A Ch'an̈ B'ab'el Libro Samuel 28:23 - Chuj San Sebastian Bible

²³ A Saúl ma'ix yal sc'ojl xwa'i, ax eb' schecab', yet' jun 'ix cha, 'ix yac' pural eb' swa'i. 'Ix schan sc'ojl Saúl cha. 'Ix q'ue wa'an, xlajw cha, 'ix 'em chotn 'a sti jun ch'at.

Chuj San Mateo Bible

²³ Maj yal-laj sc'ol vin̈ ix va'i, palta axo eb' vin̈ schecab' vin̈ ajun yed'oc yed' jun ix ix chi', a eb' ix ac'an pural vin̈ sva'i. Ichato chi' ix q'ue van vin̈, ix em c'ojan vin̈ d'a sti' jun ch'at.

A Ch'an̈ B'ab'el Libro Samuel 28:23 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:4

Xlajw cha, 'ix pax win Acab 'a yatut, tzcus winac, caw wal tzowx sc'ojl yuj tas xyal win Nabot cha. Yuj cha, a yic 'ix c'och 'a yatut cha, 'ix 'ec' t'ocn 'a sat sch'at, ax 'a yich n̈a chi 'ix 'och q'uelan, ma'ix yal sc'ojl win xwa'i.

A Ch'an̈ Schab'il Libro Yic Yab'ixal Eb' Rey 4:8

'Ay jun c'ual 'ix 'ec' Eliseo 'a chon̈b' Sunem, ata 'ay jun 'ix 'ix caw wal rico si'mb'il, 'ix yac' pural 'ix win Eliseo chi swa yet' 'a yatut. Yuj cha, ax yic tz'ec' 'a jun lugar chi 'a junjn 'ejem, tz'e'n̈j wac 'a yatut 'ix.

A Ch'an̈ Schab'il Libro Yic Yab'ixal Eb' Rey 5:13

Palta ax eb' schecab', 'ix snitzn 'ochch sb'a eb' 'a stz'ey, 'ix yaln eb' 'ixtc 'a 'a: —Mamin, toto 'ay wal junc xo tas caw ya 'ix yal win schecb' Dios tic 'ayach, ¿tom ma'oj a b'o jun? Oc xo jun, cojn 'ix yala to tza b'icl a b'a, ax a b'ox cani, xchi eb' 'a 'a.

Ester 1:6

A jun 'amc' cha, wach'x yaj sb'o yet' jun tzo'n̈ te nip wach' yilxi, te sac yet' te q'uic'mucnac. Ax te púrpura 'aych sch'an̈loc, locb'il chan̈ te yuj jun tzo'n̈ sloclab'il nab'a plata. Ax yoyl yamjnac cha'an̈, nab'a mármol yaj sb'o'i. An̈jtona pax xilail, 'aych pax oro yet' plata 'a 'a. Ax 'a sat jun 'amc' cha, latz'b'il 'ejm q'uen q'uen man̈x jantcoc swach'l yilxi, atn q'uen mármol, q'uen alabastro yet' q'uen jacinto.

Pr 25:20

A yic tzb'itnax junc b'it eyab'i', yic 'ayx 'och 'a eyailal, lajn wal syal tzeyab' 'icha yic tz'ajx 'och vinagre 'a sat junc lajwel, mto 'icha yic tzijx 'el qui pichul yic 'ay si'ic.

Ez 23:41

Xlajw cha, x'em wocn eb' 'ix 'a sti sch'at, wach'x pax yaj sb'o jun te mexa yet' tas tzc'uxxi. A 'a sat mexa cha, ata xyac' 'ejm eb' 'ix jun incienso yet' jun aceite to wic yaji.

Lc 14:23

Yuj cha, xyaln pax win spatron̈ chi 'ixtc 'a 'a: A ticnec, 'ixc 'a jun tzo'n̈ xo caye, yet' 'a jun tzo'n̈ xo b'e. 'At 'ac' pural eb' laj e'n coti, sec wach' 'oj b'ut'joc 'el yol watut tic yuj eb'.

Lc 24:29

Palta xyac' pural eb' syamn 'och wa'an, 'ix yaln eb' 'ixtc 'a 'a: —'Ochn̈ wan quet' on̈, yujto wan yejm c'u, wan sq'uic'b'i, xchi eb' 'a 'a. Yuj cha, x'och Jesús 'a yol n̈a, 'ix 'och wan yet' eb' ta'.

A Tas Sc'ulejnac Eb' Schecab' Jesús Hechos 16:15

Yuj cha, xya'n 'ajxc bautisar sb'a 'ix, yet' jantcn̈ej eb' jun yaj yet' 'a yol yatut. Xlajw xoj cha, xyaln 'ix 'ayn̈ 'ixtc on̈: —Toto tze na'a, to yel tzwa'ch in c'ojl 'a Cajlil, 'ochn̈ec 'a yol watut. Wach' tzex 'aj ta', xchi 'ix 'ayn̈ on̈. Caw xtew 'och 'ix 'ayn̈ on̈, yuj cha, on̈ 'och wan ta on̈.

2 Co 5:14

A schamc'ojlal Cristo tz'a'n yajlil 'ayn̈ on̈. Yujto cojc on̈, 'ay jun xcham qui jelc qui masnil. Yuj cha, qui masnil 'icha to chamnc on̈c yet'oc.

A Ch'an̈ B'ab'el Libro Samuel 28:22

Tzin tew 'ayach, 'ab' tas 'oj wala': 'Oj ach wac' wa'oc, sec 'oj 'ochx ep, 'ixta to b'i'an ax a 'atxi, xchi 'ix 'a 'a.