A Ch'an̈ B'ab'el Libro Samuel 3:19 - Chuj San Sebastian Bible

¹⁹ 'Ix q'uib' Samuel, ax Jehová caw xcolwjn̈ej yet'oc, yuj cha, may wal junc spaxti chi ma'ix yac' 'el'choc.

Chuj San Mateo Bible

¹⁹ Yacb'an van sq'uib' vin̈aj Samuel chi', a Jehová ayn̈ejoch yed' vin̈. Masanil lolonel syal vin̈ tz'eln̈ejc'ochi.

A Ch'an̈ B'ab'el Libro Samuel 3:19 ပူးပေါင်းရင်းမြစ်များ

Gn 21:22

Atn 'a yic jun tiempoal cha, 'ix 'at Abimelec paxtinc yet' Abraham, ajun win Ficol yet'oc, sat yajl yaj 'a scal eb' soldado. Ax Abimelec 'ix yaln 'a Abraham 'ixtic: —Xwila to a Dios 'aych et' 'a smasnil tas tza b'o'o.

Gn 28:15

'Aynn̈ej 'och et'oc, ax ach in tan̈wni pax 'a 'ajtil 'oj eq'ui, ax ach wi'n meltzjoc 'a lum lum tic jun 'ejm xo. May wal b'a'n̈ 'oj ach wactcani. 'Oj in yicl 'icha xwutj wa'n in ti 'ayach, xchi Dios 'a swaych Jacob cha.

Gn 39:2

Palta a Jehová a 'aych yet' José, yuj cha, caw jeln x'aj 'el'chi yic 'ayc' 'a yatut spatron̈ cha.

Gn 39:3

'Ix nachj 'el yuj win patron̈ cha, to caw 'aych Jehová yet' win quelm cha, yuj cha, wach' tz'el'ch smasnil tas tzb'o winac.

A Ch'an̈ B'ab'el Libro Yic Yab'ixal Eb' Rey 8:56

¡Alx cab' wach' paxti 'a Jehová, yujto xyac' junc'ojlal 'ayn̈ec, 'icha wal yaj yaln cani! Smasnil jun tzo'n̈ tas yaljnac can 'a Moisés, atn jun schecab', caw x'el'ch smasnil, may junc ma'ix 'el'chi.

A Ch'an̈ Schab'il Libro Yic Yab'ixal Eb' Rey 10:10

A ticnec, tzcham wal eyojcan 'eli, to a smasnil tas yaljnac can 'el Jehová 'a yib'n̈ eb' yin̈tl Acab, may junc tas ma'oj 'el'choc. Wan yel'ch smasnil tas yaljnac can Jehová 'a sti jun schecab', atn Elías, xchi Jehú.

A Ch'an̈ Schab'il Libro Yic Yab'ixal Eb' Rey 15:12

'Ixtnta 'ix 'aj yel'ch tas 'ix yal Jehová 'a win rey Jehú, yic 'ix yalni, to a eb' yin̈tl 'oj 'em wocn 'a sdespacho ya'n reyl 'a chon̈b' Israel, masnto 'a schan̈ macn̈il yin̈til.

A Ch'an̈ Schab'il Libro Yic Yab'ixal Eb' Rey 22:16

to a Jehová a tzaln 'ixtic: An 'oj wa' cot yailal 'a yib'n̈ eb' 'anma cajn 'a jun chon̈b' tic, atn tas tzyal ch'an̈ libro 'ix yawtj jun sreyl Judá cha.

Is 43:2

A yic 'oj eyec' 'a yojl a mar, mto yic 'oj e c'axb'toc a niwc a tzb'eyi, ma'oj e jic' a'. A yic 'oj eyec' 'a scal c'ac', ma'oj e tz'a'i, yujto 'ayn 'ec' eyet' ta'.

Is 44:26

Palta an tic, tzwac' 'el'choc tas tzyal eb' in checab', sec wach' tz'aj 'el'ch tas tzyal eb' cha. An 'oj walxi ax scajx pax Jerusalén jun 'ejm xo, ax eb' lum chon̈b' juwnac can 'a yol yic Judá, 'oj 'ajxoc b'o eb' jun 'ejm xo. An 'oj wala', ax sb'ox eb' jun 'ejm xo 'a yet'l 'aj juwnac cha.

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

Lc 1:28

'Ix 'ochch jun ángel chi 'a 'aj 'ayc' 'ix, 'ix yaln 'ixtc 'a 'ix: —Tzaljan̈, yujto caw xajn ach yuj Cajlil. A Dios 'aych et'oc. Yel xo wal niwn swach'c'ojlal xyac' 'aych 'a yib'n̈ smasnil eb' et 'ixal, xchi.

Lc 1:80

Ax jun 'unn cha, 'ix q'uib'i, x'och snab'en, 'ix c'och cajn 'a cusltac lu'um, masnto xc'och sc'ual, yic sch'oxn 'el sb'a 'a eb' yit israelal.

Lc 2:40

Ax jun tz'ulc 'unn cha, 'ix q'uib'i, x'och yip, 'ix jelnb'i. Ax Dios til wal swach'c'ojlal sch'ox 'a 'a.

