A Ch'an̈ B'ab'el Libro Samuel 3:17 - Chuj San Sebastian Bible

¹⁷ 'Ix sc'anb'n Elí chi 'ixtc 'a 'a: —¿Tas 'ix yal Jehová 'aych q'uiq'ui? Tzin tew 'ayach, may cab' tas tza c'ub'j 'el 'ayin. Ya' cab' Dios a yailal si'mb'il, toto matz al smasnil tas xyal 'aych cha, xchi.

Chuj San Mateo Bible

¹⁷ Ix sc'anb'an vin̈aj Elí chi' d'a vin̈ icha tic: —¿Tas ix yal Jehová d'ayach? Elocab' d'a a c'ool to malaj junoc tas ol a c'ub'ejel d'ayin. Aocab' Jehová chi' ol ac'an a yaelal tato ay junoc ol a c'ub'ejel d'ayin, xchi vin̈.

A Ch'an̈ B'ab'el Libro Samuel 3:17 ပူးပေါင်းရင်းမြစ်များ

A Ch'an̈ Schab'l Libro Samuel 14:18

'Ix ta'w win rey chi 'a 'ix 'ixtic: —A ticnec, tzin tew 'och 'ayach, tzin nib'ej to may tas 'oj a c'ub'c 'el 'ayin, yuj tas 'oj in c'anb'c 'ayach, xchi winac. Xta'w 'ix 'a win 'ixtic: —Al mamin rey, tas tza nib'j a c'anb'oc, xchi 'ix.

A Ch'an̈ Schab'l Libro Samuel 19:13

'Ix yal David cha, to tz'at alxc 'a win Amasa 'ixtic: Ach tic, quicanto qui b'a et'oc, yuj cha, a yic 'oj b'ey 'a cojltac tic, ach tzach 'och syajlilc eb' in soldado sjelc Joab. Toto matz tz'el'ch tas tzwal tic, jaw cab' yailal 'a wib'n̈ yuj Dios, xchi David cha.

A Ch'an̈ Schab'l Libro Samuel 3:35

Xlajw cha, xjaw smasnil eb' chon̈b' 'a David, 'ix tew 'och eb' 'a 'a, sec tzwa jab'oc, ya' sb'a mantzac 'em c'u, palta xya'n David sti', xyaln 'ixtic: —A cab' Dios tz'a'n 'och yailal 'a wib'n̈ si'mb'il, toto tzin wa'i, mto tzin c'ux junc tas 'a yic mantzac 'em c'u, xchi.

A Ch'an̈ Schab'l Libro Samuel 3:9

Ya' cab' cot Jehová yailal 'a wib'n̈ si'mb'il, toto matz wa'ch in b'a yet' David yic tz'el'ch 'icha yutjnac Jehová ya'n can sti 'a 'a.

A Ch'an̈ B'ab'el Libro Yic Yab'ixal Eb' Rey 22:16

—Til wal 'ejm xwal 'ayach, to a tas yel a chi tzal 'ayn 'a sb'i Jehová, xchi win rey cha.

A Ch'an̈ Schab'il Libro Yic Yab'ixal Eb' Rey 6:31

Xlajw cha, 'ix yaln win 'ixtic: ¡Cotcn cab' yowl sc'ojl Dios 'a wib'an̈, toto matz wac' 'ijxoc 'el sjolm Eliseo, yunnal Safat 'a jun c'u tic! xchi win rey cha.

Salmos 141:5

Palta q'uinloc a junc 'anma wach' snab'en tzin ma'n yet' tz'u'um, mto tzin stumej, a jun cha, caw wach' 'ayin. Yujto lajn 'icha junc perjuma tzlab'b'i tz'ajq'ue 'a in jolom. Palta tzin leslwin̈ej sec tz'och wan eb' maysch'olnil sb'on tas tu'.

