A Ch'an̈ B'ab'el Libro Samuel 8:20 - Chuj San Sebastian Bible

²⁰ sec lajn tzon̈ 'aj yet' jun tzo'n̈ xo nacion̈. 'Oj yac' jun qui reyl chi yajlil 'a quib'n̈ on̈, ax on̈ sjucb'tzan 'a owal, xchi eb'.

Chuj San Mateo Bible

²⁰ Co gana lajan tzon̈ aj icha juntzan̈xo nación, co gana to ay junoc co reyal tz'ac'an yajalil d'a co cal, tzon̈ scuchb'anpax d'a oval, xchi eb'.

A Ch'an̈ B'ab'el Libro Samuel 8:20 ပူးပေါင်းရင်းမြစ်များ

Salmos 106:35

A yic eb' to scalj sb'a eb' yet' eb' chuc chon̈b'al cha. 'Ix sb'eylb'an eb' sb'eyb'al eb',

Ex 33:16

Q'uinloc matz ach 'at quet' ticnec on̈, ¿tas wal 'oj 'aj scheclj 'eli, to tzach tzalj wet'oc, yet' 'a eb' a chon̈b' tic? Toto tzach 'at quet' on̈, 'ixtnta 'oj 'aj scheclj 'eli, to sic'b'iln 'el yet' eb' a chon̈b' tic oj 'a scal eb' chon̈b' 'a sat lum tic, xchi Moisés.

Nm 23:9

Caw wal wach' wiln 'at jun chon̈b' chi 'a sjolm q'uen q'uen 'aj te'n in q'ue tic. Caw wal wach' wiln 'at 'a jolm witz tic: A jun chon̈b' cha, caw wal mun 'ay sch'ocoj, chuc yeli, matz calj sb'a eb' yet' jun tzo'n̈ xo chon̈ab'.

Jn 15:19

Q'uinloc yic ex yolyib'n̈q'uinl tic yet' eb', toto 'ixta', tecn tzex schamc'ojlej eb'. Palta man̈x ex yico'oc yolyib'n̈q'uinl tic, yujto tox ex in si'cn 'elt 'a scal eb'. Yuj cha, tzchichn 'och eb' 'ayex, yujto man̈x eyitb'eymoc e b'a yet' eb'.

Ro 12:12

'Ay cab' qui tzaljc'ojlalec 'a smasnil tiempo, yujto tzca'c 'och Dios yipc qui c'ojol. Caw te'n tzcutjec qui b'a cab'n syail. May cab' b'a'n̈ tzcactjec qui leslwi 'a Dios.

2 Co 6:17

Yuj cha, yaljnac can pax Cajlil 'ixtic: 'Eln̈ec 'a scal eb', 'ijec 'el e b'a, man̈ eyam junc tas maysch'olnil. Toto 'ixta', 'oj ex in cha wico'oc.

Dt 7:6

Yujto an̈ec tic, sic'b'iln̈ec 'eli, yuj cochc schon̈b'oc Jehová qui Diosalec. Sic'b'iln̈ec 'elt 'a scal jun tzo'n̈ xo chon̈b' 'ay 'a sat lum lum tic, sec to yicn̈ej tzon̈ 'ajec.

A Scarta San Pablo D'a Eb' Aj Filipos 3:20

Palta an̈ec xo tic, a 'a satcha'an̈, ata 'ayb't qui nab'enec, yujto a jun cha, atn qui chon̈b'ec. Wan qui tan̈wniec sjapx qui Colmal 'a satchan̈ cha, atn Cajlil Jesucristo.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.

A Ch'an̈ B'ab'el Libro Samuel 12:12

A yic xeyilni to tzjaw win Nahas sreyl eb' amonita yac' owl eyet'oc, xe c'ann jun rey 'ayin, yic tz'och yajlil 'a qui calec. Tic pax to a Jehová qui Diosalec, a qui reylec yaji.

A Ch'an̈ B'ab'el Libro Samuel 12:2

A ticnec, yaj win e reyl tic 'oj eyi'nb'eyoc. An tic caw 'ichm in xo, caw sacx in jolom, palta a eb' wunnal 'ayc' eb' eyet'oc. An tic ex wijb'eyoc, 'a yictax quelm in masnto 'a jun c'u tic.

A Ch'an̈ B'ab'el Libro Samuel 8:5

'Ix yaln eb' 'a 'ixtic: Ach tic, ach 'och 'ichm wincal, ax eb' onnal, man̈oc a b'eyb'al tzb'eylb'ej eb'. Yuj cha, tzcaln 'ayach, to tza saycn junc qui reyl tzon̈ jucb'tzani, 'icha yaj jun tzo'n̈ xo nacion̈, xchi eb'.