A Ch'an̈ B'ab'el Libro Samuel 21:11 - Chuj San Sebastian Bible

¹¹ 'Ix yaln eb' soldado win Aquis chi 'ixtic: —¿Tom man̈oc jun David sb'i tic, win 'icha rey yaj 'a chon̈b' Israel? ¿Tom man̈oc jun tic tzb'itnax yuj eb' 'ix 'ix yic tzya'n eb' chan̈al 'a yic tzyaln eb' 'ixtic: 'Ec'b'al jun mil eb' smil cham Saúl, ax David 'ec'b'al lajn̈e mil eb' smil chamoc, xchi eb' 'ix? xchi eb' checb' cha.

Chuj San Mateo Bible

¹¹ Axo eb' schecab' vin̈aj Aquis chi' ix alan icha tic: —A jun vin̈ tic aton vin̈aj David, icha rey yaj vin̈ d'a Israel. Aton vin̈ sb'itaj yuj eb' ix ix ayic sq'ue chennaj eb' ix, syalan eb' ix icha tic: Smilal eb' ajc'ol ix smilcham vin̈aj Saúl. Lajlajun̈ miltac ix smilcham vin̈aj David, xchi eb' ix, xchi eb'.

A Ch'an̈ B'ab'el Libro Samuel 21:11 ပူးပေါင်းရင်းမြစ်များ

Salmos 34:1

'Oj wi'chan̈ sb'i Jehová 'a smasnil tiempo, 'oj waln̈j in wach' paxti 'a 'a.

A Ch'an̈ B'ab'el Libro Samuel 16:1

'Ix yaln Jehová 'a Samuel 'ixtic: —¿B'a'n̈to 'oj och wan oc' yuj Saúl? Man̈xtzac in nib'j to an̈ja 'aych win reyl 'a chon̈b' Israel. A ticnec 'ac' b'ut'joc no sch'ac calnelu yet' aceite. Tzlajw cha, tzach 'at 'a yatut win Isaí win 'aj Belén, yujto a 'a scal eb' yunnal, ata 'ay jun xin sic' 'elt 'oj 'ochx can reyl sjelc winac, xchi.

A Ch'an̈ B'ab'el Libro Samuel 19:18

'Ixta xyutj David scoln sb'a, 'ix 'at 'eloc. Axta xc'och 'a win Samuel 'a Ramá. 'Ix yaln 'a win yuj smasnil tas x'aj yuj Saúl. Xlajw cha, 'ix 'at yet' Samuel cha, axta xc'och cajn eb' 'a Naiot atn 'a yatut eb' schecb' Dios.

A Ch'an̈ B'ab'el Libro Samuel 27:1

Palta a David 'ix sna 'ixtic: 'Ay am wal b'a'n̈ 'oj in smil cham Saúl, yuj cha, a tas 'oj wutc ticnec, to 'oj in 'atcn 'a scal eb' filisteo, sec wach' man̈xtzac in sayx 'ec' yu'uj, 'ixta 'oj waj in colchj 'a yol sc'ab', xchi.

A Ch'an̈ B'ab'el Libro Samuel 27:2

Yuj cha, 'ix 'at yet' waque ciente eb' soldado ajun yet'oc, yic tz'at ya'nc 'och sb'a eb' schecb'oc sreyl Gat, atn win Aquis yunnal Maoc.

A Ch'an̈ B'ab'el Libro Samuel 29:5

Atn jun David tic 'ix b'itnax yuj eb' 'ix 'ix, yic tzlaj b'at'j chan̈ eb' 'ix, 'ix yaln eb' 'ix 'ixtic: A Saúl 'ec'b'al jun mil eb' winc smil chamoc, ax David 'ec'b'al lajn̈e mil smil chamoc, xchi eb' 'ix, xchi eb'.