1 Co 1:27 - Chuj San Sebastian Bible

²⁷ Yujto a eb' may snab'en 'a sat eb' 'anma 'a yolyib'n̈q'uinl tic, a eb' tzsi' chan̈ Dios, sec wach' ax eb' jelan, 'oj q'uixwc can 'el eb'. Yet' eb' may yel'ch 'a sat eb' 'anma', a eb' tzsi' cha'an̈, sec wach' ax eb' caw 'ay cob' yel'chi, 'oj q'uixwc can pax 'el eb'.

Chuj San Mateo Bible

²⁷ Yujto a eb' malaj val tas yojtac d'a yichan̈ eb' yetanimail, a eb' ix sic'chaan̈ Dios, yic vach' axo eb' jelan sq'uixvicanel eb'. A eb' malaj yelc'och d'a yichan̈ eb' yetanimail, a eb' ix sic'chaan̈, yic vach' axo eb' ay yelc'ochi, sq'uixvipaxcanel eb'.

1 Co 1:27 ပူးပေါင်းရင်းမြစ်များ

Salmos 8:2

Tza c'anlb'an eb' 'unin yet' eb' tz'ulc 'unin, yic tzyaln eb' wach' paxti 'ayach, sec wach' sictac tz'aj eb' 'ajc'ojol yet' eb' tzchichn 'och 'ayach.

Is 29:14

Yuj cha, a jun tzo'n̈ milagro satjub'tac yilxi, a chi 'oj in b'o 'a jun chon̈b' tic, 'oj sat sc'ojl eb' yilni. A sjelnal eb' jelan, yet' snab'en eb' 'ay snab'en, 'oj satcn 'eli, xchi Dios.

Is 29:19

A eb' 'emmquilal yeq'ui, 'oj tzaljoc chan̈ eb' 'a Jehová, ax eb' caw meb'a', 'oj tzaljoc chan̈ eb' 'a sDiosal Israel, atn jun Dios To Cojxni.

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Jeremías 8:9

A eb' tzyal jelnal sb'a cha, caw 'oj q'uixwc can 'el eb'. 'Oj xiw eb', 'oj somchjoc can 'el eb', 'oj jawc 'a yib'n̈ eb'. Yujto spatquilj can 'el eb' in paxti', yuj cha, may xon jac sjelnal eb'.

Sofonías 3:12

Cojxn̈ej eb' 'anma tzyij 'ejm sb'a, eb' 'emmquilal yeq'ui, a eb' 'oj wac' cajnc in chon̈ab'. Cojxn̈ej 'ayn 'oj ya'ch eb' sc'ojol.

Nm 22:30

Palta ax no 'axna cha, 'ix yaln no 'ixtc 'a winac: —A chej waj 'a smasnil tiempo. Tzach 'ochn̈j 'a wib'an̈. May 'aj 'ixta xon tzach wutej, xchi no'. —Yel ton tzala, xchi Balaam.

Mt 11:25

Ax 'a jun tiempoal cha, 'ix leslwi Jesús 'ix yaln 'ixtic: —Mamin, Yajl ach 'a satcha'an̈ yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, eb' caw 'ay snab'en 'a sat eb' yit 'anma'il, ax 'a eb' 'icha 'unin, a eb' xac' 'ojcanc 'eli.

Mt 21:16

'Ix yaln ewin 'ixtc 'a Jesús: —¿Tom matz ab' tas tzyal eb' 'unn tic? xchi ewin 'a 'a. —N', tzwab' yaln eb'. ¿Tom may 'aj xeyil 'a Ch'an̈ U'un̈, 'a 'aj tzyal yuj jun tic? yujto ata tzyal 'ixtic: Tza c'anlb'an eb' 'unin yet' eb' tz'ulc 'unin, yic tzyaln eb' wach' paxti 'ayach. 'Ixta tzyal 'a Ch'an̈, xchi Jesús 'a eb'.

Mt 9:9

Ax Jesús, 'ix 'atxi. Yic wan sb'eyi, 'ix yiln jun Mateo sb'i. Wocn 'ejm 'a yet'l 'aj tztecl tumn 'a eb' 'anma'. —'Ochn̈ in cuywumoc, xchi Jesús 'a 'a. Yajn̈j cha, xq'ue wa'an, 'ix 'och scuywumoc.

