A Ch'an̈ B'ab'el Libro Samuel 18:4 - Chuj San Sebastian Bible

⁴ 'Ix yi'n 'el Jonatán jun spotl 'aych yu'uj, 'ix ya'n 'a David, yet' jun tzo'n̈ xo spichl 'aychi, xya'n pax yespada yet' sjul-lab', yet' pax sinchoal snan̈al.

Chuj San Mateo Bible

⁴ Ix yic'anpaxel masanil spichul vin̈aj Jonatán yic oval ayoch yuuj, ix yac'an vin̈ d'a vin̈aj David chi' yed' q'uen yespada, jul-lab' yed' cincho ayoch d'a snan̈al vin̈.

A Ch'an̈ B'ab'el Libro Samuel 18:4 ပူးပေါင်းရင်းမြစ်များ

Gn 41:42

Xlajw cha, xyi'n 'el win rey jun scolc'ab' 'aych seyoal 'a sc'ab', xya'n 'och 'a sc'ab' José. Xya'n win 'ajxoc 'och spichl to lino wach' yilxi, xya'n pax 'och win jun cadena nab'a oro 'a sjaj winac.

A Ch'an̈ Schab'l Libro Samuel 1:22

Caw may 'aj ton̈j 'ix meltzj Saúl yet' Jonatán 'a 'ichn̈jta 'a owal. A yico', to xb'on̈xn̈ej yespada yet' sjul-lab' 'a scal schiq'uil yet' 'a xepual eb' 'ajc'ojl caw jeln cob' 'a owl cha.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Ez 23:15

'aych jun tzo'n̈ cincha 'a snan̈l eb' yic yopiso cha. A sc'oxl sjolm eb' 'ay q'ue'i, tz'ib'quintac yilxi, 'icha yilx eb' scapitan̈il eb' soldado 'aj Babilonia, 'ixta yilx eb', caldeo eb' smasnil.

Lc 15:22

Palta ax smam cha, xyaln 'ixtc 'a eb' smoso: 'Ixquec muc'uc, 'at 'ijec cot jun tzo'n̈ pichl caw wach', tzeya'n 'och 'a jun wunnal tic. Tzeya'ch scolc'ab', tzeya'n 'och xan̈ab'.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

A Ch'an̈ B'ab'el Libro Samuel 17:38

Xlajw cha, xyi'n 'el Saúl spichl 'aych yuj yic owal, 'ix ya'n 'ajxoc 'och 'a David. Xya'n 'ajxoc q'ue jun q'uen xumpiln nab'a bronce 'a sjolom, x'ajx 'och jun q'uen coraza 'a sn̈i sc'ojol.

A Ch'an̈ B'ab'el Libro Samuel 18:5

Caw wach'n̈j x'aj 'el'ch smasnil tas 'ix 'ajx sb'o David yuj Saúl, yuj cha, xya'n 'och win syajlilc jun macn̈ eb' soldado caw 'a'm owal. Caw wal stzalj eb' 'anma yet' David cha, an̈jtona pax eb' yit yajlil win Saúl cha, caw stzalj eb' yet'oc.