A Ch'an̈ B'ab'el Libro Samuel 24:2 - Chuj San Sebastian Bible

² Yuj cha, 'ix si'n 'el Saúl 'oxe mil eb' soldado caw jeln 'a scal smasnil eb' yit chon̈ab', yic tz'at saynoc eb' David yet' eb' winc ajun yet'oc. 'Ix 'at saync 'ec' eb' 'a sat q'uen niwc tenm 'aj 'ay no calte'al chiwo.

Chuj San Mateo Bible

² Yuj chi' oxe' mil eb' soldado te jelan d'a scal eb' israel ix siq'uel vin̈aj Saúl chi', yic sb'at eb' sayec' vin̈aj David chi' yed' eb' ajun yed' vin̈ d'a sattac q'uen q'ueen b'aj ay noc' c'ultaquil chiva.

A Ch'an̈ B'ab'el Libro Samuel 24:2 ပူးပေါင်းရင်းမြစ်များ

A Ch'an̈ Schab'l Libro Samuel 22:2

'Ix yaln 'ixtic: Mamin Jehová, 'icha to in n̈aq'uen aji, 'icha to in cuartel aji, in colmal ach.

Job 39:1

¿Ojc ama tas tiempoal tz'alj yune e no calte'al chiwo? ¿'Ayxam 'aj tzela tas tz'aj yalj yune e no c'ultquil chej?

Salmos 104:18

A 'a lum jolmctac witz, ata 'ay e no calte'al chiwo, ax 'a eb' q'uen n̈aq'ue'en, ata tzc'ub'j 'el sb'a e no chich.

Salmos 141:6

Ax eb' yajl yaj 'a eb' tzb'on maysch'olnil cha, 'oj ecxoc can 'at eb' 'a sat pac'an, ax yiln cot sb'a eb' ta', to a tas 'ix wala caw yel.

Salmos 37:32

A eb' tzb'on maysch'olnil, q'uelnn̈ej 'och eb' 'a eb' wach' sb'eyb'al, 'aychn̈ej 'a snab'en eb' smiln eb'.

Salmos 38:12

A eb' tzin nib'n milnc chamoc, tzlaj yac' 'ejm eb' yal 'a wojltac. A eb' tznib'n juwc 'el in nab'en, tzlaj b'ey sti eb' 'a in patic, sec tzin juw can 'el yuj eb'. Junjn c'u tzsayn eb' tas tzin yutej.

A Ch'an̈ B'ab'el Libro Samuel 13:2

'ix si'n 'elt 'oxe mil eb' winac yic tz'och eb' soldadoil 'a scal eb' yit chon̈ab'. Chab' mil eb' xcancn yet' 'a Micmas 'a lum jolmctac witz yic Betel, ax jun mil eb' xcan 'a Gabaa 'a yol yic Benjamín. Ax win Jonatán win yunnal Saúl, a win tz'a'n mandar eb'. Ax jun tzo'n̈ xo eb' xcani, 'ix checx meltzjoc junjn eb' yuj Saúl 'a yatut.

A Ch'an̈ B'ab'el Libro Samuel 23:28

'Ixta x'aj yoch wan Saúl spechn b'eyc'oc David yujto 'ix 'at yac' owl yet' eb' filisteo cha. Yuj cha, scuchn can jun lugar chi Tenm yic Pojjb'ail.

A Ch'an̈ B'ab'el Libro Samuel 26:2

Xlajw cha, 'ix 'at Saúl yet' 'oxe mil eb' soldado caw jeln 'a scal eb' yit israelal, 'ix 'at eb' 'a lum cusltac lum yic Zif, yic tzsayn pax 'ec' eb' David.