A Ch'an̈ B'ab'el Libro Samuel 7:6 - Chuj San Sebastian Bible

⁶ Ax yic 'ix syamn sb'a eb' 'a Mizpa cha, 'ix yi'n q'uet eb' a a', xlaj secnc 'ejm eb' 'a yojltac Jehová. 'Ix ya'n 'och sb'a eb' 'a c'ajb'c'ojlal 'a jun c'u cha. Xyaln eb' 'ixtic: 'Ix 'och wal qui mul 'a Jehová, xchi eb'. Ax Samuel, 'ix jucb'tzan eb' yit chon̈b' 'a Mizpa.

Chuj San Mateo Bible

⁶ Yuj chi' ix smolb'ej sb'a eb' ta'. A d'a jun c'u chi' ix yic'q'ueta a a' eb', ix secanem a' eb' d'a sat lum d'a yichan̈ Jehová, ix och eb' smasanil d'a tzec'ojc'olal, ix yalan eb' icha tic: Ix och co mul d'a yichan̈ Jehová. (A d'a Mizpa chi' ix sch'olb'itej eb' yetchon̈ab' vin̈aj Samuel chi'.)

A Ch'an̈ B'ab'el Libro Samuel 7:6 ပူးပေါင်းရင်းမြစ်များ

Gn 31:49

Sb'in pax Mizpa, yujto xyal win Labán 'ixtic: —A Jehová tzon̈ 'iln qui chawn̈il, yic tzqui pojn can qui b'a, yujto man̈x b'a'n̈ 'oj qui cha 'el'ch qui b'a.

A Ch'an̈ Schab'l Libro Samuel 14:14

Yujto an̈ 'anman̈ tic, toxn 'oj qui chami. Lajn on̈ 'icha a a tztob' 'a sat lu'um, man̈xtzac stac' smolb'tzaxi. Ax pax Dios jun, may mach tzyij 'ec' sq'uinal, a yico', to tzsay tas tz'aj smeltzj junc mach to 'aycn 'at 'elc 'a 'a.

A Ch'an̈ B'ab'el Libro Yic Yab'ixal Eb' Rey 8:47

Toto a yic 'ayn̈ 'ec' 'a junc chuc chon̈b'al cha, tznan sb'a qui c'ojl on̈, tzqui c'ann niwnc'ojlal 'aych yuj qui mul tz'och on̈,

1 Cr 11:18

Yuj cha, ax eb' 'oxwn̈ soldado caw jeln cha, 'ix 'och eb' 'a scamplamento eb' filisteo, 'ix 'at slechnc q'uet eb' a 'uc'b'ila 'ay 'a sti spuertail Belén cha, 'ix yi'n cot eb' a 'a David. Palta ma'ix yal sc'ojl David to xyuq'uej, ton̈j sec 'ejm ofrendail 'a Jehová.

2 Cr 20:3

Xlajw cha, 'ix yecn xiw sb'a Josafat, caw 'emmquil 'ix yutj yaln sb'a 'a Jehová. 'Ix ya'n alxc 'a smasnil eb' 'anma 'a yol yic Judá to tz'och eb' 'a c'ajb'c'ojlal.

Nehemías 9:27

Yuj wal cha, 'ix a'n 'och eb' 'a yol sc'ab' eb' 'ajc'ojol, atn eb' chi x'ixtn eb'. Palta a yic wan yab'n eb' syal yixtx cha, x'awj eb' 'ayach, sc'ann eb' a colwal. Ach xo pax tic, 'aych 'ec' 'a satcha'an̈, yuj a niwquil chamc'ojlal, xa chaj ab' tas xyal eb'; achxo 'ix 'ac' eb' winc xwul colnc 'el eb' 'a yol sc'ab' eb' 'ajc'ojol.

Job 16:20

Ex in wach'c'ojol, 'in ton̈j tzex b'uchwj 'ayin, an xo tic, tzin 'o'n̈j 'a yojltac Dios.

Job 3:24

Tzcob' in nib'nc wa in b'a, palta ton̈j tzjaw si'snoc in c'ojl woq'ui, toxn matz 'och wan in c'acw wab'n syail.

Job 33:27

Ax yaln 'a sat eb' 'anma 'ixtic: 'Ix 'och in mul, 'ay tas man̈ tojloc xlaj in b'o', palta ma'ix ya'ch Dios in yailal 'icha wal smoj in chani;

Job 40:4

¿Tas wal 'oj wutc in ta'wi, toc 'ay jac xon wel'chi? Yel xo wach' to sictac tzin cani.

