A Ch'an̈ B'ab'el Libro Samuel 30:27 - Chuj San Sebastian Bible

²⁷ 'Ix ya'n 'at jun tzo'n̈ siylab' chi 'a eb' cajn 'a Bet-el, 'a Ramot 'a yol yic Neguev, 'a Jatir,

Chuj San Mateo Bible

^27-31 Ix yac'b'at juntzan̈ silab' chi' vin̈ d'a eb' cajan d'a Betel, d'a Ramot d'a yol yic Neguev, d'a Jatir, d'a Aroer, d'a Sifmot, d'a Estemoa, d'a Racal, d'a juntzan̈ schon̈ab'can vin̈aj Jerameel, d'a juntzan̈ schon̈ab' eb' ceneo, d'a Horma, d'a Corasán, d'a Atac, d'a Hebrón yed' d'a masanil lugar b'aj ec'nac vin̈ scol sb'a yed' eb' soldado.

A Ch'an̈ B'ab'el Libro Samuel 30:27 ပူးပေါင်းရင်းမြစ်များ

Gn 12:8

Xlajwn̈ej cha, 'ix cotxi, axta 'ix japx 'a eb' lum jolmctac witz 'a snan̈l chon̈b' Bet-el yet' chon̈b' Hai. Ata x'aj cajan. A chon̈b' Bet-el cha, ata 'ay 'a stojlal 'aj tz'em c'u. Ata 'ix sb'o junx yet'l xajmb'al, 'a 'aj tzyal sb'a 'a Jehová.

Gn 28:19

A 'a jun lugar cha, ata 'ay jun chon̈b' xon 'a pecti', tzcuch Luz, palta ax Jacob xjeln can sb'i, xya'n sb'ic Bet-el.

A Ch'an̈ B'ab'el Libro Yic Yab'ixal Eb' Rey 12:29

'Ix ya'n can jun yechl quelm wacx chi 'a chon̈b' Betel, ax junx xya'cn 'a chon̈b' Dan.

Josué 15:48

Lum swacc'ajil 'ay uxlche chon̈b' yet' yaldeail, atn eb' lum chon̈b' 'ay 'a jolmctac witz 'a stojlal sur: Atn Samir, Jatir, Soco, Dana, Quiriat-sana (atn pax tzcuch Debir), Anab, Estemoa, Anim, Gosén, Holón, yet' Gilo.

Josué 16:1

A lum lum 'ix yij eb' yin̈tl José, 'ix 'el yich lum 'aj tzq'uel c'u 'a a Jordán 'a 'aj tzpac' a a yic Jericó, tz'e'x 'a cusltac lum 'a jolmctac witz, tz'at 'a Jericó tzc'och 'a Bet-el.

Josué 16:2

A Bet-el, a pax tzcuch Luz 'a pecti', tz'e'x 'a slum eb' arquita, masnto 'a Atarot.

Josué 19:8

Lum yoxc'ajil atn smasnil jun tzo'n̈ chon̈b' yet' yaldeail masnto sc'och 'a Baalat-beer, atn pax tzcuch Ramat 'a yol yic Neguev. Atn lum tic xyique'ej eb' yin̈tl Simeón.

Josué 7:2

A yic 'ayc' Josué yet' eb' yit chon̈b' 'a Jericó, 'ix schecn 'at jaywn̈ eb' winc smaclc yil chon̈b' Hai, jun 'ay 'a stojlal 'aj tzq'uel c'u 'a chon̈b' Bet-el, 'a sla'nil pax chon̈b' Bet-avén. 'Ix yaln 'a ewinac, to tz'atq'ue ewin smaclc yil jun lugar cha. Yuj cha, 'ix 'at ewinac.

Josué 8:9

Xlajw cha, schecn 'at Josué eb' soldado cha, 'ix c'och eb' sc'ub'c 'el sb'a 'a snan̈l chon̈b' Bet-el yet' chon̈b' Hai. Ata xcan eb' 'a stojlal 'aj tz'em c'u 'a Hai cha. Ya sb'a cha, 'ix to can Josué junx 'ac'wl 'a camplamento.