A Ch'an̈ B'ab'el Libro Samuel 25:39 - Chuj San Sebastian Bible

³⁹ A yic xyab'n win David speclal chajtlto tox 'ix chami, 'ix yaln 'ixtic: —Alx cab' wach' paxti 'a Jehová, tox 'ix spactzej 'a win Nabal xcham cha, yuj tas in yutej. A pax Jehová in tenn 'och wan 'a tas maysch'olnil 'ijn xin b'o'o; mun wal x'el-l tu 'a yib'n̈ win sch'ocoj, xchi David. Xlajw cha, 'ix checn 'at win David jaywn̈ schecb' 'a 'ix Abigail yic tz'at yal eb' 'a 'ix, to tznib'j win tzyij 'ix yistziloc.

Chuj San Mateo Bible

³⁹ Ayic ix yab'an vin̈aj David to toxo ix cham vin̈, ix yalan vin̈ icha tic: —Aljocab' vach' lolonel d'a Jehová yujto toxo ix yaq'uec' in pac d'a vin̈aj Nabal yuj tas ix in yutej vin̈. A Jehová chi' ix in cachanoch vaan yuj tas chuc ijan ix in c'ulej. An̈eja' ix ac'ancot yaelal d'a yib'an̈ vin̈aj Nabal chi' yuj schucal, xchi vin̈. Ix lajvi chi' ix yac'anb'at schecab' vin̈ d'a ix Abigail yic b'at yal eb' vin̈ to snib'ej vin̈ syic' ix.

A Ch'an̈ B'ab'el Libro Samuel 25:39 ပူးပေါင်းရင်းမြစ်များ

A Ch'an̈ Schab'l Libro Samuel 1:16

A yic wan smilx scham win cha, ya' sb'a cha, xyaln David 'a win 'ixtic: —Mun ach 'ix ej cot chaml 'a eb'an̈, yic 'ix alni chajtlto ach 'ix a mil cham jun win rey sic'b'il 'och yuj Jehová, xchi.

A Ch'an̈ B'ab'el Libro Yic Yab'ixal Eb' Rey 2:44

Ach tic, na coti jantc maysch'olnil 'ix al 'a in mam, atn David; yuj cha, a ticnec a Jehová 'oj a b'eyc'ojlani, ax smasnil tas 'ix a b'o cha, 'oj cotcn 'a eb'an̈.

Ester 7:10

'Ix slocn q'ue eb' win Amán 'a te 'oy ya'jnac b'o yuj Mardoqueo. 'Ixta x'aj sicb' yowl sc'ojl win rey cha.

Ester 9:25

Palta yujto xc'och 'ix Ester paxtinc 'a win rey, yuj cha, xya'n 'elt win jun ley, to a smasnil tas tu 'ix sna Amán sb'on 'a eb' israel cha, a 'a yib'n̈ win tz'atcni, yuj cha, 'ix q'ue locn win yet' eb' yunnal smasnil.

Salmos 7:16

A smaysch'olnilal yet' stu b'eyb'al eb', a 'oj cotcn 'a yib'n̈ eb'.

Salmos 9:5

A'jnac owl yet' junjn nacion̈. 'Ix a satn can 'el eb' xb'on maysch'olnil. 'Ix a sucn can sat sb'i eb' 'a jun 'ejmn̈ej, sec man̈x 'a b'a'n̈ tznax cot eb'.

Pr 18:22

A yic tz'och yistzil win winac, tz'ilchj tzaljc'ojlal yu'uj; tzyal 'el'chi to tzchaj swach'c'ojlal Dios.

Pr 19:14

A win winac, tzchaj win yatut mto smacl tumn 'a smam snun; palta ax 'ix 'istzilab'il wach' snab'en, a Jehová a tz'a'n 'ix.

Pr 22:23

yujto a Jehová 'oj colnoc eb', ax 'oj 'a'noc spac 'ayx yuj tas tze b'o cha.

Pr 31:10

A 'ix 'ix wach' snab'en to c'asan, man̈ comnoc tz'ilchj 'ix; yel xo wal niwn yel'ch 'ix 'a yib'n̈ q'uen q'uen caw chan̈ stojol.

Pr 31:30

A eb' 'ix 'ix wach' yilx yet' sniwnal, 'ay 'ajtil ton̈j montnub'l yaj eb' 'ix. A swach'l yilx sat eb', yajn̈ej tzjelmj yilxi, palta a 'ix 'ix to 'ay yel'ch Jehová 'a sat, smoj wal to niwn yel'ch 'ix.

