A Ch'an̈ B'ab'el Libro Samuel 26:24 - Chuj San Sebastian Bible

²⁴ 'Icha ton x'aj ticnec, caw wal niwn el'ch 'ayin, 'ixtnta pax tzin nib'ej, comnoc 'ay wel'ch 'a sat Jehová, a cab' tzin coln 'el 'a smasnil yailal tzjaw 'a wib'an̈, xchi David cha.

Chuj San Mateo Bible

²⁴ Icha ix aj ticnaic, te nivan elc'och d'a yol in sat, ichaton val chi' in gana to ay pax velc'och d'a yol sat Jehová. Aocab' Jehová chi' tzin colanel d'a masanil yaelal sjavi d'a vib'an̈, xchi vin̈.

A Ch'an̈ B'ab'el Libro Samuel 26:24 ပူးပေါင်းရင်းမြစ်များ

Gn 48:16

A jun ángel in coln 'a tas 'ay smay, yal cab' wach' paxti 'a yib'n̈ ewin quelm 'unn tic. To yujn̈ej ewinac, ax sb'inax cot in b'i b'aq'uin̈, yet' sb'i in mam 'ichm Abraham, yet' pax sb'i in mam Isaac. Niwn cab' 'oj 'aj sb'isl yunnal eb'. 'Oj yac' eb' niwtjoc 'anma 'a sat lum lu'um, xchi winac.

A Ch'an̈ Schab'l Libro Samuel 4:9

'Ix ta'w David chi 'a eb' 'ixtic: —A yic xjaw jun winc 'ayn 'a Siclag, yic tzwul yalnc 'ayin, to a Saúl tox 'ix chami, a snani to tzin tzalj yet'oc, palta xwa'n yamxoc coti, 'ix wa'n milxoc chamoc. Atn jun spac chi xwac' 'a 'a, yuj jun 'ab'x xwul yal 'ayn cha. Yuj cha, tzwac' in ti 'a yojltac Jehová, atn jun in coln 'el 'a smasnil somc'ojlal, chajtlto e moj 'ixta wal 'oj ex wutc pax ax tic. Caw maysch'olnil tas xe b'o'o, xe mil cham jun winc to may jac smul 'a yic waync 'a sat sch'at 'a yol yatut. Yuj cha, an 'oj in pactzoc wal schamlil chi 'ayex, 'oj ex in satl 'a sat lum lum tic, xchi 'a eb'.

Salmos 144:2

In wach'c'ojl yaji, a 'aych wen̈loc, a 'aych wipoc, a colwjum yaj 'ayin; a tzin c'ub'n 'eli, a tzwa'ch yipc in c'ojol. A pax tz'a'n 'och jun tzo'n̈ chon̈b' 'a yaln̈ in checnb'il.

Salmos 18:1

Mamin Jehová caw wal tzach in chamc'ojlej, ach 'aych 'och wipoc.

Salmos 18:25

Ach tic Mamin Jehová, tzac' 'el'choc a ti 'a eb' yiclum 'ayach; a eb' wach' snab'en, wach' pax tzotj a nab'en 'a eb'.

Salmos 18:48

Tzin a coln 'el 'a eb' 'ajc'ojl yajch 'ayin, yet' 'a eb' maysch'olnil sb'eyb'al. Tzin a coln pax 'a eb' matz 'o'ch sc'ojl 'ayin.

Salmos 34:20

Caw a tztan̈wni, yuj cha, may junc sb'acl 'oj ma'x pojoc.

Salmos 54:7

yujto in a colcn 'elt 'a scal smasnil in somc'ojlal. Xwil slajw can 'el eb' 'ajc'ojl yajch 'ayin.

Mt 5:7

A eb' tz'o'ch sc'ojl 'a eb' yit 'anma'il, caw wach' yic eb', yujto 'oj 'o'ch pax sc'ojl Dios 'a eb'.

Mt 7:2

Yujto 'icha wal tzeyutj e b'eyc'ojlan eb' eyit 'anma'il, 'ixta 'oj ex yutc Dios ex sb'eyc'ojlan jun xo. A wal eyechtab' tzeya'lb'ej, a 'oj 'a'lb'axc 'ayex, tzyal 'el'chi to 'icha wal tzeyutj e b'eyc'ojlwi, 'ixta 'oj eyaj e b'eyc'ojlax jun xo.

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.

2 Ts 3:2

Tze c'an 'a Dios cuj on̈, sec 'oj qui colchj 'el 'a yol sc'ab' eb' maysch'olnil snab'en on̈, eb' tu tzyutj snab'en 'ayn̈ on̈. Yujto man̈ smasnilc 'anma tz'a'n 'och 'a sc'ojol.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.

A Ch'an̈ B'ab'el Libro Samuel 18:30

Ax eb' syajlil eb' filisteo, caw tz'eltn̈ej eb' yac' owl yet' eb' israel, palta 'a junjn 'ejem tzyac' ganar David owl yet' eb' soldado ajun yet'oc. Caw jeln 'a yib'n̈ jun tzo'n̈ xo eb' scapitan̈ win Saúl cha, yuj cha caw b'inab'il.

A Ch'an̈ B'ab'el Libro Samuel 24:16

A yic xlajw spaxtin David, 'ix yaln Saúl 'ixtic: —¿Tom ach David ach? ¿tom ach tzach paxtin wet'oc? ¡'Icha wal to wunnal ach! xchi. Xlajw cha, 'ix 'oc' cha'an̈.