Job 42:6

Yuj cha, tznachj 'el wu'uj to may jac wel'chi, yel xo wach' tzin 'emwocn 'a sat lu'um, mto 'a scal stan̈il c'ac' yic tzin nan in b'a yuj tas xwala, xchi Job.

Salmos 106:6

Lajn wal x'aj yoch qui mul 'icha ya'jnac eb' qui mam quichm 'a pecti 'on̈; on̈ 'ec' wal 'a yib'n̈ on̈, xqui b'on maysch'olnil.

Salmos 119:136

Caw tzb'ey yal in sat woq'ui, yujto matz yiclj eb' 'anma jun tzo'n̈ a cuynb'il tic.

Salmos 42:3

Sc'ual yac'wlil woq'ui, axn̈ej yal in sat 'aych yec'b'oc in wejel, yec'b'oc in tacn̈ti'al. Ya' sb'a cha, ax 'a junjn c'u tzc'anb'n eb' 'anma 'ayn 'ixtic: ¿'Aj wal til 'ay jun a Diosal cha? xchi eb'.

Salmos 6:6

Caw wal tz'el'ch wip woq'ui. Til wal woc' 'a junjn 'ac'wal, caw tzlojx 'el in c'an̈jolm yuj yal in sat.

Salmos 62:8

Ex wit chon̈ab', ca'c 'och Dios yipc qui c'ojl 'a smasnil tiempo. Yet' wal smasnil qui c'ojlec, tzon̈ leslwiec 'a 'a, yujto cojn 'a 'aj wach' tzqui colc qui b'a.

Jeremías 31:19

'Ix quij 'el qui b'a 'ayach, palta xqui na qui b'a ticnec. A yic xcojcan 'eli, to caw may qui ch'olnil on̈, chijn on̈ 'ejmi, tzon̈ 'ec' yuj q'uixwc'ojlal. 'Emmquilal xoj tzcutj qui b'a yuj jantc qui mul x'och 'a yictax quelm on̈t on̈, xchi eb' 'aj chon̈b' Efraín 'ayin.

Jeremías 36:9

A 'a yic sb'aln̈il 'uj, yic yol ab'il xo yoch win Joacim win yunnal Josías reyl 'a Judá, ata 'ix sna'a, to a eb' 'anma cajn 'a Jerusalén, yet' jun tzo'n̈ xo eb' cotnc 'a jun tzo'n̈ xo lugar 'a yol yic Judá, to yowlal tz'och eb' smasnil 'a c'ajb'c'ojlal 'a yojltac Jehová.

Jeremías 9:1

¡Comnoc wal lajn yol in sat tic yet' junc a spac'b'a tz'el yoctac, sec sc'ual, yac'wlil woc' yuj smasnil eb' wit chon̈b' xlaj chami!

Lm 2:11

Caw wal tzmal yol in sat woq'ui, ax sn̈i in c'ojol, caw wal 'ijn tzn̈i'chj tzwab'i; caw man̈x 'a wip tzwab'i yic tzwiln 'och tas tz'aj slajw 'el eb' wit chon̈ab'. 'Intax eb' nene 'unn tzat chuwi, t'occtac tz'aj eb' schamcn 'a yol caye yuj wejel.

Lm 3:49

Caw wal matz in 'och wan woq'ui, yujto an̈ja wab'nn̈ej syail,

Lm 5:16

Man̈xtzac on̈ b'inax 'icha 'a yic yalan̈, caw 'oltac tzon̈ 'aj on̈, yujto 'ix 'och qui mul on̈.

Ez 20:4

Ach 'anma', b'eyc'ojlej eb' ach tic, 'ac' yojcoc 'el eb' tas syajb'entacl x'ec' smam yichm eb'.

Os 5:1

Ex 'aj chon̈b' Israel, yet' ex ya'mal 'och sti eb' 'anma 'ayin, 'ab'tec wal tas 'oj wala', tze maclni eyab' ex yin̈tl eb' rey: A 'a eyib'n̈ ax tic, ata 'oj jawc jun yailal cha, yujto ax tic, 'icha wal junc ch'an̈ ya'al, 'ixta eyaj 'a chon̈b' Mizpa yet' pax 'a lum jolm witz Tabor.