Lc 2:52

Ax Jesús cha, an̈ja sq'uib'i, tzq'uib' pax snab'en. Caw tzalj Dios yet'oc, tzalj pax eb' 'anma yet' jun xo.

2 Co 13:11

Al ticnec ex wu'tac, ex wanab', 'ay cab' e tzaljc'ojlal ta'. Caw tze wach' b'oj e nab'en, 'ayx cab' e niwnc'ojlal. Junxn̈ej tzlaj eyutc e nab'en, junc'ojlal xoj tzlaj eyutc e b'a ta'. A Dios, 'a'm junc'ojlal, 'a'm pax chamc'ojlal, a 'oj 'och eyet'oc.

2 Co 13:14

Ya' cab' Cajlil Jesucristo swach'c'ojlal 'ayex, tzya'n pax Dios schamc'ojlal 'ayex. 'Aychn̈ej cab' Yespíritu Dios eyet'oc. [Ya' cab'i'.]

Dt 18:22

Toto a jun checb' cha, wan yaln jun tzo'n̈ paxti chi 'a in b'i an Jehová in, q'uinloc matz 'el'ch paxi, atn jun chi tzch'oxn 'eli to man̈oc in tzwala, mun tzb'an̈ sb'a yaln sch'ocoj. A jun cha, man̈ ex xiw 'a 'a, xchi Dios, xchi Moisés.

2 Ti 4:22

Tzin nib'j 'aych Cajlil Jesucristo et'oc. Ya' cab' Dios swach'c'ojlal 'ayx e masnil ta'. [Ya' cab'i'.]

Josué 21:45

C'uxn 'ix 'el'ch smasnil 'aj ya'jnac Jehová sti 'a eb' israel cha.

Jueces 13:24

'Ix c'och stiempoal yalj yune 'ix 'ix cha, xya'n 'ix sb'ic Sansón. 'Ix q'uib' win 'unn cha, xya'n Jehová swach'c'ojlal 'a yib'an̈.

A Ch'an̈ B'ab'el Libro Samuel 10:7

A yic 'oj elnc jun tzo'n̈ tic, tza b'on tas 'oj yac' Dios a b'o', yujto a 'oj colwjoc et'oc.

A Ch'an̈ B'ab'el Libro Samuel 12:2

A ticnec, yaj win e reyl tic 'oj eyi'nb'eyoc. An tic caw 'ichm in xo, caw sacx in jolom, palta a eb' wunnal 'ayc' eb' eyet'oc. An tic ex wijb'eyoc, 'a yictax quelm in masnto 'a jun c'u tic.

A Ch'an̈ B'ab'el Libro Samuel 16:18

'Ix yaln jun 'a scal eb' schecb' chi 'ixtic: —'Ay wal jun win wojtac. Caw jeln win syucn te arpa cha, yunnal win Isaí winac. Ata cajn 'a Belén. Caw jeln winac, yojc ya'n owal. Caw wach' pax yilx 'ochi, jeln spaxtini, 'aychn̈ej Jehová yet'oc, xchi.

A Ch'an̈ B'ab'el Libro Samuel 18:12

Yuj cha, caw tzxiw Saúl 'a David yujto caw tzcolwj Jehová yet'oc, palta man̈xtzac colwj yet' Saúl cha.

A Ch'an̈ B'ab'el Libro Samuel 18:14

Yujto caw 'aychn̈ej Jehová yet' David, tzya'n̈j ganar 'a smasnil tas tzb'o'o.

A Ch'an̈ B'ab'el Libro Samuel 18:5

Caw wach'n̈j x'aj 'el'ch smasnil tas 'ix 'ajx sb'o David yuj Saúl, yuj cha, xya'n 'och win syajlilc jun macn̈ eb' soldado caw 'a'm owal. Caw wal stzalj eb' 'anma yet' David cha, an̈jtona pax eb' yit yajlil win Saúl cha, caw stzalj eb' yet'oc.

A Ch'an̈ B'ab'el Libro Samuel 2:21

Ax Jehová xyac' swach'c'ojlal 'a yib'n̈ 'ix Ana, 'ix 'alj 'oxwn̈ swinc 'unin yet' chawn̈ 'ix 'unin. Ax win Samuel 'ipn sq'uib' win 'a scajnub' Jehová.

A Ch'an̈ B'ab'el Libro Samuel 2:26

Ax win quelm Samuel 'ipn sq'uib'i, caw wach' snab'en 'a sat Dios yet' 'a sat eb' 'anma'.

A Ch'an̈ B'ab'el Libro Samuel 9:6

'Ix ta'w win moso chi 'a 'ixtic: —A 'a jun chon̈b' tic, 'ay jun win schecb' Dios caw wal 'ay yel'ch 'a sat eb' 'anma'. Smasnil tas tzyal-li, tz'el'chn̈ej. Con̈ 'at qui say quil winac. Lemb'il tzyal win 'ayon̈, tas tzon̈ 'aji, xchi winac.