Jeremías 38:14

In ya'n win rey Sedequías chi 'ijxoc cot 'a yojltac, masnto 'a yoxl spuertail yatut Jehová. Ata 'ix yal win rey chi 'ayn 'ixtic: —'Ay jun tas 'oj in c'anb'c 'ayach, tzin nib'ej to caw wach' 'oj otc a pacn 'ayin, xchi winac.

Jeremías 42:4

In ta'w 'a eb' 'ixtic: —Inye, 'oj in tew 'a Jehová qui Diosalec chi eyu'uj, 'icha wal xeyutj e c'ann 'ayin. A tas 'oj yutc ta'wc sb'a Jehová 'ayin, 'ixta pax 'oj wutc waln 'ayex. May junc tas 'oj in c'ub'c 'eli, xin chi 'a eb'.

Dn 4:19

Yuj cha, ax Daniel tzcuch pax Beltsasar, sictac 'ix 'aj snan jun rato, caw somchj snab'en yuj jun cha. Palta 'ix waln 'ixtc 'a 'a: Beltsasar, man̈ ach 'och 'il yuj jun in waych cha, yet' pax yuj tas tzyal 'el'chi, xin chi. 'Ix ta'w Beltsasar chi 'ixtc 'ayin: ¡'Ay, mamin rey, comnoc wal a 'a yib'n̈ eb' 'ajc'ojl yajch 'ayach, comnoc ata 'oj 'em tas tzyal 'el'ch jun a waych cha!

Miqueas 2:7

Toc catb'tzab'il an̈ yin̈tl on̈ Jacob tic. ¿Tom xlajw sniwnc'ojlal Dios, yuj cha, 'ixta wal 'oj on̈ yutquec? xchi eb'. Yuj cha, tzyaln Jehová 'ixtic: Yel toni, wa'jnac in ti', to wach'n̈j tzwutj in b'a, palta cojn 'a eb' caw tojl tzyutj sb'eyb'al.

Nm 23:17

'Ix meltzj Balaam 'a 'aj 'ix 'at cha, ax yic xjapx 'a Balac, lin̈n 'och 'a stz'ey jun tzo'n̈ xajmb'al cha, oyn 'och eb' yichm wincal chon̈b' Moab 'a stz'ey. Yajn̈j wal cha, sc'anb'n Balac 'ixtic: —¿Tas wal xyutj Jehová yaln 'aych jun? xchi.

Mt 26:63

Palta caw sictacn̈ej yaji. Yuj cha, xyaln pax win 'ixtc 'a 'a: —Al 'ayn̈ on̈ toto Cristo ach, toto yel yunnalch Dios, yowlal tzal 'a sat Dios pitzan, xchi win 'a 'a.

Rt 1:17

A wal 'aj 'oj a chami, ata pax 'oj in chami, ata tzin nib'j tzin mucxi. Ya' cab' Jehová in yailal, toto tzach wactj cani, masnto a chamel a 'oj pojnc qui nan̈l et'oc, xchi 'ix.

A Ch'an̈ B'ab'el Libro Samuel 14:44

—Ya'ch cab' Dios junc niwquil yailal 'a wib'an̈ toto ach tic, ma'oj a chami, xchi Saúl.

A Ch'an̈ B'ab'el Libro Samuel 20:13

Palta toto a 'in mam cha, tu tas tzna 'a eb'an̈, a cab' Jehová tz'a'n 'och junc niwquil yailal 'a wib'an̈ toto matz wal ab'i', yic tza coln a b'a. A cab' Jehová tz'och et'oc 'icha wal x'aj yoch yet' in mam.

A Ch'an̈ B'ab'el Libro Samuel 25:22

A cab' Dios tz'a'n 'och in yailal, toto pitznto Nabal mto junc xo winc 'a scal eb' yican wuj yab'n 'ixtc q'uic'an, xchi.

A Ch'an̈ B'ab'el Libro Samuel 3:16

Palta 'ix yawtj 'at Elí 'a stz'ey, 'ix yaln 'a 'ixtic: —Samuel, xchi. —Waj 'a tic, xchi winac.