A Ch'an̈ B'ab'el Libro Samuel 19:20 - Chuj San Sebastian Bible

²⁰ 'ix schecn 'at eb' soldado cha, yic tz'at yi'nc eb' David. Ax yic xc'och eb', 'ix yiln eb' jun tzo'n̈ eb' schecb' Dios, wan yaln 'el eb' spaxti Dios cha, ax Samuel a tzjucb'tzan eb'. Yajn̈j wal cha, 'ix 'och Yespíritu Dios 'a eb' soldado cha, syamn 'och eb' yal-l spaxti Dios.

Chuj San Mateo Bible

²⁰ ix yac'anb'at schecab' vin̈ yic b'at ic'joccot vin̈. Ayic ix c'och eb' checab' chi', ix yilan juntzan̈ eb' schecab' Jehová eb', van sb'itan eb' yuj Yespíritu Dios, axo vin̈aj Samuel chi' scuchb'an eb'. A d'a jun rato chi', ix och Yespíritu Dios d'a eb' schecab' vin̈aj Saúl chi', ix och eb' d'a scal eb', ix b'itan eb'.

A Ch'an̈ B'ab'el Libro Samuel 19:20 ပူးပေါင်းရင်းမြစ်များ

Jl 2:28

A yic 'oj jawc jun slajb' tiempoal, 'oj wa'ch Wespíritu 'a smasnil 'anma'. Ax eb' 'unnab'il yet' eb' 'islab'il 'oj alnc 'el in paxti'. A eb' 'ichmtac 'anma', 'oj in paxtin 'a eb' 'a swayich, ax eb' quelmtac, 'oj in ch'ox jun tzo'n̈ tas 'a eb', 'a 'icha waychil.

Nm 24:2

Ax xyiln 'at Balaam to latz'mtac yaj scamplamento junjn 'in̈tal eb' israel, yuj cha, 'ix 'och Yespíritu Dios 'a 'a.

Jn 7:32

Ax ewin fariseo, xyab'n ewinac tas xyal eb' 'anma yuj Jesús. Yuj cha, smol aln ewin yet' eb' sat ya'mal 'och sti eb' israel 'a Dios, 'ix cob' schecnc 'at ewin jun tzo'n̈ eb' policía stan̈mal yatut Dios, yic tz'at yi'nc cot ewin Jesús, sec tzya'ch ewin 'a preso cob' snani.

1 Co 14:3

Palta a mach tzaln 'el spaxti Dios, a 'a eb' yit 'anmal tzyal-li, sec tz'och ste'nal eb'. Toto 'ixta', caw tzjaw snab'en eb', tz'ajx sniwnal sc'ojl eb' yu'uj.

A Ch'an̈ B'ab'el Libro Samuel 10:10

A yic xc'och yet' jun schecb' chi 'a Gabaa, 'ix 'elt jun tzo'n̈ schecb' Dios wul scha sc'ochi. Yajn̈j wal cha, 'ix 'och Yespíritu Dios yet' spoder 'a 'a, yuj cha, 'ix syamn 'och yaln 'el spaxti Dios yet' eb'.

A Ch'an̈ B'ab'el Libro Samuel 19:11

Yajn̈j wal cha, 'ix schecn 'at Saúl chi eb' soldado 'a yatut David cha, yic tz'at stan̈wnoc eb', sec ax yic tzsacb' 'eli tzmilx chamoc. Palta ax 'ix yistzil David cha, 'ix yaln 'ix 'a win 'ixtic: —Toto ma'oj a col a b'a 'a jun 'ac'wl tic, q'uic'an chamnc ach xo, xchi 'ix 'a winac.

A Ch'an̈ B'ab'el Libro Samuel 19:14

Ax yic schecn 'at Saúl chi eb' soldado 'at sjal cot David, ax yic xc'och eb', xyaln 'ix Mical chi 'a eb', chajtlto ya'ay winac.

A Ch'an̈ B'ab'el Libro Samuel 19:19

A yic xyab'n Saúl, chajtlto ata 'ayc' David 'a Naiot cha',

A Ch'an̈ B'ab'el Libro Samuel 19:21

A yic xyab'n Saúl jun cha, 'ix schecn 'at jun tzo'n̈ xo eb' soldado, an̈jtona 'ix 'och pax jun tzo'n̈ xo eb' chi alj 'el spaxti Dios. Xlajw cha, schecn 'at win eb' yoxc'ajil soldado, palta an̈jtona 'ixta pax x'aj eb'.