A Ch'an̈ B'ab'el Libro Samuel 28:14 - Chuj San Sebastian Bible

¹⁴ —¿Tas yilx jun? xchi winac. —'Ay jun winc caw wal 'ichm xo, 'aych jun sjucn pichl yu'uj, xchi 'ix. Atta 'ix nachj 'el yuj Saúl, chajtlto a Samuel 'ix ch'ox sb'a. Yuj cha, 'ix 'em n̈ojnjoc, squiln 'ejm snan̈l sat 'a sat lu'um.

Chuj San Mateo Bible

¹⁴ —¿Chajtil yilji? xchi vin̈. —A jun vin̈ vinac te ichamxo, ay jun c'apac spichul vin̈ te jucan ayoch yuuj, xchi ix. Ix snaanel vin̈ to a vin̈aj Samuel ix sch'ox sb'a, yuj chi' ix em n̈ojan vin̈ d'a sat luum.

A Ch'an̈ B'ab'el Libro Samuel 28:14 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 19:19

'Ix meltzj Elías 'a jun lugar cha, ax x'aji, 'ix c'och 'a 'aj wan st'ocw lum Eliseo. 'Ay lajchwan̈ mojn no wacx tzt'ocw lum 'a 'a, a 'a no slajub', ata tza'n 'och Eliseo. Yajn̈ej 'ix 'ec' Elías 'a sat, 'ix spotn 'at jun spotl 'a yib'n̈ Eliseo cha.

A Ch'an̈ Schab'il Libro Yic Yab'ixal Eb' Rey 1:7

Xlajw cha, 'ix sc'anb'n win rey chi 'ixtic: —¿Tas wal yilx jun winc 'ix e chaj e b'a yet' cha, jun 'ix aln jun tzo'n̈ paxti tic 'ayex? xchi winac.

A Ch'an̈ Schab'il Libro Yic Yab'ixal Eb' Rey 2:8

Xlajw cha, 'ix spacn Elías te spotil, sma'n 'ejm 'a yib'n̈ a', yuj cha, chab' x'el a'. 'Ixta to b'i'an 'ix 'ec' eb' schawn̈il 'aj xtacj can lu'um.

A Ch'an̈ B'ab'el Libro Samuel 15:27

Ax yic xmeltzj Samuel, 'ix can to'n Saúl 'a sti spotil, ax x'aji, 'ix jat te yu'uj.

A Ch'an̈ B'ab'el Libro Samuel 24:8

An̈jtona', 'ix 'elt David 'a yojl q'uen n̈aq'uen cha, 'ix 'at 'a spatquil Saúl, 'ix 'awj 'at 'ixtc 'a 'a: —Mamin rey, xchi 'a Saúl. A yic 'ix meltzj 'at q'ueln Saúl 'a spatic, 'ix 'em n̈ojn David 'a sat lu'um, yuj sch'oxn 'eli to niwn yel'ch Saúl 'a sat.

A Ch'an̈ B'ab'el Libro Samuel 28:13

—¿Tas yuj tzin extj paxti'? Ach tic 'in ach Saúl ach, xchi jun 'ix chi 'a winac. —Man̈ ach xiwoc. ¿Tas jun 'ix 'el cha? xchi Saúl 'a 'ix. —Atn jun spixn chamnc 'anma xwil sq'uel 'a yol lu'um, xchi 'ix.