A Ch'an̈ B'ab'el Libro Samuel 24:20 - Chuj San Sebastian Bible

²⁰ A ticnec 'ix nachj 'el wu'uj, to ach 'oj och reyal. A opiso 'a yib'n̈ qui chon̈ab' may mach 'oj stac' yi'n 'ec' 'a yol a c'ab'.

Chuj San Mateo Bible

²⁰ Ix nachajel vuj ticnaic to a ach val ol ach och reyal, yuj chi' a opisio d'a yib'an̈ co chon̈ab' tic, malaj mach ol yal yic'anec' d'a yol a c'ab'.

A Ch'an̈ B'ab'el Libro Samuel 24:20 ပူးပေါင်းရင်းမြစ်များ

Job 15:25

'Ixta wal tz'aj junc mach tzyij chan̈ sb'a 'a Dios to tztac' yuj smasnil, yic tzcob' ste'wtzan sb'a 'a yojltac.

Salmos 7:5

Toto 'ay eb' xwixtej, to 'ixta', ya' cab' eb' snab'en in spechn b'eyc'oc. Yamchjquin cab' yuj eb'. Sjucquin cab' eb' 'a sat lu'um, ste'wtan̈c in cab' eb', masnto tzin mucchji.

Pr 25:21

Toto 'ay swejl eb' 'ajc'ojl yajch 'ayex, 'a'c tas tzc'ux eb', toto 'ay stacn̈til eb', 'a'c tas tzyu'j eb'.

Mt 2:13

Xlajw spax eb' mago cha, 'ay jun yángel Cajlil 'ix ch'ox sb'a 'a José 'a swayich, 'ix yaln 'a 'ixtic: —Q'uen̈ wa'an, 'ij 'at win 'unn tic et'oc, yet' snun winac. 'Eln̈ec muc'uc, 'ixquec 'a Egipto. Cann̈ecn̈ej ta b'el, masnto an 'oj wal 'ayach, yujto 'oj yac' win Herodes sayxc 'ec' jun 'unn tic yic tzya'n milxoc, xchi jun ángel cha.

Mt 2:16

Ax win Herodes cha, 'ix yilni to man̈x 'ic 'ec' eb' mago chi 'a winac. Ton̈j 'ix yixtj can paxti eb' winac. Yuj cha, caw xcot yowal, 'ix ya'n win milxc cham jantcn̈ej eb' cotc winc 'unn 'ay 'a chon̈b' Belén, yet' eb' 'ay 'a sla'nil jun chon̈b' cha. 'Ix cham eb' 'ayx schab'l ab'il, yet' eb' mantzac 'el 'a schab'l ab'il. Yujto 'ixta stiempoal ye'cn eb' mago chi 'a winac.

Rt 2:12

A Jehová a 'oj 'a'nc spac 'ayach, yuj smasnil a wach'c'ojlal. 'Ajx cab' spac a wach' nab'enal yuj Jehová qui Diosal an̈ israel on̈ tic on̈, jun 'aj tzach jaw wul a col a b'a, xchi Booz.

A Ch'an̈ B'ab'el Libro Samuel 13:14

Al ticnec, man̈ najtloc 'oj ac' reyal. A Jehová 'oj saync junc xo mach to tzyiclj tas tzyala, a 'oj ya'ch yajlil a jeloc, yujto ma'ix a yiclj tas tzyal schecnb'il, xchi.

A Ch'an̈ B'ab'el Libro Samuel 23:17

'Ix yaln Jonatán 'ixtic: —Man̈ ach xiwoc, yujto ma'oj elchj yuj in mam. Ach tic 'oj och xon qui reyloc an̈ Israel on̈c tic, an xo 'oj woch schab'l yajlil. An̈jtona yojc xo in mam, xchi Jonatán.

A Ch'an̈ B'ab'el Libro Samuel 26:25

'Ix 'awj pax Saúl jun 'ejm xo, 'ix yaln 'ixtic: —Ya' cab' Dios swach'c'ojlal 'a eb'n̈ David, to 'icha wunnal aji. Niwn cab' yel'ch tas 'oj a b'o', wach' 'oj 'el'chocn̈ej smasnil, xchi Saúl. Xlajw cha, 'ix pax Saúl 'a yatut, ax David 'ix 'atx can 'a sb'e.