A Ch'an̈ B'ab'el Libro Samuel 6:17 - Chuj San Sebastian Bible

¹⁷ A o'e eb' q'uen oro b'ob'il 'icha yilx malel, yuj ya'n eb' filisteo stojloc smul 'a Jehová, 'ix yac' eb' yuj chon̈b' Asdod, yuj chon̈b' Gaza, yuj chon̈b' Ascalón, yuj chon̈b' Gat yet' yuj chon̈b' Ecrón.

Chuj San Mateo Bible

¹⁷ A oye' oro yechel jun yaelal ix yac'cot eb' filisteo chi' yuj stojoloc smul d'a yichan̈ Jehová, junjun yic juntzan̈ chon̈ab' tic, aton Asdod, Gaza, Ascalón, Gat yed' Ecrón.

A Ch'an̈ B'ab'el Libro Samuel 6:17 ပူးပေါင်းရင်းမြစ်များ

A Ch'an̈ Schab'l Libro Samuel 1:20

Man̈ eyal yab' eb' 'ay 'a chon̈b' Gat, man̈ eyal-l jun 'ab'x chi 'a yoltc scayeal chon̈b' Ascalón, sec wach' ma'oj tzaljoc chan̈ eb' 'ix filistea, sec wach' ma'oj b'atjoc chan̈ eb' 'ix chuc chon̈b'al chi yuj tzaljc'ojlal.

A Ch'an̈ Schab'l Libro Samuel 21:22

A chan̈wn̈ eb' niwc stel cha, yin̈tl Refa eb', atn win 'aj Gat, palta a eb' cha, 'ix 'ajx ganar eb' yuj rey David, yet' yuj eb' soldado cha.

A Ch'an̈ Schab'il Libro Yic Yab'ixal Eb' Rey 1:2

Ax Ocozías sreyl Israel 'ix 'elt pichnjoc 'a sventnual schab'l piso 'a sdespacho 'ay 'a chon̈b' Samaria, caw niwquil x'aj slajwi. Yuj cha, 'ix yaln 'a eb' schecb' chi 'ixtic: 'Ixquec, 'at c'anb'jec eyab' 'a Baal-zebub sdiosal eb' 'aj Ecrón, toto 'oj b'oxc to in c'ojl 'a jun in yailal tic, xchi.

2 Cr 26:6

'Ix 'at Ozías yac' owl yet' eb' filisteo, 'ix sma'n 'ejm lan̈chjoc smuroal chon̈b' Gat, Jabnia yet' Asdod. 'Ix sb'on chan̈ jun tzo'n̈ schon̈b' 'a yol smacb'en eb' 'aj Asdod cha, atn 'a scal eb' filisteo.

Jeremías 25:20

yet' junjn macn̈ eb' 'anma 'ayc' ta'. 'Ix wa'n pax yuc' smasnil eb' rey 'ay 'a chon̈b' Uz, yet' eb' 'ay 'a yol smacb'en eb' filisteo: atn Ascalón, Gaza, Ecrón yet' eb' 'ayt can pax 'a Asdod.

Lv 5:7

Toto may stumn jun 'anma chi smann junc no calnelu cha, mto junc chiwo cha, to 'ixta', yowlal tzyij cot chawn̈oc no cowojte', mto chawn̈oc no parama 'a wojltac, junc no tz'ajx yuj mul cha, junc xo no tz'ajx tz'a xajmb'alil.

Am 1:6

Xyaln pax Jehová 'ixtic: A wal eb' 'aj chon̈b' Gaza, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto xyij 'at eb' smasnil eb' chon̈ab', axta schon̈ch eb' mosoal eb' 'a Edom.

Am 6:2

Tzeyal cob' 'ixtc 'a eb' eyit chon̈ab': 'Ixquec 'a chon̈b' Calne, tze maclni eyil si'mb'il. Axta tzex 'atxi, tzex c'och 'a niwquil chon̈b' Hamat, tzex 'eml 'a chon̈b' Gat 'a yol yic eb' filisteo. ¿Tom yel xo niwn yel'ch eb' 'a quib'n̈ec? ¿Tom yel xo niwquil jun tzo'n̈ nacion̈ chi 'a yib'n̈ qui nacion̈ec tic? xe chi.

