1 Co 1:23 - Chuj San Sebastian Bible

²³ Palta an̈ec xo tic, tzcalc 'el yab'xil Cristo, chajtlto xcham 'a spenc culus. A 'a sat eb' israel cha, may jac yopiso jun 'ab'x tic, ton̈j tzchichn 'och eb' 'a 'a. An̈jtona', yet' eb' man̈ israeloc, may jac yel'ch jun 'ab'x tic 'a sat eb'.

Chuj San Mateo Bible

²³ Palta a on̈xo pax tic, scalel yab'ixal Cristo, chajtil ix aj scham d'a te' culus. A eb' israel chi', ton̈ej somchaj sc'ool eb' yuuj. Axo eb' man̈ israeloc, quistalil yaj jun ab'ix tic d'a eb'.

1 Co 1:23 ပူးပေါင်းရင်းမြစ်များ

Mt 11:6

Yuj cha, a eb' matz somchj 'el snab'en wu'uj, caw wach' yic eb'. 'Ixta tzeyutj eyaln 'a Juan chi e c'ochi, xchi Jesús 'a eb'.

Mt 13:57

Yuj cha, ton̈j 'ix somchj 'el snab'en eb' yu'uj. Palta xyaln 'ixtc 'a eb': —A eb' schecb' Dios, 'ay yel'ch eb' 'a sat eb' 'anma smasnil. Palta ax 'a sat eb' yit chon̈ab', yet' 'a sat eb' jun yaj yet' 'a yol yatut, may yel'ch 'a eb', xchi Jesucristo.

Lc 2:34

Xlajw cha, 'ix sc'ann Simeón swach'c'ojlal Dios 'a yib'n̈ eb'. 'Ix yaln 'ixtc 'a María, atn snun Jesús: —'Ab'i, a jun tz'ulc 'unn tic checl xon yaji, to niwn eb' quit israelal 'oj somchjc 'el snab'en yu'uj. Niwn pax eb' 'oj b'o snab'en yu'uj. A 'oj ch'oxnoc tas tz'aj eb' scolchji, palta niwn eb' 'oj patquilnc can 'eli.

1 Co 1:18

A yab'xil schaml Cristo 'a spenc culus, may yel'ch 'a sat eb' 'anma wan satq'ui. Palta an̈ wan qui colchj yu'uj, spoder Dios yaj yab'xil tic 'ayn̈ec,

1 Co 1:21

Yuj sjelnal Dios 'ix 'el 'a sc'ojol, to a eb' yic yolyib'n̈q'uinl tic, man̈ yujoc sjelnal eb' cha, tztac' yojcan 'el eb' Dios cha. Palta x'el 'a sc'ojol, to an̈ec 'aych qui c'ojl 'a 'a, tzon̈ colchjec yuj jun wach' 'ab'ix, atn jun may yel'ch 'a sat eb' 'anma'.

1 Co 1:28

A Dios tzsi'n chan̈ pax eb' may jac yopiso 'a sat eb' 'anma', yet' eb' patcab'il can 'el yuj eb', atn eb' may xon yel'chi. 'Ixta tzyutj Dios sch'oxni, to a eb' 'ay yel'ch 'a sat eb' 'anma', toxn may jac yel'ch eb' 'a sat Dios.

1 Co 2:14

A eb' man̈ 'ayc 'och Yespíritu Dios 'a 'a, matz ya'ch eb' sc'ojl 'a jun tzo'n̈ cuynb'il yic Espíritu, yujto may yel'ch 'a sat eb'. Matz tac' scomn nachj 'el jun tzo'n̈ tic yuj eb', yujto cojxn Yespíritu Dios tz'a'n nachjc 'eli.

1 Co 2:2

Yujto a yic wec' 'ayx ta', may junc xo tas tzin nib'j tzwojquej 'eli. Cojn yab'xil Jesucristo 'ec' waljnac 'el 'ayex, chajtlto chamnc 'a spenc culus.

1 Co 4:10

'Icha to may jac qui nab'en 'a sat eb' 'anma 'on̈, yujto 'aych qui nab'en 'a Cristo on̈. Palta ax xo, caw jeln ex xo 'a yic Cristo chi e nani. Cojc on̈, man̈toc te'n on̈ on̈. Ax xo, 'icha to caw te'n ex xo. An̈ tic on̈, tzon̈ spatquilj can 'el eb' 'anma 'on̈. Palta ax xo, caw 'ay eyel'ch 'a sat eb'.

2 Co 4:5

A yic tz'ec' calnc 'el on̈, man̈oc cab'xil tz'ec' cal-l on̈. Palta an̈j tic tzcal-l on̈, chajtlto a Jesucristo Cajlilec. Tzcaln cuj on̈, to eya'maln̈ej servil caj on̈, yujto 'ay qui chamc'ojlal 'a Jesús on̈.

Gl 3:1

Ax xo wal ex 'aj Galacia, caw man̈ nab'enal eyaji. Tecn 'ay junc x'a'n juwc 'el e nab'en 'icha tzyac' junc 'ajchum. Yuj cha, man̈x yiclumoc tzeyutj e b'a 'a jun cuynb'il yel. A yic quec' ta 'on̈, caw caljnac 'ayx on̈, chajtlto xcham Jesucristo 'a spenc culus. 'Icha wal to caw eyiljnac schami.

Gl 5:11

An xo tic, ex wu'tac, ex wanab', q'uinloc an̈j 'ijnoc walni, to yowlal tz'ajx circuncidar junjn mach, to 'ixta', tecn am matz ya'ch eb' wit israelal yailal 'a wib'an̈. Q'uinloc tzwal 'ixta', ax eb' cha, matz chichn 'och eb' 'a yab'xil schaml Cristo 'a spenc culus.

Gl 6:14

Palta an xo tic, may junc tas 'aj tzin b'an̈ in b'a 'a spatic. Cojxn schamlil Cajlil Jesucristo 'a spenc culus a tzin b'an̈a. Yuj schamlil cha, man̈x 'a yaln yolyib'n̈q'uinl tic yic 'ayin, 'icha to chamnc xo 'a in sat. An xo tic, 'icha to chamnc in pax 'a yolyib'n̈q'uinl tic jun xo, yujto man̈x 'a waln wic 'a 'a.

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.

A Ch'an̈ Carta D'a Eb' Hebreo 12:2

Ca'c 'at qui nab'en 'a Jesús, yujto a tz'a'n ca'c 'och qui c'ojl 'a 'a. Yu'uj, caw tz'acn tzcutjec ca'n 'och 'a qui c'ojol. 'Ix yab' syal 'a te culus. Ma'ix sna jab'oc toto q'uixweltac x'aj schami, yujto yojtac, a yic tzlajw yab'n syal cha, caw tzaljc'ojlal yico'. Ax ticnec, wocn 'ejm 'a sdespacho Dios 'a swach' c'ab'.

A Sb'ab'el Carta San Pedro 2:8

Tzyaln pax junx tic 'ixtic: 'Icha junc q'uen 'aj tztench eb' 'anma yoc, tztelw eb' yu'uj, 'ixta 'oj 'aj 'a sat eb', xchi 'a Ch'an̈. Yujto 'ixta Cristo 'a sat eb' matz ya'ch sc'ojl 'a 'a. Ton̈j tzsomchj 'el eb' yu'uj, yujto matz yiclj eb' spaxti'. Yictax pecti', checl xon yaj eb', to 'ixta 'oj yutc sb'a eb'.