A Ch'an̈ B'ab'el Libro Samuel 25:27 - Chuj San Sebastian Bible

²⁷ Ax ticnec jun, tzin tew 'ayach to tza chaj jab' in siylab' wet' 'aych tic, tza pojn 'ec' 'a scal eb' a checb' ajun 'et' tic.

Chuj San Mateo Bible

²⁷ Axo ticnaic jun, tzin tevi d'ayach to a jab' silab' svic'cot tic d'ayach, tza pucb'at d'a eb' vin̈ a checab' ajun tic ed'oc.

A Ch'an̈ B'ab'el Libro Samuel 25:27 ပူးပေါင်းရင်းမြစ်များ

Gn 33:11

Tzin tew 'ayach, chaj jun tzo'n̈ siylab' xwij cot 'aych tic, yujto a Dios x'el 'a sc'ojl ya'n in ricoal, may jac tas tzyac' palta 'ayin, xchi. Syamn 'och Jacob wal stew 'och 'a Esaú, ax x'aji c'ojnc'ojnil schaj jun tzo'n̈ siylab' cha.

A Ch'an̈ Schab'l Libro Samuel 16:2

'Ix yaln win rey chi 'ixtc 'a win Siba cha. —¿Tas yuj et' jun tzo'n̈ tic? xchi winac. —A e no b'uru tic, scuchmal eb' onnal yaj e no'; ax 'ixm pan tic yet' te lob'tzal te tic, a eb' a checb' ajun et' tic, a eb' 'oj c'uxnoc, ax te yal uva tic, yic eb' tzc'unb'i, eb' tztacj sti sb'ey 'a lum cusltac lum tic, a eb' tz'u'ni, xchi win Siba cha.

A Ch'an̈ Schab'il Libro Yic Yab'ixal Eb' Rey 5:15

Xlajw xoj cha, 'ix 'at yet' eb' ajun yet' chi 'a win schecb' Dios cha, atn Eliseo, 'ix c'och 'a yojltac winac, 'ix yaln Naamán 'ixtic: —¡A ticnec 'ix wojquej 'eli, chajtlto may junc xo Dios 'a smasnil yolyib'n̈q'uinl tic, palta cojn wal e Diosal ax israel ex tic, yuj cha, tzin tew 'ayach, to tza chaj jun in siylab' tic, xchi.

Pr 18:16

Yuj tas tzqui siyjec, tztac' sjacw puerta 'ayn̈ec, 'ixta tzon̈ 'ajc qui c'och 'a eb' 'anma niwc yopiso.

2 Co 9:5

Yuj cha, xin nani, to yowlal tzin tew 'och 'a eb' cu'tac tic, sec 'oj b'ab'l c'och eb' 'ayex. 'Oj 'at colwjc eb' eyet' eyi'n chan̈ eyofrenda, 'icha yaj eya'n can e ti'. Toto 'ixta', lista 'oj eyutc eyofrenda cha, ax eya'n yuj swach'l e nab'en, sec ma'oj 'at ex cac' pural on̈.

Jueces 4:10

Ata syamtzej Barac chi lajn̈e mil eb' soldado, ata x'elt eb' 'a scal eb' yin̈tl Zabulón, yet' 'a eb' yin̈tl Neftalí. Xlajw cha, x'at eb' yet'oc, x'at pax 'ix Débora cha.

A Ch'an̈ B'ab'el Libro Samuel 25:42

A yic xlajw yaln 'ix jun tzo'n̈ cha, 'ix sb'on sb'a 'ix muc'uc, 'ix cot own̈ eb' 'ix schecb' 'ix yet'oc. Xq'ue 'ix 'a yib'n̈ jun no b'uru, 'ix 'och tza'n 'ix yuj eb' win checb' cha. 'Ix 'och 'ix yistzilc win David cha.

A Ch'an̈ B'ab'el Libro Samuel 30:26

A yic 'ix c'ochx David 'a chon̈b' Siclag, 'ix schecn 'at schecb' 'a eb' yichm wincal Judá, atn eb' swach'c'ojol, yuj ya'n 'at jac tastc xit' yi'cn 'ec' cha. 'Ix yaln 'at 'ixtc 'a eb': Yaj jab' in siylab' tzwa't 'ayex, atn tastc xit' wi'cn 'ec' 'a eb' 'ajc'ojl yajch 'a Jehová, xchi.