A Ch'an̈ B'ab'el Libro Samuel 25:43 - Chuj San Sebastian Bible

⁴³ An̈jtona', xyi'n pax David chi 'ix Ahinoam 'aj Jezreel, 'ix 'och eb' 'ix yistloc win schawn̈il.

Chuj San Mateo Bible

⁴³ Ix yic'anpax ix Ahinoam vin̈, aton jun ix aj Jezreel. A eb' ix chavan̈ chi' ix och yetb'eyumoc vin̈.

A Ch'an̈ B'ab'el Libro Samuel 25:43 ပူးပေါင်းရင်းမြစ်များ

Gn 2:24

Yuj cha, a eb' winac, yowlal tzyactj can eb' smam snun, sec junxn̈ej tz'ajcn eb' yet' yistzil, 'icha wal to junxn̈ej niwnal tz'ajcn eb' schawn̈il.

A Ch'an̈ Schab'l Libro Samuel 2:2

Yuj cha, 'ix 'at David yet' eb' 'ix yistl schawn̈il ta': Atn 'ix Ahinoam 'aj Jezreel, yet' 'ix Abigail, atn 'ix yistl can win xi'lb'a Nabal 'aj Carmel.

A Ch'an̈ Schab'l Libro Samuel 3:2

A eb' yunnal David 'aljnac 'a yic 'ayc' 'a Hebrón, atn eb' tic: a win b'ab'el, atn Amnón win yune 'ix Ahinoam 'aj Jezreel;

Mt 19:5

Yaljnac can 'ixtic: Yuj cha, a eb' winac yowlal tzyactj can eb' smam snun, sec junxn̈ej tz'ajcn eb' yet' yistzil. 'Icha wal to junxn̈ej niwnal tz'ajcn eb' schawn̈il, xchi.

Mt 19:8

—Yuj e pital yaln can Moisés to tztac' e pojn e b'a yet' eyistzil. Palta yictax sb'on Dios yolyib'n̈q'uinal, man̈ 'ichcta yaj yu'uj.

A Ch'an̈ B'ab'el Libro Samuel 27:3

'Ix can cajn eb' yet' win Aquis 'a Gat cha, junjn eb' yet' yistzil yet' yunnal. A David cha, 'ix yij 'at eb' yistzil schawn̈il yet'oc, atn 'ix Ahinoam 'aj Jezreel, yet' 'ix Abigail yistzil can win Nabal, win 'aj Carmel.

A Ch'an̈ B'ab'el Libro Samuel 29:11

'Ixta x'aj smeltzj David yet' eb' winc ajun yet' 'a slugar 'ac'b'il yuj eb' filisteo cha, ax eb' filisteo cha, 'ix 'atcn eb' 'a Jezreel.

A Ch'an̈ B'ab'el Libro Samuel 30:5

'Ix yi'n pax 'at ewin amalecita chi eb' 'ix yistzil David schawn̈il: Atn 'ix Ahinoam 'aj Jezreel, yet' 'ix Abigail yistzil can win Nabal 'aj Carmel.