A Ch'an̈ B'ab'el Libro Samuel 25:34 - Chuj San Sebastian Bible

³⁴ A ticnec tzwac' in ti 'aych 'a yojltac Jehová qui Diosalec, to a 'in tenn 'och wa'an, yic tzwa'n in tu nab'enal 'ayach, toc wal ma'ix a col ep a cot wul in a cha', a q'uic'an man̈x pitznoc win Nabal, yet' pax smasnil eb' winc yicanto sb'a yet'oc yet' eb' schecab', xchi David 'a 'ix.

Chuj San Mateo Bible

³⁴ Palta a ticnaic, svac' in ti' d'ayach d'a yichan̈ Jehová co Diosal, aton jun in cachanoch vaan vac'an chucal d'ayach, tato maj a pil ip a cot ul in a cha'a, q'uic'an man̈xo pitzanoc vin̈aj Nabal, man̈xa pax junoc vinac d'a yin̈tilal vin̈ tzato cani, xchi vin̈.

A Ch'an̈ B'ab'el Libro Samuel 25:34 ပူးပေါင်းရင်းမြစ်များ

Gn 20:6

'Ix ta'w Dios 'a win rey 'ixtc 'a waychil: Wojtac to wach' xotej, yuj cha, ma'ach in chaj way yet' 'ix, sec wach' matz 'och a mul 'ayin.

Josué 10:6

Ax eb' 'aj Gabaón cha, 'ix 'at yac' eb' alxoc 'ixtc 'a Josué, 'a 'aj 'ay scamplamento 'a Gilgal: —Cotn̈ muc'uc, wul coln̈ an̈ a checb' on̈ tic 'a yol sc'ab' smasnil eb' sreyl eb' amorreo cajn 'a lum jolmctac witz, yujto junn̈j xyutj sb'a eb' smasnil yic tzon̈ wul smilnc eb' on̈, xchi eb'.

Josué 10:9

'Ix cot Josué yet' eb' soldado 'a Gilgal, smasnil 'ac'wl 'ix b'ey eb' yic xc'och eb' 'a stz'ey eb' amorreo yic man̈ nanoc yuj eb'.

A Ch'an̈ B'ab'el Libro Samuel 11:11

Ax 'a junx c'u 'a yic 'ayt sacb'i, yic q'ui'to, 'ix syamn 'och Saúl spojn 'el eb' soldado, 'ox c'aj xyutj 'el eb'. 'Ayt wal sacb'i, xc'och eb' 'at smil cham eb' amonita cha, masnto 'a yic x'och chimc'ual. Ax eb' ma'ix chami, sactzicnac s'at eb' 'eloc, may 'ajtil yamn 'ix 'ajcn chawn̈oc eb'.

A Ch'an̈ B'ab'el Libro Samuel 25:18

Yajn̈j wal cha, xya'n 'ix Abigail chi 'ijxoc cot chab' ciente 'ixm pan, yet' chab' tz'um 'aj 'ay 'ejm yal uva, own̈ no b'olb'il calnelu, o'e 'echtab' 'ixm sat trigo c'an yaj sb'olxi, jun ciente c'ojlab' tacn̈ uva, yet' pax chab' ciente pachn̈ te tacn̈ higo. Yajn̈ej xya'n 'ajxoc 'och 'a yib'n̈ jun tzo'n̈ no b'uru,

A Ch'an̈ B'ab'el Libro Samuel 25:22

A cab' Dios tz'a'n 'och in yailal, toto pitznto Nabal mto junc xo winc 'a scal eb' yican wuj yab'n 'ixtc q'uic'an, xchi.

A Ch'an̈ B'ab'el Libro Samuel 25:26

A ticnec ach wajlil, a Jehová ach tenn 'och wa'an, yic to tzwul a mil cham eb' 'anma', yuj a'n spac stu nab'enal eb' 'ayach. 'El cab' 'a sc'ojl Jehová, to a eb' 'ajc'ojl yajch 'ayach, yet' eb' tznib'n tzach 'ixtni, 'ixta cab' pax tz'aj scotcn 'a yib'n̈ eb', 'icha tz'aj scot 'a yib'n̈ Nabal tic.

A Ch'an̈ B'ab'el Libro Samuel 25:39

A yic xyab'n win David speclal chajtlto tox 'ix chami, 'ix yaln 'ixtic: —Alx cab' wach' paxti 'a Jehová, tox 'ix spactzej 'a win Nabal xcham cha, yuj tas in yutej. A pax Jehová in tenn 'och wan 'a tas maysch'olnil 'ijn xin b'o'o; mun wal x'el-l tu 'a yib'n̈ win sch'ocoj, xchi David. Xlajw cha, 'ix checn 'at win David jaywn̈ schecb' 'a 'ix Abigail yic tz'at yal eb' 'a 'ix, to tznib'j win tzyij 'ix yistziloc.