Dt 28:27

A Jehová 'oj yac' wal eyab' syal si'mb'il, 'icha 'ix yutj eb' 'aj Egipto. 'Oj q'ue quiscab' 'ayex, yaxc'a yab'il, ax spitzw chan̈ sno'l e niwnal, yet' q'uilj yab'il. Man̈x 'oj stac' eyan̈tn e b'a 'a jun tzo'n̈ yab'il cha.

Jueces 1:18

Palta ma'ix stac' yi'n 'ec' eb' yin̈tl Judá chi chon̈b' Gaza, Ascalón, Ecrón, yet' smasnil lum lum 'ay 'a yol yic junjn chon̈b' cha.

Jueces 14:19

Xlajw cha, 'ix japx Yespíritu Jehová 'a yib'n̈ Sansón, 'ix 'at sma'nc cham lajn̈schawinc eb' filisteo 'a chon̈b' Ascalón. 'Ix yi'n 'el spichl eb' cha, ax jun tzo'n̈ pichl chi xyac' stojloc eb' x'a'n spac jun tzo'n̈ paxti cha. Caw wal 'ay cot yowl si'mb'il yic 'ix pax 'a yatut smam.

Jueces 16:1

'Ix xit' Sansón 'a Gaza. Ata 'ix yil jun 'ix 'ajmul 'ix. 'Ix 'och 'a yol yatut 'ix, 'ix way win yet' 'ix 'a jun 'ac'wl cha.

Jueces 16:21

'Ix yamchj yuj eb' filisteo. Xlajw cha, xyi'n 'elt eb' yol sat, xyi'n 'at eb' 'a chon̈b' Gaza. Ata xya'ch eb' q'uen cadena nab'a bronce 'a 'a, xya'n 'och eb' 'a preso. Xya'n eb' 'ajxc munljoc 'a q'uen mulino 'a yol preso cha.

A Ch'an̈ B'ab'el Libro Samuel 5:1

A 'a Eben-ezer ata 'ix yij 'ec' eb' filisteo te scaxail strato Dios, axta xc'och yuj eb' 'a chon̈b' Asdod.

A Ch'an̈ B'ab'el Libro Samuel 5:10

Yuj cha, 'ix yi'n eb' filisteo chi te scaxail strato Dios cha, axta x'at ya'x can eb' te 'a chon̈b' Ecrón. Palta ax xyiln eb' 'aj chon̈b' cha, to xc'och te caxa chi ta', 'ix 'el yaw eb' yuj xiwlal, 'ix yaln eb' 'ixtic: 'Ix wul can wal te scaxail strato sDiosal Israel 'a qui calc tic, sec tzon̈ chamc am qui masnil yu'uj, xchi eb'.

A Ch'an̈ B'ab'el Libro Samuel 5:8

Yuj cha, 'ix 'at ya'nc eb' alxoc 'a eb' syajlil eb' filisteo cha, to tzyam sb'a eb' yic tzmol paxtin eb'. 'Ix yaln eb' 'a eb' 'ixtic: —¿Tas wal tzcutjec te scaxail strato sDiosal Israel? xchi eb'. —'Ijec te', tz'at eya'nc can te 'a chon̈b' Gat, xchi eb' yajl chi 'a eb'. Yuj cha, 'ix 'at ya'nc can eb' te 'a jun chon̈b' cha.

A Ch'an̈ B'ab'el Libro Samuel 6:4

—¿Tas wal wach' ca'n stojloc qui mul cha? xchi eb' 'anma cha. 'Ix yaln eb' ya'mal 'och sti eb' chi 'ixtic: —A tzyal sb'isl eb' syajlil eb' filisteo tic, 'ixta jun tzo'n̈ siylab' chi tzeyac'a, junjn 'a junjn eb', o'e q'uen oro tzeyac'a, 'icha wal yilx junc malel yab'il. Tzeya'n o'e'oc pax q'uen oro 'icha yilx no ch'o'ow, yujto an̈ec tic yet' eb' qui yajlil 'a qui cal, to tzon̈ 'ixtx yuj jun tzo'n̈ yailal cha.