A Ch'an̈ B'ab'el Libro Samuel 31:8 - Chuj San Sebastian Bible

⁸ Ax 'a junx c'u, 'ix 'at eb' filisteo chi 'at yi'c tastc 'a eb' israel 'ix chamcn 'a owl cha. Ax xyiln eb' t'ocn 'ec' Saúl yet' 'oxwn̈ eb' yunnal xcham 'a lum witz tzcuch Gilboa.

Chuj San Mateo Bible

⁸ Axo d'a junxo c'u, ix b'at eb' filisteo chi' yic'cot masanil tastac ay d'a eb' israel ix cham d'a oval chi', ix yilan eb' to b'alancan vin̈aj Saúl yed' eb' yuninal yoxvan̈il d'a scal jantac eb' soldado chamnacxo d'a lum vitz Gilboa.

A Ch'an̈ B'ab'el Libro Samuel 31:8 ပူးပေါင်းရင်းမြစ်များ

A Ch'an̈ Schab'l Libro Samuel 1:20

Man̈ eyal yab' eb' 'ay 'a chon̈b' Gat, man̈ eyal-l jun 'ab'x chi 'a yoltc scayeal chon̈b' Ascalón, sec wach' ma'oj tzaljoc chan̈ eb' 'ix filistea, sec wach' ma'oj b'atjoc chan̈ eb' 'ix chuc chon̈b'al chi yuj tzaljc'ojlal.

A Ch'an̈ Schab'l Libro Samuel 1:21

Man̈x cab' 'em n̈ab' yet' chicb'chan̈ 'a yib'n̈ eb' lum switzl Gilboa, man̈x 'a tas 'oj 'awxoc yic tz'ajx ofrendail. Man̈x 'oj stac' yawx eb' lu'um yujto ata x'och chamel. Ata xte'x can 'ejm jun tzo'n̈ tas tzmacn sat jul-lab' 'a eb' syajlil chon̈b' Israel. Ata 'ix can stzictznil jun q'uen tzmacn sat jul-lab' tzc'anlb'ej Saúl.

1 Cr 10:8

Ax 'a junx c'u, 'ix 'at eb' filisteo, spojn 'ec' eb' tastc 'ay 'a eb' xcham cha. 'Ix 'ilchj Saúl yuj eb' yet' eb' yunnal, t'ocn 'ec' eb' 'a lum jolm witz Gilboa, chamnc xo eb'.

2 Cr 20:25

Xlajw cha, 'ix 'at Josafat yet' eb' soldado ajun yet'oc, yic tz'at si'nc chan̈ eb' tastc xcan yuj eb' 'ajc'ojl xcham cha. 'Ix 'ilchj yamc'ab', pichul, yet' tas to chan̈ stojl yuj eb'. Yuj cha, til wal tas 'ix yij cot eb'. Palta 'ayt jun tzo'n̈ xo tas ma'ix tza'wni eb' yi'n coti. A jantcn̈ej tastc 'ix yij cot eb' cha, 'oxe c'u 'ix yac' eb' smolb'tzani, yujto caw niwan.

A Ch'an̈ B'ab'el Libro Samuel 28:4

Ax x'aji 'ix syam sb'a eb' filisteo, 'ix 'at eb' sb'o chan̈ scamplamento 'a Sunem. An̈jtona pax Saúl, 'ix ya'n syam sb'a smasnil eb' soldado, 'ix sb'o pax scamplamento 'a Gilboa.

A Ch'an̈ B'ab'el Libro Samuel 31:7

Ax yic xyab'n eb' israel cajn 'ec' 'a sc'axpil 'ec' span̈nil Jezreel, yet' eb' cajn 'a span̈nil sti 'a Jordán, chajtlto 'ix 'at eb' soldado israel 'eloc, ax Saúl yet' eb' yunnal 'ix chamcn pax eb', yuj cha, 'ix yactn can eb' schon̈ab', 'ix 'at pax eb' 'elc jun xo. Xlajw cha, ax eb' filisteo chi 'ix c'ochcn cajn 'a schon̈b' eb' cha.

A Ch'an̈ B'ab'el Libro Samuel 31:9

Yuj cha, 'ix stzu'n 'el eb' sjolm Saúl cha, 'ix yi'n pax 'ec' eb' syamc'ab' yic owal. Xlajw cha, 'ix ya'n 'at eb' yab'xil 'a smasnil yol yic eb' filisteo chi 'a junjn chon̈ab', yet' 'a yol yatutal scomn diosal eb'.