A Ch'an̈ B'ab'el Libro Samuel 25:21 - Chuj San Sebastian Bible

²¹ Ax David yaljnac 'ixtic: Wal yel nab'an̈ej xqui tan̈wj tastc 'ay 'a jun win Nabal chi 'a lum cusltac lu'um yic may mach tzi'n 'ec' tas 'a 'a; palta 'ix quilc ticnec to maysch'olnil xyutj spactzan qui wach'c'ojlal.

Chuj San Mateo Bible

²¹ Ix yal vin̈aj David chi' d'a eb' vin̈ ajun chi' yed'oc icha tic: Nab'an̈ej co tan̈vejnac noc' smolb'etzal noc' vin̈aj Nabal chi' d'a tz'inan luum. Malaj val jab'oc tas quic'nac ec' d'a vin̈, palta co tan̈vejn̈ejnac noc' scalnel vin̈ chi'. Te chuclaj syutej vin̈ spactzitan co vach' pensaril chi'.

A Ch'an̈ B'ab'el Libro Samuel 25:21 ပူးပေါင်းရင်းမြစ်များ

Gn 44:4

Jab' nant tz'elt eb' 'a sti 'elt chon̈b' cha, xyaln José 'a win smayltoma chi 'ixtic: —'Ixc 'a spatc jun tzo'n̈ winc chi muc'uc, a yic tzyamchj ewin o'oj, tzaln 'ixtc 'a eb': ¿Tas yuj a swach'c'ojlal in patron̈, tu tzeyutj e pacn can paxi? ¿Tas yuj xeyel'j cot jun svaso nab'a plata,

Job 30:8

A jun tzo'n̈ 'anma cha, may xon jac tztac' yuj eb', quistal 'anma smam eb', pechb'il 'el eb' 'a scal yit 'anma'il.

Salmos 35:12

A eb' 'aj wach' xlaj wutc in b'a, 'ix meltzj 'och eb' 'ajc'ojlal 'ayin; yuj cha, caw tzyac' eb' cus in c'ojol.

Salmos 37:8

Cactquec can owal, tzcactnec can chichnc'ojlal. Man̈ on̈ comn owxoc, yujto a jun tzo'n̈ cha, niwn tas tzjuw 'el yu'uj.

Salmos 38:20

A tas wach' tzwutj 'a eb', tu tzyutj eb' spacn 'ayin; tzlaj 'och eb' 'ajc'ojlal 'ayin, yujto wach' tzwutj in b'eyb'al.

Pr 17:13

Toto tu tzcutjec qui pactzan swach'c'ojlal junc mach, may wal b'a'n̈ 'oj 'el yailal 'a yol catutec.

Jeremías 18:20

¿Tom a yet' maysch'olnil tzpactzax wach'c'ojlal? A eb' cha, tox 'ix sna eb' tas 'oj yutc eb' in smiln chamoc. Na coti, chajtlto in 'och lin̈n 'a ojltac, yic in tew 'aych yuj eb', sec matz cot yowl a c'ojl 'a yib'n̈ eb'.

Ro 12:21

Caw matz qui chajec 'ajxc ganar qui b'a yuj junc maysch'olnil tz'ajx 'och 'a quib'n̈ec. Yowlal caw wach' tzcutjec qui b'a, sec an̈ 'oj ca'c ganar 'a yib'n̈ jun tzo'n̈ maysch'olnil cha.

Ef 4:26

Toto 'ay 'aj tzlaj cot eyowal, man̈ e b'o junc maysch'olnil yuj jun eyowl cha. Matz tac' an̈j 'ijnoc 'ay cot eyowal tz'ejm c'u.

Ef 4:31

Caw tzeyactj can smasnil e chichnc'ojlal, e c'a'lc'ojlal. Man̈ comnoc tzchacb' e sat scot eyowal. An̈jtona', man̈ comnoc tzq'ue eyaw e tumwji. Caw tzeyactj can e b'on jantcn̈ej tas maysch'olnil.

1 Ts 5:15

A eb' maysch'olnil tzyutj sb'a 'ayex, caw man̈ e pac e b'a 'a eb'. Smasnil tiempo, caw wach' tzlaj eyutc e b'a 'ayx junjn ex, yet' 'a eb' 'anma smasnil.

A Sb'ab'el Carta San Pedro 3:17

Yel xo wach' tzcab'c syal yuj qui wach' b'eyb'al, toto 'ixta tz'el 'a sc'ojl Dios. Ax toto yuj qui tu b'eyb'al, tzcab'n syail, caw nab'an̈ej.

A Sb'ab'el Carta San Pedro 3:9

Toto 'ay eb' tu tzyutj sb'a 'ayex, man̈ tuc tzeyutj e b'a 'a eb' jun xo. Toto 'ay eb' tzex b'uchni, man̈ ex b'uchwjoc pax 'a eb'. Ton̈j tze c'an swach'c'ojlal Dios 'a yib'n̈ eb'. Yujto a Dios on̈ 'awtnec 'och yico'oc, yic tzya'n swach'c'ojlal 'ayn̈ec.

A Ch'an̈ B'ab'el Libro Samuel 25:13

Yuj cha, 'ix yaln David 'ixtc 'a eb' winc ajun yet'oc: 'Ijc eyespada e masnil, xchi. Yuj cha, xya'n 'och ewin yespada 'a snan̈l smasnil, 'ix ya'n 'och pax David yico'. Chan̈e ciente eb' x'och tza'n yu'uj. Ax chab' ciente eb' xcancn stan̈wc syamc'ab' eb'.

A Ch'an̈ B'ab'el Libro Samuel 25:15

A jun tzo'n̈ winc cha, caw wach' xyutj eb' snab'en 'ayn̈ on̈, yic on̈ 'ec' 'ilj calnelu 'a 'aj 'ayc' eb' cha. Caw may 'aj on̈ yixtj eb' on̈, may xon jac tas xyij 'ec' eb' 'ayn̈ on̈.

A Ch'an̈ B'ab'el Libro Samuel 25:20

'Ix q'ue 'ix Abigail 'a yib'n̈ jun no b'uru, c'ultac xb'ey 'ejm 'ix 'a jun lum witz. Ax xyiln 'ix to wan sjaw David 'a yojltac yet' eb' winc ajun yet'oc, yuj cha, x'at 'ix 'at scha eb'.

A Ch'an̈ B'ab'el Libro Samuel 25:7

'Ix cab' speclal to 'aych 'ec' joxj calnelu 'a tic, 'in ojc paxi, to a eb' a 'ilm calnelu, 'ayn̈j 'ec' eb' quet' 'a Carmel tic on̈, caw may tzcutj eb' on̈, may pax tas tzquij 'ec' 'a eb' on̈.