1 Co 1:2 - Chuj San Sebastian Bible

² to yic xo Dios quetec, an̈ tzqui tz'ib'j 'at jun qui carta tic 'ayx on̈, atn ex yiglesia xo Dios 'a Corinto. Yic ex xo Dios, yujto junn̈j tzex 'aj yet' Cristo Jesús. A Dios 'awtjnacx 'och yico'oc, yet' jantcn̈ej eb' tzyal sb'a 'a Cajlil Jesucristo 'a junjn chon̈ab'. A Jesucristo a Cajlilec yet' eb'.

Chuj San Mateo Bible

² sco tz'ib'ejb'at jun co carta tic d'ayex yiglesia exxo Dios d'a chon̈ab' Corinto. Yic exxo Dios, yujto junxon̈ej eyaj yed' Cristo Jesús, yujto a Dios avtannac ex och yicoc yed' jantacn̈ej eb' syal sb'a d'a Cajal Jesucristo d'a junjun chon̈ab'. A Jesucristo, Yajal yaj d'ayon̈ yed' eb'.

1 Co 1:2 ပူးပေါင်းရင်းမြစ်များ

Gn 12:8

Xlajwn̈ej cha, 'ix cotxi, axta 'ix japx 'a eb' lum jolmctac witz 'a snan̈l chon̈b' Bet-el yet' chon̈b' Hai. Ata x'aj cajan. A chon̈b' Bet-el cha, ata 'ay 'a stojlal 'aj tz'em c'u. Ata 'ix sb'o junx yet'l xajmb'al, 'a 'aj tzyal sb'a 'a Jehová.

Gn 4:26

Ax win Set cha, x'alj jun yunnal, xya'n sb'ic Enós. Atn 'a yic jun tiempoal cha, ata 'ix 'el yich yaln sb'a eb' 'anma 'a Jehová.

Salmos 45:11

Yujto a win rey tznib'n 'och swach'l elxi. A win ajlil tz'aji, yuj cha, yiclum tzotj a b'a 'a winac.

A Tas Sc'ulejnac Eb' Schecab' Jesús Hechos 10:36

A Dios 'a'jnac can spaxti 'ayn̈ an̈ israel on̈ tic on̈. Yaljnac 'ayn̈ on̈, to 'ay junc'ojlal yuj Jesucristo, atn Cajlilec qui masnil.

A Tas Sc'ulejnac Eb' Schecab' Jesús Hechos 15:9

A 'a sat Dios, caw lajnn̈ej eb' quet'ec, yujto a 'ix 'i'n 'el maysch'olnil 'aych 'a eb', yic xya'n 'och eb' Cristo 'a sc'ojol.

A Tas Sc'ulejnac Eb' Schecab' Jesús Hechos 18:1

Xlajw cha, x'el Pablo 'a Atenas cha, ax 'a chon̈b' Corinto 'ix c'ochi.

A Tas Sc'ulejnac Eb' Schecab' Jesús Hechos 22:16

A ticnec, ¿tas tza tan̈wej? Q'uen̈ wa'an, 'ac' 'ajxc bautisar a b'a. Al a b'a 'a Jesucristo, sec 'oj 'ajxc can lajwc a mul, xchi win Ananías chi 'ayin.

A Tas Sc'ulejnac Eb' Schecab' Jesús Hechos 26:18

Tzach in checb't 'a eb', sec wach' 'oj jawc snab'en eb', ax yactn can eb' jun sb'eyb'al yic q'uic'q'uinal, ax yoch eb' 'a jun sacq'uinl yic Dios. 'Oj 'elcn eb' 'a yol scuenta win diablo, ax yochcn eb' 'a yol scuenta Dios. 'Oj in ya'ch eb' 'a sc'ojol, sec wach' 'oj 'ajxc can lajwc smul eb'. 'Ixta to b'i'an, ax yoch eb' yitb'eymoc eb' 'ochnc xo yico'oc Dios, xchi Jesús 'ayin.

A Tas Sc'ulejnac Eb' Schecab' Jesús Hechos 9:13

Palta xyaln Ananías 'ixtc 'a Cajlil: —Mamin, til wal mach xaln 'ayn yuj Saulo cha. A 'a Jerusalén, man̈ jantcoc stul 'ix yac' 'a eb' tzya'ch sc'ojl 'ayach.