Jl 2:12

Yuj cha tzyaln Jehová 'ixtic: Palta 'ayt sb'omb'il 'ayex. Meltzjan̈c cot 'ayn yet' smasnil e c'ojol. 'Ochn̈ec 'a c'ajb'c'ojlal, 'el cab' eyaw, 'o'n̈ec, xchi.

Lv 16:29

A jun tic ley tz'ajcn 'a e cal 'a smasnil tiempo. A 'a yic lajn̈e yoch yucl 'uj, ata tzex 'och 'a c'ajb'c'ojlal ax israel ex tic, yet' eb' chuc chon̈b'al cajn 'a e cal. May junc mach tzmunlj 'a jun c'u cha,

Lv 26:40

Yujto 'ix 'och stenmtacl eb' 'ayin, yuj cha, 'oj woch 'ajc'ojlal 'a eb', ax wa'n can 'at eb' 'a schon̈b' eb' 'ajc'ojl yajch 'a eb' cha. Toto 'oj sna sb'a sc'ojl eb' 'aj pit 'oj yutc sb'a 'ayin, ax yi'n 'ejm sb'a eb' 'a wojltac yuj yaln q'uet' eb' smul yet' e mul ax tic, tzyactn can eb' sb'on masych'olnilal,

Lc 15:18

'Oj in pax 'a in mam cha, ax waln 'ixtc 'a 'a: Mamin, caw x'och in mul 'a Dios, x'och pax in mul 'ayach.

Jueces 10:10

Yuj cha, 'ix sc'ann eb' israel chi scolwal Jehová yet'oc, 'ix yaln eb' 'ixtic: —Ach qui Diosal, 'ix 'och wal qui mul 'ayach, ach cactj can on̈, ax 'a jun tzo'n̈ yechl jun comn dios Baal, ata 'ix cac' 'ejm qui b'a on̈, xchi eb'.

Jueces 10:15

Yuj cha, 'ix ta'w eb' 'ixtc 'a Jehová: —'Ix 'och wal qui mul 'ayach, ax ticnec, ach tza na'a tas tzon̈ otej, cojn tas tzqui c'an 'ayach, to tzon̈ a colcn 'el 'a yol sc'ab' eb' 'anma tic, xchi eb'.

Jueces 2:4

A yic xlajw yaln jun yángel Jehová chi jun tzo'n̈ tic 'a eb', 'ix syamn 'och eb' yoq'ui, caw x'el yaw eb' yoc' si'mb'il.

Jueces 20:26

Xlajw cha, ax eb' soldado israel smasnil, yet' smasnil eb' chon̈ab', 'ix 'atx eb' 'a scajnub' Dios 'a Bet-el. 'Ix 'oc' eb' 'a yojltac Jehová 'a smasnil c'u masnto xq'uic'b'i. May jac tas sc'ux eb', 'ix ya'n eb' xajmb'al tz'a'i, yet' xajmb'al yic junc'ojlal.

Jueces 3:10

Ax Yespíritu Jehová x'och 'a Otoniel, sjucb'tzan eb' yit israelal cha, xya'n owal. A Jehová a x'och yet' eb', x'ajx eb' 'ajc'ojl chi 'a yol sc'ab'. 'Ix lajw 'el eb' yu'uj.

A Ch'an̈ B'ab'el Libro Samuel 1:15

—May mamin, man̈ in 'u'moc 'an̈, to 'ay wal in cusc'ojlal tzwul wal 'a yojltac Jehová.

A Ch'an̈ B'ab'el Libro Samuel 10:17

Xlajw cha, 'ix yawtn cot Samuel smasnil eb' yit israelal 'a yojltac Jehová 'a Mizpa.

A Ch'an̈ B'ab'el Libro Samuel 12:10

Yuj cha, 'a junjn 'ejem, xyaln sb'a eb' qui mam quichmec 'a Jehová, xyaln eb' 'ixtic: Caw wal 'ix 'och qui mul on̈, yujto ach cactjcan ach Jehová, ax jun tzo'n̈ comn dios yechl Baal yet' Astarté, a 'ix ca' servil. A ticnec, coln̈ 'elt 'a yol sc'ab' eb' 'ajc'ojl yajch 'ayon̈, cojxn̈ej 'aych 'oj ca' servil, xchi eb'.

A Ch'an̈ B'ab'el Libro Samuel 7:15

A Samuel 'ix yac' yajlil 'a yib'n̈ eb' yit chon̈ab', masnto xchami.