A Ch'an̈ B'ab'el Libro Samuel 25:9 - Chuj San Sebastian Bible

⁹ A yic 'ix c'och eb' 'a Nabal cha, 'ix yaln eb' smasnil tas 'ix yalb't David; xlajw cha, 'ix stan̈wni eb' ya'n win spac.

Chuj San Mateo Bible

⁹ Ayic ix c'och eb' vin̈ schecab' vin̈aj David chi' d'a vin̈aj Nabal chi', ix yalan eb' vin̈ masanil tas ix yalcot vin̈aj David chi', ix lajvi chi' ix can eb' vin̈ stan̈vej spac ol yal vin̈aj Nabal chi'.

A Ch'an̈ B'ab'el Libro Samuel 25:9 ပူးပေါင်းရင်းမြစ်များ

Gn 8:4

Uclajn̈e xo c'u yoch yucl 'uj, 'ix 'em te barco chi 'a sjolm switzl Ararat.

A Ch'an̈ Schab'il Libro Yic Yab'ixal Eb' Rey 2:15

A yic 'ix yiln eb' schecb' Dios 'ayc' 'a Jericó cha, atn eb' najt xcan lin̈n yil eb', 'ix yaln eb' 'ixtic: A jun espíritu yic yopiso Elías a x'ochx can 'a Eliseo tic, xchi eb'. Xlajw cha, 'ix cot eb' wul scha', 'ix 'em n̈ojn eb' 'a yojltac.

2 Cr 14:7

Yuj cha, 'ix yaln 'ixtc 'a eb' 'aj Judá cha: Quib'oc chan̈ jun tzo'n̈ chon̈b' tic, tzqui b'onec pax 'och smuroal 'a spatquil, storreal yet' spuertail; a q'uen hierro tz'och yipnub'oc ya' sb'a a qui nacion̈ec tic 'ayc' 'a yol qui c'ab'ec. Yujto xca'c 'och 'a qui c'ojlec calnec qui b'a 'a Jehová qui Diosalec, yuj cha, a x'a'n junc'ojlal 'ayn̈ec yet' smasnil eb' cajn 'a qui tz'eyec, xchi. Yuj cha, caw wach' 'ix 'aj sb'o jun tzo'n̈ cha.

A Ch'an̈ B'ab'el Libro Samuel 25:10

'Ix ya'n win spac schecnb'il eb', 'ix yaln 'ixtic: —¿Mach cob' jun David cha? ¿mach jun yunnal Isaí cha? A ticnec til wal 'anma tz'elc' 'a syajlil.

A Ch'an̈ B'ab'el Libro Samuel 25:8

Tztac' tza c'anb'j jun tzo'n̈ tic 'a eb' a checb' cha, 'oj yal eb' 'ayach chajtlto yel. Sc'ul wal a nan a q'uin̈ on̈ jaw on̈, yuj cha, tztew David 'ayach, to tzon̈ 'a chaj 'a tzaljc'ojlal. Tza'n tastc 'ay 'a yol a c'ab' 'ayn̈ on̈, yet' 'a jun a wach'c'ojl cha, xe chi 'a 'a, xchi David.