A Tas Sc'ulejnac Eb' Schecab' Jesús Hechos 9:14

A ticnec 'ix jaw win 'a tic. 'Ix 'ajx yopiso yuj eb' sat ya'mal 'och qui ti 'aych on̈, yic tzyamn win jantcn̈ej eb' tzyal sb'a 'ayach, xchi.

A Tas Sc'ulejnac Eb' Schecab' Jesús Hechos 9:21

Jantcn̈ej eb' x'ab'n yalni, caw 'ix sat sc'ojl eb'. 'Ix yaln eb' 'ixtic: —Palta atn win tic x'ec' 'a'nc 'och syailal eb' creyente 'a Jerusalén, atn eb' tzyal sb'a 'a Jesús. A qui nani to tzjaw win wul syam eb' creyente 'a tic, yic tzyi'n 'at win eb' 'a sat eb' ya'mal 'och qui ti 'a Dios, xchi eb'.

Ro 1:7

Tic tzin tz'ib'j 'at jun in carta tic 'ayx e masnil ex 'aj Roma, ex chamc'ojlb'ilx xo yuj Dios. A 'awtjnac ex, yic wach' an̈j 'ayx yico'. Tzin nib'ej a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

Ro 10:12

Wach'xam israel on̈ec, wach'xam man̈ on̈ israeloc, lajn on̈c qui masnil 'a sat Dios. Yujto a Cajlilec, Yajl yaj 'a quib'n̈ec qui masnil. Tzann̈j on̈ tzcalc qui b'a 'a 'a, til wal swach'c'ojlal tzyac' 'ayn̈ec.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Ro 8:28

Cojquec, jantcn̈ej jun tzo'n̈ tas tzjaw 'ayn̈ec, a Dios a tz'a'n coti, sec caw wach' quiquec an̈ 'ay qui chamc'ojlalec 'a 'a, an̈ec 'awtb'iln̈ xo yu'uj, sec tzon̈ 'ochc 'icha snajnac.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

1 Co 10:32

Wach'xam israel, mto man̈ israeloc, caw matz tac' ca'nec juwc 'el snab'en eb'. An̈jtona', yet' eb' yiglesia Dios quet'ec, matz tac' ca'nec juwc 'el snab'en eb'.

1 Co 12:27

Yuj cha, an̈ec tic, 'icha to sniwnal Cristo cajec. Junjn on̈ec, 'icha to stz'acb' sniwnal chi cajec, 'ixta cajc 'och qui masnil 'a 'a.

1 Co 8:6

Palta ax 'ayn̈ec tic, cojn jun Dios 'ay, atn qui Mamec. A qui Mamc tic, a b'ojnac smasnil tas. A b'ojnacn̈ec paxi, sec wach' tzqui ch'oxc 'el swach'il. Cojxn pax jun Cajlilec, atn Jesucristo. Yujn̈ej, 'ayc' smasnil tas. An̈jtona pax an̈ec tic, yu'uj 'ayn̈ec 'ec' paxi.

2 Co 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. An yet' cu'tac Timoteo, tzin tz'ib'j 'at jun in carta tic 'ayx yiglesia ex xo Dios 'a Corinto. Tzin tz'ib'n pax 'at 'ayx e masnil ex yic xo Dios 'a yol yic Acaya.

2 Co 4:5

A yic tz'ec' calnc 'el on̈, man̈oc cab'xil tz'ec' cal-l on̈. Palta an̈j tic tzcal-l on̈, chajtlto a Jesucristo Cajlilec. Tzcaln cuj on̈, to eya'maln̈ej servil caj on̈, yujto 'ay qui chamc'ojlal 'a Jesús on̈.

Gl 1:2

A eb' creyente 'ayc' wet' 'a tic, tzya't eb' stzatzl e c'ojl ex 'ayx 'ec' 'a junjn iglesia 'a yol yic Galacia.

Ef 5:26

yic on̈ yi'nec 'och yico'oc. A yic on̈ 'emc 'a yol a', 'ix 'ijx 'el qui mulc yuj spaxti'.

1 Ts 1:1

An Pablo in tic, jun waj yet' Silvano, yet' Timoteo, tic tzwa't jun in carta tic 'ayx ex creyente 'a chon̈b' Tesalónica. Yic ex xo qui Mam Dios. Yic ex pax Cajlil Jesucristo. Tzin nib'ej, [a qui Mam Dios yet' Cajlil Jesucristo,] tzyac' swach'c'ojlal yet' sjunc'ojlal 'ayx ta'.

