A Ch'an̈ B'ab'el Libro Samuel 28:20 - Chuj San Sebastian Bible

²⁰ A yic 'ix yab'n Saúl jun cha, yajn̈j cha 'ix telwi, 'ix can t'ocn 'a sat lu'um. Caw 'ix xiw yuj tas 'ix yal Samuel 'a 'a. 'Ix 'el yip, yujto may jac tas sc'ux 'a jun c'u cha, yet' 'a jun 'ac'wl yic xb'eyi.

Chuj San Mateo Bible

²⁰ Ayic ix yab'an vin̈aj Saúl chi' icha chi', ix telvi vin̈, ix b'at val lian vin̈ d'a sat luum. Ix te xiv vin̈ yuj tas ix yal vin̈aj Samuel chi'. Ix te el yip vin̈ yujto maj valaj vin̈ d'a jun c'u chi' yed' d'a jun ac'val yic ix b'at vin̈ d'a yoltac b'e.

A Ch'an̈ B'ab'el Libro Samuel 28:20 ပူးပေါင်းရင်းမြစ်များ

Job 26:2

Caw wal niwn tzach colwj 'ayn tzwab'i, yujto an tic, caw wal tz'el'ch wip yuj in yailal.

A Ch'an̈ B'ab'el Libro Samuel 25:37

Ax 'a sq'uin̈b'il 'a junx c'u cha, yic tox xb'ox sc'ojl Nabal yuj te 'an̈ cha, 'ixta to b'i'an 'ix yaln 'ix Abigail tas 'ix uji. Yuj cha, 'ix 'och jun yab'il tzcuch derrame 'a win Nabal, 'ix sic'b' can 'el sniwnal.

A Ch'an̈ B'ab'el Libro Samuel 28:19

A Jehová 'oj ach ya'ch 'a yol sc'ab' eb' filisteo yet' eb' quit chon̈ab', ax q'uic'an tzach jaw yet' eb' onnal wet' 'a scal eb' chamnc tic. Ax ya'n pax 'och Jehová eb' soldado israel 'a yol sc'ab' eb' filisteo cha, xchi Samuel cha.

A Ch'an̈ B'ab'el Libro Samuel 28:21

A yic xyiln jun 'ix chi win Saúl cha, to somchjnacx 'el snab'en, 'ix yaln 'ix 'a win 'ixtic: An a checb' in tic, xin yiclj smasnil tas xala, wach'xam 'ay smay in cham yuj tas xin b'o tic.

A Ch'an̈ B'ab'el Libro Samuel 28:5

A yic 'ix yiln 'at Saúl to caw 'ay yip eb' filisteo, caw 'ix xiwi, 'ix somchj 'el snab'en.