1 Co 1:11 - Chuj San Sebastian Bible

¹¹ Tzwal't jun tzo'n̈ tic 'ayx ex wu'tac, ex wanab', yujto a eb' yic Cloé xaln cot 'ayin, to wan spitzw ab' owl 'a e cal ta'.

Chuj San Mateo Bible

¹¹ Ex vuc'tac ex vanab', svalb'at juntzan̈ tic d'ayex, yujto a eb' yic ix Cloé ix alan d'ayin to van spitzvi oval d'a e cal ta'.

1 Co 1:11 ပူးပေါင်းရင်းမြစ်များ

Gn 27:42

Palta ax 'ix Rebeca xyojquej 'el 'ix tas wan snan Esaú, yuj cha, xya'n 'ix 'awtxoc cot Jacob, xyaln 'ix 'a win 'ixtic: —'Ilt nab'an, a ni o'tac Esaú tznib'j ni tzach smil chamoc, yuj ya'n ni spac 'ayach.

Gn 37:2

Atn yab'xil smasnil eb' yunnal tic. A José 'ayx uclajn̈e ab'il sq'uinal, tzax 'ec' 'ilj calnelu yet' eb' yu'tac, atn ewin yune 'ix Bilha, yet' ewin yune 'ix Zilpa, eb' 'ix schab'l 'istzil win Jacob cha. A José a tz'i'n 'at yab'xil eb' yu'tac chi 'a smam, yujto tu tas tzlaj sb'o eb'.

Pr 13:10

Toto tzqui b'an̈c qui b'a, cojn owl tzq'ue wan cujec; ax toto 'emmquilal queq'uec, caw jeln on̈c 'ixta'.

Pr 18:6

Yuj spaxti eb' 'anma may snab'en, yuj cha, tzq'ue wan owal; yuj spaxti eb' cha, ax sjaw yailal 'a yib'n̈ eb'.

1 Co 1:10

Ex wu'tac, ex wanab', tzin tew 'ayx 'a sb'i Cajlil Jesucristo, to junxn̈ej tz'aj e nab'en e masnil ta'. Man̈ comnoc tze pojl e b'a. Caw jun lajn xoj tzeyutj e nab'en, jun lajnn̈ej tzeyutj e nan smasnil tas.

1 Co 1:12

Tzyal 'el'chi, chucchc wan eyaln junjn ex. Yujto 'ayx wan eyaln 'ixtic: Yic in Pablo, xe chi. 'Ayx pax tzeyala: An tic, yic in Apolos, xe chi. 'Ayx pax tzeyala: Yic in Pedro, xe chi. An̈jtona', 'ayx pax tzeyala: Yic in Cristo, xe chi.

1 Co 11:18

Yuj cha, a jun tic 'oj in b'ab'l alc 'at 'ayex. Tzwab'i, a 'ajtc tzeyam e b'a 'a culto, 'ayx ab' tze nib'j tze pojl e b'a ta'. Palta tzin na'a, tecn yel jun tzo'n̈ chi tzwab' cha.

1 Co 3:3

yujto an̈ja a e nab'en tzex 'a'n mandar. 'In an̈ja 'ay e chichnc'ojlal, an̈ja tze nib'j tze pojl e b'a. Yuj cha, tzyal 'el'chi, an̈ja e nab'en tzex 'a'n mandar. Lajnn̈ej tzeyutj e b'a yet' eb' mant 'ojtnacoc Dios.

2 Co 12:20

Tzin xiwi, yujto a yic 'oj 'at ex wila', toq'ue man̈ ex 'ichcta 'icha tzin nib'ej. An xo tic, toq'ue man̈ in 'ichcta 'icha tze nib'ej. Caw tzin xiw in 'at 'ayex, toq'ue 'ay owl 'a e cal, chichnc'ojlal, yet' c'a'lc'ojlal. Toq'ue 'ayx wan laj eyi'n chan̈ e b'a, toq'ue 'ayx tzex laj b'uchwj 'a e patc junjn ex, 'ayx alm ex peclal. Toq'ue 'ayx tzlaj e b'an̈ e b'a, 'ayx pax wan laj e somchj 'eli.

Gl 5:15

Palta toto an̈ja 'aych e nab'en laj eya'nc owl 'a e cal, caw 'ay smay, 'oj laj e satl e b'a.

Gl 5:20

Tzyaln sb'a eb' 'a jun tzo'n̈ tzlaj yalch sdiosaloc. Tzya'lj eb' laj cob' sb'alnoc junc xo mach. Tz'och eb' 'ajc'ojlal 'a jun jun, 'a'm owl eb'. Tzchichn 'och eb' 'a junc xo mach yuj tastc 'ay 'a 'a. C'un scot yowl eb'. Tznib'j eb' axn̈ej 'ay yel'chi. Tznib'j eb' tzlaj spojl sb'a, chucchc tz'aj junjn c'aj eb'.

Gl 5:26

Caw man̈ qui b'an̈c qui b'a, sec matz laj qui tzuntzquec qui b'a. Man̈ qui nib'quec 'och tastc 'ay 'a junc xo quit creyenteal.

A Scarta San Pablo D'a Eb' Aj Filipos 2:14

A yic tz'ajx e b'o junc tas, man̈ e b'o yet' e chichnc'ojlal. Man̈ laj eyal-l tas yuj tz'ajx e b'o'.

1 Ti 6:4

A eb' 'ixta tzyutj sb'a, may jac tas yojc eb', ton̈j tzb'an̈ sb'a eb'. Tznib'n eb' scomn 'a'c owl yet' junc xo mach. Tznib'n pax eb' tzcomn tej sb'a yuj jun tzo'n̈ xo paxti'. Cojxn wal jun tzo'n̈ tic tzlaj sb'o eb' 'a smasnil tiempo. Palta yuj jun tzo'n̈ tzb'o eb' cha, tzpitzw chichnc'ojlal, owal, b'uchwal, tu nab'enal,

Tito 3:9

Palta man̈ a'ch a b'a yet' eb' tzcomn tej sb'a 'a nab'an̈ej, yet' eb' cojn yab'xil smam yichm tzyala. Man̈ a'ch pax a b'a yet' eb' tzcomn 'a'n owal, yet' pax eb' tztej sb'a yuj ley yic Moisés. A jun tzo'n̈ tzlaj yal eb' cha, may jac yopiso, nab'an̈ej tzyixtj sb'a eb' yalni.