A Ch'an̈ B'ab'el Libro Samuel 25:13 - Chuj San Sebastian Bible

¹³ Yuj cha, 'ix yaln David 'ixtc 'a eb' winc ajun yet'oc: 'Ijc eyespada e masnil, xchi. Yuj cha, xya'n 'och ewin yespada 'a snan̈l smasnil, 'ix ya'n 'och pax David yico'. Chan̈e ciente eb' x'och tza'n yu'uj. Ax chab' ciente eb' xcancn stan̈wc syamc'ab' eb'.

Chuj San Mateo Bible

¹³ Yuj chi' ix yal vin̈aj David chi' d'a masanil eb' vin̈ ajun yed'oc: —E masanil, iq'uec q'uen eyespada, xchi vin̈. Masanil eb' vin̈ svinac vin̈ chi', ix yac'och yespada eb' vin̈ d'a snan̈al, icha ix yutej yic vin̈ chi'. Chan̈e' ciento eb' vin̈ vinac chi' ix b'at yed' vin̈, axo chab' cientoxo eb' vin̈ jun, ix can eb' vin̈ stan̈vej sc'ael eb' vin̈.

A Ch'an̈ B'ab'el Libro Samuel 25:13 ပူးပေါင်းရင်းမြစ်များ

A Ch'an̈ Schab'l Libro Samuel 15:18

Ax smasnil eb' 'aych yajlilc chi yet'oc, 'ix c'och eb' 'a stz'ey, 'ix stojlb'tzan sb'a smasnil eb' soldado 'a yojltac, atn eb' quereteo yet' pax eb' peleteo 'aych stan̈maloc, yet' pax waque ciente eb' soldado geteo x'och tza'n yuj 'a chon̈b' Gat, 'ix c'och eb' 'a stz'ey win rey cha.

Pr 14:29

Toto 'ay qui niwnc'ojlalec, tzyal 'el'chi jeln on̈ec; palta toto c'un scot cowlec, tzyal 'el'chi to may qui nab'enec.

Pr 16:32

Yel xo wach' niwn tzcutjec qui c'ojol, 'a yib'n̈ pax to c'un scot cowlec. Yel xo pax wach' mun tzqui yamc 'och wan qui b'a, 'a yib'n̈ pax to tzcan junc chon̈b'al 'anma 'a yaln̈ cu'uj.

Pr 19:11

Toto tzqui yamc 'och wan qui b'a yet' yowl qui c'ojol, 'ay qui nab'enec 'ixta'; tzon̈ alxec wach'il toto tzca'c niwnc'ojlal 'a eb' tz'och smul 'ayn̈ec.

Pr 19:2

Man̈ wach'oc toto tzqui b'oc junc tas 'a man̈ nab'enal; a tas tzqui b'oc 'a sji'lti'al, 'ay 'aj man̈ wach'c tz'aj 'el'chi.

Pr 20:22

May cab' b'a'n̈ tzeyala, to tze pac e b'a, 'a'c 'och e c'ojl 'a Jehová, sec a 'oj e colni.

Pr 25:8

A tas tzeyila, man̈ 'at e comn alc mu'c 'a eb' yajal, yujto lemb'il 'ay junc xo mach tzc'ochi, tz'at yalnc wal tas yaji, ax tz'aji, 'oj e q'uixw can 'eli.

Josué 9:14

'Ix schan 'ec' eb' yajl yaj 'a eb' israel chi tas tzc'ux eb' winc cha, xyab'lni eb' muc'uc, yic tzch'oxn 'el eb' to tzb'o eb' jun trato cha, palta ma'ix sc'anb'j eb' 'a Jehová toto wach' chi tzb'o eb'.

A Ch'an̈ B'ab'el Libro Samuel 22:2

Smasnil eb' caw tz'ixtxi, eb' 'ay sb'oc, yet' eb' 'ay schab'c'ojlal, c'uxn xc'och eb' yet'oc, ax 'ix 'och syajlilc eb'. A sb'isl eb', 'aym chan̈e'oc ciente eb'.

A Ch'an̈ B'ab'el Libro Samuel 23:13

Yuj cha, 'ix 'el David 'a Keila cha, yet' eb' ajun yet'oc 'aym waque'oc ciente eb'. Chucchc lugar 'aj tz'ec' eb'. Ax yic 'ix c'och speclal 'a Saúl, to tox 'ix 'el David 'a chon̈b' Keila, yuj cha, man̈xtoc 'ix 'at 'a spatc eb'.

A Ch'an̈ B'ab'el Libro Samuel 25:12

Ax eb' winc cha, 'ix meltzj eb' 'a sb'e jun 'ejm xo. A yic xc'och eb' 'a David cha, c'uxn xyal eb' smasnil tas 'ix alx 'a eb'.

A Ch'an̈ B'ab'el Libro Samuel 27:2

Yuj cha, 'ix 'at yet' waque ciente eb' soldado ajun yet'oc, yic tz'at ya'nc 'och sb'a eb' schecb'oc sreyl Gat, atn win Aquis yunnal Maoc.