1 Ts 4:7

Yujto a 'awtjnacn̈ec 'och yico'oc, sec caw wach' tzcutjec qui b'eyb'al. Man̈ yujoc qui b'onec maysch'olnil, on̈ yawtnec.

2 Ts 1:1

An Pablo in tic, jun waj yet' Silvano, yet' Timoteo, tic tzca't jun qui carta tic 'ayx on̈, atn 'ayx ex creyente 'a chon̈b' Tesalónica. Yic ex xo qui Mam Dios, yic ex pax Cajlil Jesucristo.

1 Ti 2:8

Yuj cha, tzin nib'ej, tzleslwi eb' winc 'a junjn lugar. A eb' tzyij chan̈ sc'ab' sleslwi cha, yowlal caw wach' sb'eyb'al eb' 'a sat Dios. May cab' schichnc'ojlal eb'. Man̈ 'a'moc owl eb'.

1 Ti 3:15

Palta lemb'il ma'oj stac' in 'at muc'uc. Yuj cha, tzin tz'ib'n 'at jun in carta tic 'ayach, sec wach' ojtac tas wal tzqui b'eylb'ej an̈ yunnaln̈ xo Dios. Yujto an̈ tic, 'ayn̈ xo 'och stz'acb'oc yiglesia Dios pitzan. 'Ay copiso caln 'el jun cuynb'il caw yel. Cu'uj, caw tz'och yip jun cuynb'il caw yel tic.

2 Ti 1:9

A Dios ya'jnac qui colnb'il. A 'awtjnac on̈ sec on̈ 'och yico'oc. Man̈ yujoc jun tzo'n̈ tas wach' tzqui b'o'o, on̈ colchji, palta yujto 'ixta tznib'j Dios tzon̈ 'aji, yujto junxn̈ej caj yet' Cristo. Yictax mantzac sb'o yolyib'n̈q'uinl tic, toxn 'ayx swach'c'ojlal 'ayon̈.

2 Ti 2:19

'Icha junc yipn̈ub' yich n̈a, man̈ jac tz'ib'xi, 'ixta xyutj Dios ya'n can 'ejm yich yiglesia. 'Aych jun seyo 'a 'a, tzyaln 'ixtic: A Cajlil, toxn yojtac mach eb' yic xoni, xchi. Tzyaln pax junx tic: Tzann̈j mach tzalni, to yic Cristo, yowlal tzyactj can sb'on smasnil maysch'olnil, xchi jun seyo cha.

2 Ti 2:22

Caw man̈ a b'o jun tzo'n̈ maysch'olnil, 'icha tznib'j 'och eb' et quelmal. Caw tojl tzotj a b'eyb'al. Cojn Cajlil 'aj tza'ch a c'ojol. 'Ay cab' a chamc'ojlal. Junc'ojlal tzotj a b'a. 'Ixta tzyutj sb'a eb' may jac spaltail 'a sat Cajlil, yic tzyaln sb'a eb' 'a 'a.

A Ch'an̈ Carta D'a Eb' Hebreo 10:10

Yujto a Jesucristo, caw a sniwnal ya'jnac xajmb'al-l 'a jun 'ejmn̈ej, 'icha 'elnc 'a sc'ojl Dios. Yuj cha, yuj wal jun xajmb'al cha, tz'ijx 'el qui mul 'ayn̈ec.

A Ch'an̈ Carta D'a Eb' Hebreo 13:12

An̈jtona', 'ixta 'ajnc Jesús yab'n syal scham pax 'a sti 'el chon̈ab', sec wach' yuj wal schiq'uil, tz'elcn smul eb' 'anma'.

A Ch'an̈ Carta D'a Eb' Hebreo 2:11

An̈ec on̈ 'ochc yico'oc Dios, junn̈j qui Mamc yet' jun on̈ 'i'nec 'och yico'oc. Yuj cha, a Yunnal Dios tic, matz q'uixw on̈ yalnec yu'tacoc, mto yanb'oc.

San Judas 1:1

An tic Judas in, ya'mal in servil Jesucristo. Wu'tac in b'a yet' Jacobo. Tic tzin tz'ib'j 'at jun in carta tic 'ayx ax 'awtb'ilx xo 'el yuj qui Mam Dios. Chamc'ojlb'ilx xo yu'uj. Tan̈b'ilx xo yuj Jesucristo.

Apoc 19:16

A 'a spichl 'a sat xub', ata tz'ib'b'il 'och jun sb'i 'ixtic: A sRreyl eb' rey, sYajlil eb' yajal, xchi.