A Ch'an̈ B'ab'el Libro Samuel 25:1 - Chuj San Sebastian Bible

¹ 'Ix cham win Samuel, yuj cha, syamn sb'a smasnil eb' yit israelal, caw 'ix 'oc' eb' yu'uj. Ata smuc eb' 'a 'aj 'ay yatut 'a Ramá. Atn 'a jun tiempoal cha, 'ix 'atcn David 'a lum cusltac lum 'a yol yic Parán.

Chuj San Mateo Bible

¹ Ix cham vin̈aj Samuel, ix smolb'an sb'a masanil eb' israel. Ix te' oc' eb' yuj schamel vin̈ chi'. A d'a schon̈ab' vin̈ d'a Ramá ix mucchaji. Ix lajvi chi', ix b'atcan vin̈aj David d'a tz'inan luum d'a yol yic Parán.

A Ch'an̈ B'ab'el Libro Samuel 25:1 ပူးပေါင်းရင်းမြစ်များ

Gn 14:6

Ax ewin horeo, 'ix 'ajx ganar 'a lum tzaln tzcuch Seir, pechb'il ewinac masnto xjaw ewin 'a niwquil pan̈n 'a'lic Parán, 'a sla'nil lum cusltac lu'um.

Gn 23:2

yic 'ix cham 'ix 'a lum Quiriat-arba, atn 'a Hebrón 'a yol yic Canaán. Caw 'ix 'oc' win Abraham yuj schamlil 'ix Sara cha, 'ix 'ochcn win 'a cusc'ojlal yuj 'ix.

Gn 50:11

A yic xyiln eb' cananeo 'ayc' 'a jun lugar cha, tas tz'aj stan̈w 'ac'wl eb' 'aj Egipto cha, xyaln eb' 'ixtic: A eb' 'aj Egipto tic, caw wal ya tz'aj eb' stan̈w 'ac'wl yuj mach tzcham 'a eb', xchi eb'. Yuj cha, xyac' eb' sb'ic jun lugar chi Abel-misraim, ata 'ay 'a stojlal 'aj tzq'uel c'u 'a a niwn a Jordán.

A Ch'an̈ B'ab'el Libro Yic Yab'ixal Eb' Rey 2:34

Xlajw cha, 'ix 'at Benaía yunnal Joiada, x'at smilnc cham Joab, 'ix mucx can 'a yatut 'a cusltac lu'um.

A Ch'an̈ Schab'il Libro Yic Yab'ixal Eb' Rey 21:18

A yic 'ix chami, ata 'ix mucx 'a scal jun tzo'n̈ te 'awb'ente 'a sti sdespacho, atn 'a scal 'awb'ente yic Uza. Xlajw cha, ax jun yunnal tzcuch Amón, a 'ix 'ochcn reyl sjeloc.

2 Cr 33:20

A yic xchami, ata xmucx 'a yamq'uil sdespacho, ax jun yunnal tzcuch Amón, a x'ochcn reyl sjeloc.

Salmos 120:5

An xo tic, caw 'oltaquin, ton̈j 'e'lb'a wec' jaye'oc c'u 'a lum Mésec, in can 'a scal eb' cajn 'ec' 'a lum Cedar.

Is 14:18

Ax smasnil eb' sreyl junjn nacion̈ to wan laj yilji, oyn 'och sricoal eb' 'a stz'ey, mun 'ayc' junjn eb' 'a sjul-l 'aj mucan.

Zacarías 1:5

Palta ax ticnec, ¿tas 'ajnc eb' e mam eyichm cha? An̈jtona eb' in checb' cha, toc pitzn to eb'.

Nm 10:12

Ax eb' israel 'ix syamn 'och eb' sb'eyi, 'ix 'elt eb' 'a cusltac lum yic Sinaí. C'ojnc'ojnil 'ix b'ey cot eb' masnto xjaw eb' 'a lum cusltac lum yic Parán, yujto ata 'ix 'och wan jun 'asn cha.

Nm 12:16

Ax yic xc'ochx María chi yet' eb' 'a scamplamento cha, 'ix 'ochx eb' 'a b'eyel. 'Ix 'el paxt eb' 'a lum Hazerot, axta x'ochx wan eb' 'a lum cusltac lum tzcuch Parán.

Nm 13:26

A 'a lum Cades yic lum cusltac lum yic Parán, ata 'ayc' Moisés, Aarón yet' smasnil eb' chon̈ab'. A yic xjapx eb' 'ilm lum cha, 'ix laj yalnc eb' tas xlaj yil eb'. Sch'oxn eb' 'ilxoc sat te 'awb'ente 'ay 'a lum lum cha.

Nm 13:3

'Icha wal xyutj Jehová yalni, 'ixta xyutj Moisés schecn 'at eb' winc cha, yic 'ayc' eb' 'a lum cusltac lum yic Parán. A eb' winc cha, 'ayn̈j yopiso eb' 'a scal eb' yit israelal cha.

Nm 20:29

Ax yic xyab'n eb' israel to xchamcn Aarón, yuj cha, lajn̈schawinq'uin̈ 'ix 'oc' eb' yu'uj.

A Tas Sc'ulejnac Eb' Schecab' Jesús Hechos 8:2

Xlajwn̈ej scham Esteban, 'ay jun tzo'n̈ winc 'aych snab'en 'a Dios, 'ix yi'n 'at eb' sniwnal, x'at smucnc eb'. Caw x'oc' eb' yu'uj.

Dt 34:8

Jun 'ujl 'ix 'oc' eb' yit israelal Moisés cha, x'och eb' 'a cusc'ojlal yuj schamlil win 'a lum cusltac lum yic Moab.

A Ch'an̈ B'ab'el Libro Samuel 1:19

Ax 'a junx c'u caw 'ix seb' q'ue wan eb', xleslwi can eb' 'a Jehová, 'ix pax eb' 'a yatut 'a Ramá. Xlajw cha, xway win Elcana chi yet' 'ix Ana cha, 'ix snan cot Jehová tas c'anb'il yuj 'ix 'a 'a.

A Ch'an̈ B'ab'el Libro Samuel 28:3

A yic scham Samuel, smasnil eb' israel 'o'n̈c eb' yu'uj, smucn eb' 'a schon̈ab' atn 'a Ramá. Ax Saúl yajn̈ej spechn 'el eb' cob' jeln snan 'el junc paxti', yet' eb' tzcob' yal to tzc'umj spixn eb' chamnc 'anma 'a scal chon̈b' Israel.

A Ch'an̈ B'ab'el Libro Samuel 7:17

Tzlajw cha, tzmeltzj 'a chon̈b' Ramá, yujto ata 'ay yatut. A pax ta 'ay sdespacho yic tzb'onyaj eb' yit chon̈ab'. Ata sb'o pax jun yet'l xajmb'al yic Jehová.