A Ch'an̈ B'ab'el Libro Samuel 25:42 - Chuj San Sebastian Bible

⁴² A yic xlajw yaln 'ix jun tzo'n̈ cha, 'ix sb'on sb'a 'ix muc'uc, 'ix cot own̈ eb' 'ix schecb' 'ix yet'oc. Xq'ue 'ix 'a yib'n̈ jun no b'uru, 'ix 'och tza'n 'ix yuj eb' win checb' cha. 'Ix 'och 'ix yistzilc win David cha.

Chuj San Mateo Bible

⁴² Ayic ix lajvi yalan ix icha chi', ix sb'oan sb'a ix elan̈chamel, ix cot ovan̈ eb' ix schecab' ix yed'oc, ix q'ue ix d'a yib'an̈ jun noc' b'uru, ix och tzac'an ix yuj eb' vin̈ schecab' vin̈aj David chi'. Icha chi' ix aj yic'an ix vin̈aj David chi'.

A Ch'an̈ B'ab'el Libro Samuel 25:42 ပူးပေါင်းရင်းမြစ်များ

A Ch'an̈ Schab'l Libro Samuel 2:2

Yuj cha, 'ix 'at David yet' eb' 'ix yistl schawn̈il ta': Atn 'ix Ahinoam 'aj Jezreel, yet' 'ix Abigail, atn 'ix yistl can win xi'lb'a Nabal 'aj Carmel.

A Ch'an̈ Schab'l Libro Samuel 3:2

A eb' yunnal David 'aljnac 'a yic 'ayc' 'a Hebrón, atn eb' tic: a win b'ab'el, atn Amnón win yune 'ix Ahinoam 'aj Jezreel;

A Ch'an̈ Schab'l Libro Samuel 3:3

win schab'il, atn Quileab win yune 'ix Abigail, 'ix yistl can win xi'lb'a Nabal 'aj Carmel; win yoxil, atn Absalón win yune 'ix Maaca, 'ix yisl Talmai win sreyl Gezur;

A Ch'an̈ B'ab'el Libro Samuel 27:3

'Ix can cajn eb' yet' win Aquis 'a Gat cha, junjn eb' yet' yistzil yet' yunnal. A David cha, 'ix yij 'at eb' yistzil schawn̈il yet'oc, atn 'ix Ahinoam 'aj Jezreel, yet' 'ix Abigail yistzil can win Nabal, win 'aj Carmel.

A Ch'an̈ B'ab'el Libro Samuel 30:5

'Ix yi'n pax 'at ewin amalecita chi eb' 'ix yistzil David schawn̈il: Atn 'ix Ahinoam 'aj Jezreel, yet' 'ix Abigail yistzil can win Nabal 'aj Carmel.