A Ch'an̈ B'ab'el Libro Samuel 24:13 - Chuj San Sebastian Bible

¹³ 'Ay jun paxti tzyal eb' 'anma pecti 'ixtic: A maysch'olnil, ata tzcot 'a eb' maysch'olnil, xchi. Yuj cha, may xon b'a'n̈ 'oj wi' chan̈ in c'ab' 'aych mamin rey.

Chuj San Mateo Bible

¹³ Ay jun lolonel syal eb' anima d'a peca' icha tic: A d'a eb' chuc, ata' scot chucal, xchi. Yuj chi' mamin rey, malaj b'aq'uin̈ ol vac'och in c'ab' d'ayach.

A Ch'an̈ B'ab'el Libro Samuel 24:13 ပူးပေါင်းရင်းမြစ်များ

Gn 16:5

Yuj cha, xyaln 'ix Sarai 'a win Abram 'ixtic: —¡O'oj, yuj cha, tzin syajn 'el 'ix 'ix xwac' 'aych tic! Tic wal pax an 'ix wac' 'ix 'ayach. Ocxom wal 'oj 'aljoc yune 'ix cha, caw niwn yel'ch 'ix 'a wib'n̈ tzyutj snani. Sb'eyc'ojloc on̈ cab' Jehová et'oc, ach am 'ay a mul, mto a 'in, xchi 'ix Sarai.

1 Cr 12:18

'Ix 'och Yespíritu Dios 'a Amasai syajlil eb' 30 cha, 'ix yaln 'ixtc: ¡Ach David yunnal Isaí, ec caj on̈, 'oj qui can et'oc! ¡Junc'ojlal cab' aji! ¡Junc'ojlal cab' aj yet' eb' xcolwj et'oc, yujto a qui Diosalec a xcolwjn̈ej pax et'oc! xchi. 'Ix schaj David eb', 'ix ya'n 'och eb' capitan̈il 'a scal eb' syajlil eb' soldado cha.

Ez 16:44

Til wal 'anma 'oj 'a'nc 'och 'a scal spaxti', ax yaln eb' yuj Jerusalén chi 'ixtic: 'Icha wal 'ix nunb'il, 'ixta pax 'ix 'uneab'il, 'oj schic eb'.

Mt 15:19

Yujto a 'a snab'en eb' 'anma tzpitzw jun tzo'n̈ tu nab'enal tic. 'Ay eb' tzmiln cham yit 'anma'il. 'Ay eb' tzb'on 'ajmulal 'a yol sc'ab' yistzil. 'Ay eb' mant 'a yistzil tzb'on 'ajmulal paxi. 'Ay eb' tz'elc'wi, 'ay eb' tzyac' 'es, 'ay pax eb' tzcomn b'uchwji.

Mt 7:20

Yuj cha, a eb' tzcob' yalch sb'a schecb'oc Dios, yujn̈ej sb'eyb'al eb', ax eyojcan 'el eb'.

Jueces 11:27

An tic, may tas tu xin b'o 'ayex. Palta ax tic, ax tu tas wan e b'oni, tzex jaw wul eyac' owl quet' on̈. Yuj cha, a cab' Jehová 'oj qui b'eyc'ojlan eyet'oc, xchi Jefté, xchi eb' 'a win rey cha.