A Ch'an̈ B'ab'el Libro Samuel 25:7 - Chuj San Sebastian Bible

⁷ 'Ix cab' speclal to 'aych 'ec' joxj calnelu 'a tic, 'in ojc paxi, to a eb' a 'ilm calnelu, 'ayn̈j 'ec' eb' quet' 'a Carmel tic on̈, caw may tzcutj eb' on̈, may pax tas tzquij 'ec' 'a eb' on̈.

Chuj San Mateo Bible

⁷ Ix vab'i to ayach ec' a joxanel noc' a calnel. Ojtacpaxi to a eb' a tan̈vum calnel ayn̈ejec' eb' qued'oc d'a Carmel tic. Ayic ayec' eb' qued'oc d'a tic, malaj jab'oc tas ix ic'an eb', malaj pax jab'oc tas ix quiq'uec' d'a eb'.

A Ch'an̈ B'ab'el Libro Samuel 25:7 ပူးပေါင်းရင်းမြစ်များ

A Ch'an̈ Schab'l Libro Samuel 13:23

Schab'l xo ab'il cha, ax ewin smoso Absalón, ata tzjoxw calnelu ewin 'a Baal-hasor, 'a stz'ey schon̈b' eb' yic Efraín. 'Ix yawtn win Absalón smasnil eb' yunnal win rey chi wac yet'oc.

A Ch'an̈ Schab'l Libro Samuel 13:24

'Ix 'at yalnc 'a win rey chi 'ixtic: —A ticnec, 'aych ewin in moso sjox e no in calnelu, yuj cha, tzin tew 'aych mamin rey to tzach 'at wac wet'oc, tze'n pax 'at eb' 'ay yopiso tic et'oc, xchi winac.

Lc 3:14

'Ay pax jaywn̈ eb' soldado xc'och c'anb'noc 'a 'ixtic: —An̈ xo tic on̈, ¿tas tzcutj qui b'eyb'al on̈? xchi eb' 'a 'a. —Man̈ e xib'tc eb' 'anma', man̈ eya'ch 'es 'a yib'n̈ eb', yic tzeyi'n 'ec' tas 'a eb'. Colb'iln̈ej cab' tze chaj e tojol, xchi 'a eb'.

A Scarta San Pablo D'a Eb' Aj Filipos 2:15

Man̈ e b'o 'ixta', sec may mach 'oj alnoc, to 'ay e mul, mto e paltail. Wach'xam 'ayx 'ec' 'a scal eb' 'anma maysch'olnil, mto eb' tu snab'en, ax xo yel yunnal ex Dios, man̈x 'a maysch'olnil 'aych 'ayx yet' eb'. 'Icha jun tzo'n̈ c'anal, caw tzictzni yilx 'a q'uic'q'uinal, 'ixta ex 'a scal eb'.

A Scarta San Pablo D'a Eb' Aj Filipos 4:8

Ax ticnec ex wu'tac, ex wanab', caw ca'c 'och qui nab'en 'a jantcn̈ej tas yel, 'a jun tzo'n̈ smoj 'ay yel'ch 'a qui satec, 'a jantcn̈ej tas tojol, 'a jun tzo'n̈ may spaltail, 'a jantcn̈ej tas wach', 'a jun tzo'n̈ niwn yel'chi. An̈jtona', yet' 'a jantcn̈ej tas wach' 'a sat Dios, yet' 'a jun tzo'n̈ 'aj smoj yalx wach' paxti', ata tzca'c pax 'och qui nab'en.

A Ch'an̈ B'ab'el Libro Samuel 22:2

Smasnil eb' caw tz'ixtxi, eb' 'ay sb'oc, yet' eb' 'ay schab'c'ojlal, c'uxn xc'och eb' yet'oc, ax 'ix 'och syajlilc eb'. A sb'isl eb', 'aym chan̈e'oc ciente eb'.

A Ch'an̈ B'ab'el Libro Samuel 25:21

Ax David yaljnac 'ixtic: Wal yel nab'an̈ej xqui tan̈wj tastc 'ay 'a jun win Nabal chi 'a lum cusltac lu'um yic may mach tzi'n 'ec' tas 'a 'a; palta 'ix quilc ticnec to maysch'olnil xyutj spactzan qui wach'c'ojlal.