1 Co 1:19 - Chuj San Sebastian Bible

¹⁹ yujto tzyal 'ixtc 'a Ch'an̈ U'un̈: A eb' jelan, 'oj wac' sat sjelnal eb' cha. Ax eb' caw 'ay snab'en, 'oj wi'cn 'ec' snab'en eb', xchi Dios 'a Ch'an̈.

Chuj San Mateo Bible

¹⁹ Yujto syalcan icha tic d'a Slolonel Dios Tz'ib'ab'ilcani: A eb' jelan, ol in satel sjelanil eb' chi'. Axo eb' ay spensar, ol vac' somchajel eb', xchicani.

1 Co 1:19 ပူးပေါင်းရင်းမြစ်များ

Is 19:11

Yel xo wal may snab'en eb' yajl yaj 'a chon̈b' Zoán, ax eb' 'a'm nab'en yaj 'a win faraón 'a Egipto, jun 'eln̈ej may jac yel'ch snab'en eb' cha. Cob' ste'wtzej sb'a eb' yaln 'ixtc 'a win faraón cha: An̈ tic on̈ yin̈tl on̈ can eb' jeln on̈, atn eb' ya'jnac reyl 'a yic pecti cha, xchi cob' eb'.

Is 19:3

'Oj wac' somchjoc 'el snab'en eb', man̈x 'oj nachjoc 'el yuj eb' tas 'aj tzc'och eb'. Yuj cha, ax sc'anb'n sb'a eb' 'a eb' comn dios, 'a eb' wayjel, 'a eb' tzc'umn spixn eb' chamnac yet' 'a eb' 'ajchum.

Is 29:14

Yuj cha, a jun tzo'n̈ milagro satjub'tac yilxi, a chi 'oj in b'o 'a jun chon̈b' tic, 'oj sat sc'ojl eb' yilni. A sjelnal eb' jelan, yet' snab'en eb' 'ay snab'en, 'oj satcn 'eli, xchi Dios.

Jeremías 10:7

Ach sReyl smasnil nacion̈, ¿tom 'ay junc mach man̈ smojc tzxiw 'ayach? Smoj wal to 'ay el'ch 'a smasnil sat 'anma'. A 'a scal smasnil eb' jelan, yet' 'a scal eb' rey 'a yolyib'n̈q'uinl tic, caw may junc mach lajn et'oc.

Jeremías 8:9

A eb' tzyal jelnal sb'a cha, caw 'oj q'uixwc can 'el eb'. 'Oj xiw eb', 'oj somchjoc can 'el eb', 'oj jawc 'a yib'n̈ eb'. Yujto spatquilj can 'el eb' in paxti', yuj cha, may xon jac sjelnal eb'.

1 Co 3:19

Yujto a jun jelnal yic yolyib'n̈q'uinl tic, caw may jac yel'ch 'a sat Dios. Yujto 'ixta yaj stz'ib'x can 'a Ch'an̈ U'un̈, 'a 'aj tzyal 'ixtic: A tztenn 'och wan eb' maysch'olnil snab'en cha, sec matz 'el'ch tas tznib'j eb', xchi.

1 Co 4:10

'Icha to may jac qui nab'en 'a sat eb' 'anma 'on̈, yujto 'aych qui nab'en 'a Cristo on̈. Palta ax xo, caw jeln ex xo 'a yic Cristo chi e nani. Cojc on̈, man̈toc te'n on̈ on̈. Ax xo, 'icha to caw te'n ex xo. An̈ tic on̈, tzon̈ spatquilj can 'el eb' 'anma 'on̈. Palta ax xo, caw 'ay eyel'ch 'a sat eb'.

1 Co 4:6

Ex wu'tac, ex wanab', 'ix wal't 'ayex, tas waji, tas yaj pax Apolos, sec tznachj 'el jun tzo'n̈ cuynb'il tic eyu'uj. Yujto an yet' Apolos cha, ch'oxnb'il caj 'ayx on̈, sec wach' eyojtac, to matz tac' tzex 'ec' 'a yib'n̈ tas tzyal Ch'an̈ U'un̈. Yujto may junc mach tztac' e b'an̈ni, may pax junc mach tztac' e patquiln can 'eli.