Cantares 8:8

A 'ix canb'ec tza'n 'unn to, mant 'a yim 'ix. ¿Tas tzcutjec, q'uinloc tzjaw sc'anmal 'ix 'ayn̈ec?

Miqueas 7:9

'Ix 'och qui mulc 'a Jehová, yuj cha, 'oj ca'c techjoc yowl sc'ojol, masnto 'oj on̈ sb'eyc'ojloc, ax on̈ sb'onec yaji. 'Oj yac' Jehová quilc sacq'uinlal, 'oj quilc tas 'oj yutc on̈ scolnec 'eli.

2 Co 13:7

Tzon̈ leslwi 'a Dios eyuj on̈, sec matz e b'o junc maysch'olnil. Man̈ ton̈joc tzon̈ leslwi eyuj on̈, sec tzcheclj 'eli, to wach' qui munljel on̈. Wach' cab' tzcheclj 'eli, to man̈ wach'c qui munljel on̈, palta an̈ja tzqui nib'j on̈, to wach' tzeyutj e b'eyb'al.

1 Ts 5:23

A Dios 'a'm junc'ojlal. Tzqui nib'j on̈, a tzex wach' 'i'n 'och yico'oc si'mb'il. Tzqui nib'j pax on̈, a tz'a'n cuenta e pixan, e nab'en, yet' pax e niwnal, sec may jac e mul ax sjaw Cajlil Jesucristo.

2 Ti 4:18

A 'oj in coln can 'el 'a yol sc'ab' smasnil maysch'olnil. 'Oj in swach' moloc, sec wach' 'oj in c'och 'a yol sc'ab' 'a satcha'an̈. Niwn cab' yel'ch Jesucristo 'a smasnil tiempo. 'Ixta cab' tz'aji.

Jueces 5:2

B'itn coyc qui masnil 'a Jehová, yujto a x'a'n 'och jun tzo'n̈ eb' yajl 'a chon̈b' Israel, yujto caw 'ay pax eb' soldado 'a chon̈b' tic caw c'asn sc'ojl ya'n owal.

A Ch'an̈ B'ab'el Libro Samuel 24:15

Yuj cha, a cab' Jehová 'oj qui b'eyc'ojlan qui chawn̈il; a cab' tzin b'eyc'ojlani, tzin scoln 'el 'a yol a c'ab', xchi David.

A Ch'an̈ B'ab'el Libro Samuel 25:26

A ticnec ach wajlil, a Jehová ach tenn 'och wa'an, yic to tzwul a mil cham eb' 'anma', yuj a'n spac stu nab'enal eb' 'ayach. 'El cab' 'a sc'ojl Jehová, to a eb' 'ajc'ojl yajch 'ayach, yet' eb' tznib'n tzach 'ixtni, 'ixta cab' pax tz'aj scotcn 'a yib'n̈ eb', 'icha tz'aj scot 'a yib'n̈ Nabal tic.

A Ch'an̈ B'ab'el Libro Samuel 25:32

'Ix ta'w David 'ixtc 'a 'ix: —Alx cab' wach' paxti 'a Jehová qui Diosalec, yujto a ach checn coti yic tzwul in a chanoc tic.

A Ch'an̈ B'ab'el Libro Samuel 25:34

A ticnec tzwac' in ti 'aych 'a yojltac Jehová qui Diosalec, to a 'in tenn 'och wa'an, yic tzwa'n in tu nab'enal 'ayach, toc wal ma'ix a col ep a cot wul in a cha', a q'uic'an man̈x pitznoc win Nabal, yet' pax smasnil eb' winc yicanto sb'a yet'oc yet' eb' schecab', xchi David 'a 'ix.

A Ch'an̈ B'ab'el Libro Samuel 25:40

A yic xc'och eb' schecb' chi 'a 'ix 'a Carmel, xpaxtin eb' yet' 'ix, 'ix yaln eb' 'ixtic: —A win David on̈ checn̈ cot 'aych on̈, to tznib'j win tzach 'och yistloc, xchi eb' 'a 'ix.

A Ch'an̈ B'ab'el Libro Samuel 26:10

Caw wojtac to a Jehová 'oj milnc chamoc, mto a sq'uinl 'oj c'ochoc, mto 'a scal owl 'oj chamoc.