Lc 21:15

Yujto an 'oj ex wac' paxtinoc, ax wa'n jun jelnal 'ayex. Yuj cha, may junc eb' tzchichn 'och 'ayx 'oj eya'n ganar. May junc eb' tza'wni sjelnal 'icha jun 'oj wac' 'ayex.

A Tas Sc'ulejnac Eb' Schecab' Jesús Hechos 17:18

'Ay jun tzo'n̈ winc caw jelan, yujto tzcuy eb' sjelnal eb' tzcuch epicúreo yet' jun tzo'n̈ eb' tzcuch estoico. 'Ix syamn 'och eb' spaxtin yet' Pablo. Ax nan̈l xo eb', mun xyal eb' 'ixtic: —A win puch yec' paxtinc tic, ¿tas 'oj yal win 'ayn̈ec? xchi eb'. 'Ay jun tzo'n̈ xo eb' xaln 'ixtic: —Al qui nani, to tzwul yal win yab'xil jun tzo'n̈ chuc diosal, xchi eb'. 'Ixta xyutj eb' yalni, yujto x'ec' yal-l Pablo yab'xil Jesucristo. 'Ix yaln paxi, chajtlto 'oj pitzwc pax eb' chamnac.

A Tas Sc'ulejnac Eb' Schecab' Jesús Hechos 7:35

Palta ax yic xc'och 'a eb' yit chon̈b' cha, toxn may yel'ch 'a sat eb'. 'Ix yaln eb' 'ixtc 'a 'a: ¿Mach ach 'a'n 'och juezal, yuj cha, tzon̈ a'n mandar on̈? xchi eb' 'a 'a. Palta a Dios, 'ix 'a'n yopiso Moisés chi ya'n mandar eb'. 'Ix ya'n pax yopiso yi'n 'elt eb' 'a scal syail. A jun ángel chi 'ix sch'ox sb'a 'a Moisés 'a scal te q'ui'ix, a 'ix 'och yet'oc.

A Tas Sc'ulejnac Eb' Schecab' Jesús Hechos 7:54

Ax yic 'ix yab'n ewin jun tzo'n̈ tic, caw xcot yowl eb' 'a Esteban cha. Xcaw xjuch'ch'i ye eb' scot yowal.

1 Co 1:20

Yuj cha, may jac yopiso eb' jelan, yet' eb' cuywjum. May pax yopiso eb' jeln tzyutj sten sb'a. A Dios, 'ix ch'oxni, to a jun jelnal yic yolyib'n̈q'uinl tic, may jac yel'chi.

1 Co 1:21

Yuj sjelnal Dios 'ix 'el 'a sc'ojol, to a eb' yic yolyib'n̈q'uinl tic, man̈ yujoc sjelnal eb' cha, tztac' yojcan 'el eb' Dios cha. Palta x'el 'a sc'ojol, to an̈ec 'aych qui c'ojl 'a 'a, tzon̈ colchjec yuj jun wach' 'ab'ix, atn jun may yel'ch 'a sat eb' 'anma'.

1 Co 2:12

An̈ec tic, man̈oc junc espíritu yic yolyib'n̈q'uinl tic chab'il cujec. Palta a jun Espíritu cotnc 'a Dios, a chab'il cujec. Yuj cha, tznachj 'el cujec, tas jun tzo'n̈ tzyac' Dios 'ayn̈ec yuj swach'c'ojlal.

2 Co 10:10

Yujto 'ayx ab' tzeyal wuj 'ixtic: A jun tzo'n̈ scarta, caw ow ton yalni, caw 'ay yip. Palta ax winac, toxn may jac yip win tzquila. A yic tzpaxtini, may jac yel'ch tzcab'i, xe chi ab'i'.

2 Co 4:7

'Ay ton jun caw wach' tic 'ayn̈ on̈, palta an̈ tic on̈, lajn on̈ 'icha junc lum chen on̈, yujto may jac quel'ch on̈. Yuj cha, tzcheclj 'eli, to a jun niwquil poder tic, man̈ quico'oc on̈, cojn Dios 'ay yico'.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.