A Ch'an̈ B'ab'el Libro Samuel 6:9 - Chuj San Sebastian Bible

⁹ Si'mb'il wal tzeyila: Toto tojln̈ej s'at e no yet' te caruaje chi 'a sb'el Bet-semes yic tzpax te 'a slu'um, toto 'ixta', a Jehová a 'ixtc tzon̈ 'utnec yet' jun tzo'n̈ yailal tic. Toto ma'ay, tecn man̈oc tz'a'n 'och yailal tic 'a quib'n̈ec, comn yab'il tzon̈ 'ixtnec ama, xchi eb'.

Chuj San Mateo Bible

⁹ Tzeyilani tato a d'a sb'eal Bet-semes ol b'at noc', tato icha chi' a Jehová sDiosal eb' israel tzon̈ ixtani. Tato ch'oc b'eal b'aj ol b'at noc' jun, man̈oc Jehová tz'ac'ancot jun yaelal tic d'ayon̈, comon yaelaln̈ej am tzon̈ ic'ani, xchi eb' sacerdote chi'.

A Ch'an̈ B'ab'el Libro Samuel 6:9 ပူးပေါင်းရင်းမြစ်များ

A Ch'an̈ Schab'l Libro Samuel 1:6

'Ix ta'w win quelm cha, xyaln 'ixtic: —C'uxn wal 'ayn 'ec' 'a lum jolm witz tzcuch Gilboa, ax xwilni n̈ojn xo q'ue Saúl chi 'a yib'n̈ slanza, tza'n pax sjaw eb' 'ajc'ojl chi yet' scaruaje yic owal, yet' eb' 'ay q'ue 'a yib'n̈ chej.

A Ch'an̈ B'ab'el Libro Yic Yab'ixal Eb' Rey 4:9

A yunnal Decar, a 'ajcuenta yi'n cot jun tzo'n̈ chi 'a jun tzo'n̈ chon̈b' tic: atn Macaz, Saalbim, Bet-semes, Elón yet' Bet-hanán.

2 Cr 25:21

Xlajw cha, 'ix 'at Joás yet' eb' soldado chi yac' owl yet' Amasías cha; ata xchaj sb'a eb' 'a Bet-semes 'a yol yic Judá.

Ex 8:15

Cojn wal yic 'ix yiln win rey chajtlto man̈x 'a jun yailal cha, 'ix ya'n win pitb'oc pax 'el snab'en jun 'ejm xo, 'icha wal xyutj Jehová yalni. Ma'ix schaj win yab' tas xyal Moisés yet' Aarón.

Ec 9:11

'Ay junx tas xwil 'a yolyib'n̈q'uinl tic: Man̈ smasnilc tiempo an̈j eb' jeln sb'ey tz'a'n ganar, man̈ smasnilc pax eb' jeln ya'n owl tz'a'n ganar; man̈ smasnilc eb' jelan, wach' yec' tiempo yu'uj. Man̈ smasnilc eb' 'ay snab'en tz'och ricoal, man̈ smasnilc eb' cuywnac tz'och 'a niwc 'opiso; palta a tzyala tas tzchachj yuj junjn mach.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Am 3:6

Toto tz'utz'x q'uen trompeta 'a scal chon̈ab', caw tzxiw chan̈ smasnil 'anma'. Toto 'ay tas 'ay smay tz'ec' 'a scal chon̈ab', tzyal 'el'chi, a Jehová tz'a'n b'o 'ixta'.

Lc 10:31

Ax jun win ya'mal 'och qui ti 'a Dios, 'ix 'ec' 'a jun b'e cha, ax xyiln sb'a t'ocn 'ec' winac, palta c'ax 'e'l x'eq'ui.

Josué 15:10

Ata tzmeltzj smon̈jonal 'a Baala cha, 'a stojlal 'aj tz'em c'u, masnto tzc'och 'a lum witz yic Seir, tzpaxx 'a snorteal 'a yich lum switzl Jearim, atn Quesalón. Tzlajw cha, tz'emx lu'um, masnto tz'e'mch 'a Bet-semes, tz'e'x 'a Timna,

A Ch'an̈ B'ab'el Libro Samuel 6:10

'Ix syiclni eb' filisteo chi sb'on 'icha x'aj yalx 'a cha. 'Ix yi'n cot eb' chawn̈ no nun wacx 'ay yune'. 'Ix ya'n eb' stoc' e no te caruaje cha. Ax e no cotc cha, 'ix smacn eb' e no 'a yol scolal.

A Ch'an̈ B'ab'el Libro Samuel 6:12

Xlajw cha, sjiyn 'el ewin e no wacx cha, 'ix cot e no 'a sb'el Bet-semes. Xoj yoc' e no' yic tzb'ey e no 'a b'e cha, tojln̈ej scot e no', may 'aj tz'el e no 'a stitc b'e. Ax eb' syajlil eb' filisteo cha, najt tza'n xoj scot eb' yuj e no', masnto xjaw e no 'a smon̈jonal lum Bet-semes cha.

A Ch'an̈ B'ab'el Libro Samuel 6:3

—Toto tzeya'x meltzjoc te scaxail strato sDiosal Israel cha, man̈ eya'x meltzjoc te sch'ocoj, palta yowlal cab' 'ay tas tzeyac' stojnb'ilc e mul chi 'a 'a. Toto 'ixta', 'oj b'oxc e c'ojol, ax eyojcan 'eli, tas wal yuj xya'ch yailal 'a quib'n̈ec, xchi eb' ya'mal 'och sti eb' cha.