'a, caw matz tac'a. Cojxn Cajlil tztac' qui'nec cha'an̈, xchi.

1 Co 4:7

May junc on̈ tztac' qui b'an̈n qui b'a, yujto lajnn̈ej quel'chec qui masnil. Tzann̈j tas tztac' cujec, yujto a Dios tz'a'n 'ayn̈ec. Yuj cha, matz tac' qui b'an̈nec qui b'a yu'uj. Matz tac' calnec, to mun quiquec, yujto a Dios tz'a'n 'ayn̈ec.

1 Co 5:6

Yuj jun maysch'olnil 'a e cal cha, caw man̈ smojc e b'an̈n e b'a ta'. ¿Tom man̈ eyojcoc, to a jac yich pan tzpucb't 'a scal 'ixm harina, c'uxn tzjuw 'ixm yuj smasnil?

Ef 2:9

Man̈ yujoc junc tas wach' tzqui b'o'ec, tzon̈ colchjec. Yuj cha, may junc on̈c tztac' qui b'an̈nec qui b'a.