A Ch'an̈ B'ab'el Libro Samuel 29:11 - Chuj San Sebastian Bible

¹¹ 'Ixta x'aj smeltzj David yet' eb' winc ajun yet' 'a slugar 'ac'b'il yuj eb' filisteo cha, ax eb' filisteo cha, 'ix 'atcn eb' 'a Jezreel.

Chuj San Mateo Bible

¹¹ Yuj chi' a d'a junxo q'uin̈ib'alil chi', ix meltzaj vin̈aj David chi' yed' eb' soldado d'a schon̈ab' eb' ac'b'il. Axo eb' filisteo chi' ix q'uecan eb' d'a Jezreel.

A Ch'an̈ B'ab'el Libro Samuel 29:11 ပူးပေါင်းရင်းမြစ်များ

A Ch'an̈ Schab'l Libro Samuel 4:4

(A Jonatán win yunnal Saúl, 'ay jun yunnal can win tzcuch Mefi-boset. A win tic, man̈ wach'c yoc win schab'il. Yujto a yic o'e xo ab'il sq'uinal, 'ix cot yab'xil a Jezreel to a Saúl yet' Jonatán tox 'ix cham eb' 'a owal. Yuj cha, 'ix me'x chan̈ Mefi-boset yuj jun 'ix 'ajcuenta sc'uytzani, xlajw cha, x'at 'ix 'elc yet'oc. Palta yujto caw xyac' 'ix 'ip s'at 'elc yet'oc, 'ix yactn 'el 'ix win 'unn cha, yuj cha, 'ixta x'aj win sjuw cani.)

A Ch'an̈ B'ab'el Libro Samuel 25:43

An̈jtona', xyi'n pax David chi 'ix Ahinoam 'aj Jezreel, 'ix 'och eb' 'ix yistloc win schawn̈il.

A Ch'an̈ B'ab'el Libro Samuel 29:1

'Ix yac' eb' filisteo syam sb'a smasnil soldado 'a lum Afec, ya' sb'a 'ayc' eb' israel 'a scamplamento 'a spac'b'a yic Jezreel.

A Ch'an̈ B'ab'el Libro Samuel 29:10

Yuj cha, at q'ui'n 'a sq'uin̈b'il tzach meltzji, yet' ewin schecb' win ajlil ajun et' tic, cojn tzsacb'eli, tzex 'ati, xchi win 'a eb'.

A Ch'an̈ B'ab'el Libro Samuel 30:1

Ax 'a schab'jial, 'ix c'och David 'a Siclag yet' eb' winc ajun yet'oc. Ax xiln eb' tox 'ix 'ec' eb' amalecita yelc' 'at smasnil tastc 'a yol yic Neguev yet' 'a Siclag cha. 'Ix yi'n 'at eb' smasnil tas, sn̈usn can eb' jun chon̈b' cha.