A Ch'an̈ B'ab'el Libro Samuel 3:12 - Chuj San Sebastian Bible

¹² A 'a jun c'u cha, c'uxn 'oj wac' 'el'choc smasnil tas 'ix wal 'a yib'n̈ eb' yunnal Elí.

Chuj San Mateo Bible

¹² A d'a jun c'u chi', ol elc'och masanil ix valcan d'a yib'an̈ vin̈aj Elí yed' masanil yin̈tilal.

A Ch'an̈ B'ab'el Libro Samuel 3:12 ပူးပေါင်းရင်းမြစ်များ

Ez 21:5

Ax yojcan 'el smasnil 'anma', to an Jehová in, an tzwij q'uet wespada 'a yol yet'ul, mant 'oj in molx wespada cha, xchi Dios, xa chi 'a eb'.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.

Nm 23:19

A Dios man̈ lajnoc 'icha eb' 'anma'. Matz yac' 'es, matz jel snab'en. Toto 'ay junc tas tzyala, tz'el'chn̈ej yu'uj. May 'aj tz'ec' tas tzyala.

Lc 21:33

'Oj lajwc 'ec' satcha'an̈, yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Josué 23:15

Palta 'icha wal x'aj yel'ch smasnil tas wach' 'aj ya'jnac can sti ya'n 'ayn̈ec, 'ixta pax 'oj yutc ya'n cot smasnil yailal 'a eyib'an̈, masnto 'oj e satl e masnil 'a sat lum lum caw wach' 'ix yac' 'ayn̈ec.

Jueces 4:24

'Ix syamnn̈ej 'och eb' ya'n owl yet' winac, masnto x'em win yuj eb' israel cha.

A Ch'an̈ B'ab'el Libro Samuel 4:11

'Ix yi'n can 'ec' eb' filisteo chi te scaxail strato Dios, ax chawn̈ eb' yunnal Elí, 'ix chamcn eb' yuj owl cha, atn win Ofni yet' win Finees.

A Ch'an̈ B'ab'el Libro Samuel 4:17

'Ix ta'w win alm 'ab'x chi 'ixtc 'a 'a: 'Ix cot eb' quit israelal 'elc 'a eb' filisteo. Til wal 'anma xchami. 'Ix cham pax eb' onnal schawn̈il, atn win Ofni yet' win Finees. An̈jtona 'ix 'e'cn te scaxail strato Dios yuj eb' 'ajc'ojl cha, xchi.

A Ch'an̈ B'ab'el Libro Samuel 4:21

Ax jun 'unn cha, 'ix ya'n 'ix sb'ic Icabod. Xyaln 'ix 'ixtic: A ticnec 'ix 'ijx 'ec' sb'inab'ilal chon̈b' Israel, yujto 'ix 'ec' te scaxail strato Dios, xchi 'ix, yujto xcham win yalb' 'ix yet' win yichmil 'ix cha.

A Ch'an̈ B'ab'el Libro Samuel 4:22

Yuj cha, 'ix yalni chajtlto x'ijx 'ec' sb'inab'ilal chon̈b' Israel, yujto x'ijx 'ec' te scaxail trato cha.