A Ch'an̈ B'ab'el Libro Samuel 30:17 - Chuj San Sebastian Bible

¹⁷ Ax xc'och David yet' eb' ajun yet' 'a 'aj 'ayc' ewin 'elc'm cha, 'ix syamn 'och eb' ya'n owl yet' eb' 'a sq'uin̈b'ial masnto 'a yemc'ul 'a junx c'u, 'ix cham eb' 'elc'm chi smasnil. Cojxn̈ej chan̈e ciente quelm winc xq'ue 'a yib'n̈ no cameyo 'ix 'at eb' 'eloc.

Chuj San Mateo Bible

¹⁷ Icha chi' ix aj sc'och vin̈aj David chi' b'aj ayec' eb' chi'. Axo d'a junxo c'u ayic mantzac sacb'i, ix syamanoch vin̈ yac'an oval yed' eb' masanto ix em c'u. Man̈xo junoc eb' ix cani, axon̈ej chan̈e' ciento eb' quelemtac ix q'ue d'a yib'an̈ scamello, ix b'at eb' elelal.

A Ch'an̈ B'ab'el Libro Samuel 30:17 ပူးပေါင်းရင်းမြစ်များ

A Ch'an̈ Schab'l Libro Samuel 1:1

Chamnc xo Saúl yic 'ix ya'n ganar David eb' amalecita 'a owal. Xlajw cha, 'ix meltzj David, axta 'ix jaw 'a Siclag.

A Ch'an̈ Schab'il Libro Yic Yab'ixal Eb' Rey 7:5

A yic 'ix 'em nummoc sq'uic'b'i, 'ix q'ue wan eb', 'ix 'at eb' 'a scamplamento eb' sirio cha. Ax yic 'ix c'och eb', 'ix yiln eb' man̈x 'a junc mach 'ayq'ui.

1 Cr 4:43

A eb' chi 'ix 'a'n lajwc 'el eb' amalecita cajnto 'ec' ta'. Ax eb' xcann̈j cajn ta'.

Salmos 18:42

Caw choc' x'aj eb' wu'uj. 'Icha wal pococ, 'ixta 'ix 'aj yijx 'at eb' yuj 'ic'. 'Ix in te'cn 'ejm eb' 'a sat lu'um, 'icha wal tz'aj ste'x can 'ejm b'i'ch 'a yoltc b'e.

Jeremías 41:15

Palta ax Ismael yet' wajxcwan̈ xo eb' ajun yet'oc, 'ix 'at eb' 'eloc, axta xc'och eb' 'a chon̈b' Amón.

Jueces 4:16

Ax win Barac, spech win eb' soldado win Sísara yet' pax eb' 'et'jnac q'uen q'uen caruaje cha, masnto xc'och eb' 'a Haroset-goim. C'uxn xcham eb' soldado chi smasnil ta', man̈x 'a junc eb' xcani.

Jueces 7:12

A eb' madianita cha, eb' amalecita yet' jun tzo'n̈ xo eb' cajn 'a stojlal 'aj tzq'uel c'u, 'ix puc eb' 'a lum pan̈n 'a'lic chi 'icha no c'ulub'. Til wal scameyo eb', man̈x b'ischjb'enoc e no 'icha yarenail sti a mar.

A Ch'an̈ B'ab'el Libro Samuel 11:11

Ax 'a junx c'u 'a yic 'ayt sacb'i, yic q'ui'to, 'ix syamn 'och Saúl spojn 'el eb' soldado, 'ox c'aj xyutj 'el eb'. 'Ayt wal sacb'i, xc'och eb' 'at smil cham eb' amonita cha, masnto 'a yic x'och chimc'ual. Ax eb' ma'ix chami, sactzicnac s'at eb' 'eloc, may 'ajtil yamn 'ix 'ajcn chawn̈oc eb'.

A Ch'an̈ B'ab'el Libro Samuel 15:3

Yuj cha, 'ixic, 'ij 'at eb' soldado et'oc, tz'at eya'n owl yet' eb' amalecita cha. Tze satl smasnil tas 'ay 'a eb'. Man̈ 'o'ch e c'ojl 'a eb'. Tze milcn cham eb' winac, eb' 'ix 'ix, eb' 'unin, eb' tz'ulc 'unn tzat 'alji, no wacax, no calnelu, no cameyo yet' pax no b'uru, xchi Samuel.