A Ch'an̈ B'ab'el Libro Samuel 9:20 - Chuj San Sebastian Bible

²⁰ A e no b'uru 'ayx yoxl c'u sat cha, man̈ a na e no', tox 'ix 'ilchj e no'. Ax jun tas caw nib'b'il yuj eb' quit chon̈ab', ach 'ay ec yet' eb' ecan, xchi.

Chuj San Mateo Bible

²⁰ A yuj noc' b'uru ix satb'at d'ayach yictax oxji, man̈ ac' pensar yuj noc', toxo ix chax noc'. Palta ay jun mach te nib'ab'il yuj eb' quetchon̈ab' israel tic, a ach toni yed' eb' a c'ab' oc, xchi vin̈.

A Ch'an̈ B'ab'el Libro Samuel 9:20 ပူးပေါင်းရင်းမြစ်များ

1 Cr 29:3

An̈jtona', yujn̈ej pax to 'ay in niwquil chamc'ojlal 'a yatut in Diosal cha, yuj cha, tzin siyj q'uen oro, q'uen plata to mun wico', an̈jtona', 'ix in yamb'tzej can smasnil tas 'oj c'anxc 'a yatut qui Diosal cha.

Salmos 62:10

A mach tzyac' ganar tumn 'a spatc maysch'olnil mto yuj 'elc'al, caw matz tac' ya'n 'och jun chi yipc sc'ojol. Toto tzq'ue'ch yet' tas 'ay 'a 'a, matz tac' ya'n 'och sricoal chi yipc sc'ojol.

A Scarta San Pablo D'a Eb' Aj Colosas 3:2

Yowlal an̈j tas 'ay 'a satchan̈ 'aj 'ayb't qui nab'enec ticnec. Man̈x ca'c 'och qui nab'en 'a tas 'ay 'a sat lum tic,

A Ch'an̈ B'ab'el Libro Samuel 10:16

—Caw wach' xyutj yaln 'ayn̈ on̈, chajtlto tox 'ix 'ilchj e no b'uru chi eyu'uj, xchi. Palta may jac tas 'ix yal 'a winac to 'ix yal Samuel to 'oj 'och reyal.

A Ch'an̈ B'ab'el Libro Samuel 12:13

A ticnec, yaj jun e reyl tic e c'anjnac cha, a Jehová x'a'n 'och win reyl 'a quib'n̈ec.

A Ch'an̈ B'ab'el Libro Samuel 12:15

Palta toto ma'oj e cha eyab' tas 'oj yal Jehová, toto pit 'oj eyutc e b'a 'a schecnb'il, to 'ixta', 'oj ya' cot yailal 'a eyib'an̈, 'icha ya'jnac yet' eb' qui mam quichmec.

A Ch'an̈ B'ab'el Libro Samuel 4:20

A yic xyiln eb' 'ix 'ix tz'iln sb'ox sc'ojl 'ix to wan scham 'ix, xyaln eb' 'ix 'a 'ix 'ixtic: Man̈ ach xiwoc, yujto winc 'unn jun one tic, xchi eb' 'ix. Palta ma'ix ta'w xon 'ix, 'icha to man̈xtzac yab' 'ix.

A Ch'an̈ B'ab'el Libro Samuel 8:19

Palta ma'ix schaj eb' chon̈b' chi yab' tas xyal win Samuel cha, 'ix ta'w eb' 'a 'ixtic: —A jun tzo'n̈ tzal tic, may yel'ch 'ayn̈ on̈. Cojnto tz'och qui reyl chi 'on̈,

A Ch'an̈ B'ab'el Libro Samuel 8:5

'Ix yaln eb' 'a 'ixtic: Ach tic, ach 'och 'ichm wincal, ax eb' onnal, man̈oc a b'eyb'al tzb'eylb'ej eb'. Yuj cha, tzcaln 'ayach, to tza saycn junc qui reyl tzon̈ jucb'tzani, 'icha yaj jun tzo'n̈ xo nacion̈, xchi eb'.

A Ch'an̈ B'ab'el Libro Samuel 9:19

Ax Samuel cha, 'ix ta'w 'ixtc 'a 'a: —An ton tic. Lem con̈ wet' 'a lum tzaln yic 'emmquilal, to 'oj a wa wet' ta'. Ax q'ui'n 'a sq'uin̈b'ial, ata 'oj wal 'ayach tas jun tza nib'j a c'anb'c 'ayn cha, 'oj lajwc cha, ax a 'atxi.

A Ch'an̈ B'ab'el Libro Samuel 9:3

'Ay jun c'ual 'ix sat e no sb'uru win Cis cha, win smam Saúl. Yuj cha, 'ix yaln 'a jun yunnal chi 'ixtic: —'Ac' lista a b'a muc'uc, 'at sayc' e no qui b'uru cha. 'Ij 'at junc ewin qui moso tic et'oc, xchi.