A Ch'an̈ B'ab'el Libro Samuel 31:1 - Chuj San Sebastian Bible

¹ 'Ix 'och eb' filisteo yac' owl yet' eb' israel, ax eb' soldado israel 'ix 'at eb' 'elc yuj eb'. Caw niwn eb' xchamcn 'a lum witz tzcuch Gilboa.

Chuj San Mateo Bible

¹ Ix och eb' filisteo yac' oval yed' eb' israel, ix el lemnaj eb' israel chi', tzijtum eb' ix cham d'a Gilboa.

A Ch'an̈ B'ab'el Libro Samuel 31:1 ပူးပေါင်းရင်းမြစ်များ

A Ch'an̈ Schab'l Libro Samuel 1:21

Man̈x cab' 'em n̈ab' yet' chicb'chan̈ 'a yib'n̈ eb' lum switzl Gilboa, man̈x 'a tas 'oj 'awxoc yic tz'ajx ofrendail. Man̈x 'oj stac' yawx eb' lu'um yujto ata x'och chamel. Ata xte'x can 'ejm jun tzo'n̈ tas tzmacn sat jul-lab' 'a eb' syajlil chon̈b' Israel. Ata 'ix can stzictznil jun q'uen tzmacn sat jul-lab' tzc'anlb'ej Saúl.

A Ch'an̈ Schab'l Libro Samuel 1:6

'Ix ta'w win quelm cha, xyaln 'ixtic: —C'uxn wal 'ayn 'ec' 'a lum jolm witz tzcuch Gilboa, ax xwilni n̈ojn xo q'ue Saúl chi 'a yib'n̈ slanza, tza'n pax sjaw eb' 'ajc'ojl chi yet' scaruaje yic owal, yet' eb' 'ay q'ue 'a yib'n̈ chej.

A Ch'an̈ Schab'l Libro Samuel 4:4

(A Jonatán win yunnal Saúl, 'ay jun yunnal can win tzcuch Mefi-boset. A win tic, man̈ wach'c yoc win schab'il. Yujto a yic o'e xo ab'il sq'uinal, 'ix cot yab'xil a Jezreel to a Saúl yet' Jonatán tox 'ix cham eb' 'a owal. Yuj cha, 'ix me'x chan̈ Mefi-boset yuj jun 'ix 'ajcuenta sc'uytzani, xlajw cha, x'at 'ix 'elc yet'oc. Palta yujto caw xyac' 'ix 'ip s'at 'elc yet'oc, 'ix yactn 'el 'ix win 'unn cha, yuj cha, 'ixta x'aj win sjuw cani.)

A Ch'an̈ B'ab'el Libro Samuel 12:25

Palta toto 'oj eyamx 'och e b'on tas tu', toto 'ixta', ax tic yet' jun qui reyl tic 'oj e satx'eli, xchi 'a eb'.

A Ch'an̈ B'ab'el Libro Samuel 28:1

A 'a yic jun tiempoal cha, 'ix yac' eb' filisteo syam sb'a eb' soldado, yic tzya'n eb' owl yet' eb' israel. 'Ix yaln win Aquis 'a David 'ixtic: —Ach tic, yowlal tzach 'at wet' 'a owal, yet' eb' soldado ajun et'oc, xchi.

A Ch'an̈ B'ab'el Libro Samuel 28:15

'Ix yaln Samuel 'a Saúl chi 'ixtic: —¿Tas yuj tzin extej, tzin awtn coti? xchi. —Xiwc'ojlal waji, yujto tzyac' eb' filisteo owl wet'oc, 'ix yij 'el sb'a Dios 'a in tz'ey. Man̈xtoc xta'w 'a tas tzwala, man̈xtzac ta'w 'a eb' schecab', yic tzin c'anb'n 'a eb', yet' pax 'a waychil. Yuj cha, tzach wawtni, yic tzaln 'ayin, tas yowlal 'oj in b'o', xchi Saúl 'a Samuel.

A Ch'an̈ B'ab'el Libro Samuel 28:19

A Jehová 'oj ach ya'ch 'a yol sc'ab' eb' filisteo yet' eb' quit chon̈ab', ax q'uic'an tzach jaw yet' eb' onnal wet' 'a scal eb' chamnc tic. Ax ya'n pax 'och Jehová eb' soldado israel 'a yol sc'ab' eb' filisteo cha, xchi Samuel cha.

A Ch'an̈ B'ab'el Libro Samuel 28:4

Ax x'aji 'ix syam sb'a eb' filisteo, 'ix 'at eb' sb'o chan̈ scamplamento 'a Sunem. An̈jtona pax Saúl, 'ix ya'n syam sb'a smasnil eb' soldado, 'ix sb'o pax scamplamento 'a Gilboa.

A Ch'an̈ B'ab'el Libro Samuel 29:1

'Ix yac' eb' filisteo syam sb'a smasnil soldado 'a lum Afec, ya' sb'a 'ayc' eb' israel 'a scamplamento 'a spac'b'a yic Jezreel.